Yêrêmi 20:7 - Nau Brah Ndu Ngơi 2023

⁷ Ơ Brah Yêhôva, May hŏ nsŭk nsôr jêh ma gâp, Gâp lĕ geh nau May nsŭk nsôr; May ktang lơn ma gâp, Jêh ri May hŏ dơi jêh. Lĕ nar gâp ƀư ƀaƀơ nau gơm ăn ma neh ntu, Ăp bunuyh mưch rmot ma gâp.

Yêrêmi 20:7 Iomraidhean Croise

II Phung Hađăch 2:23

Tă bơh nây, Y-Êlisê hăn hao tât ta Bêthel. Păng dôl hăn rŏ trong, geh phung kon se luh tă bơh ƀon jêh ri gơm mpray ma păng lah: “Hơi bu klâu hil bôk, hăn hao hom! Hơi bu klâu hil bôk, hăn hao hom!”

Ndrom Samƀŭt bơh Yôp 12:4

Gâp dôl jêng nau gơm ăn ma mĭt jiăng, Nđâp lah gâp hŏ kuăl mbơh sơm ma Brah Ndu jêh ri Păng plơ̆ lah ma gâp; Bunuyh răp jăp n'hêl nê̆ jêng nkhơng nau gơm mưch ăn ma neh ntu!

Ndrom Samƀŭt bơh Yôp 30:9

Bi aƀaơ ri, kon sau khân păng bu mprĭng mprơ ma nau ntêh rmot, Djôt leo gâp jêng ndơ gay ma gơm mưch.

Nau Mprơ Ơm 119:51

Phung sưr mưch ma gâp hâu ngăn, Ƀiălah ăt gâp mâu teng ôh bơh nau vay May.

Êsai 8:11

Ma ti ktang n'gân ta gâp, Brah Yêhôva ntĭm nti jêh ri mbơh jêh ma gâp lơi hăn ôh tâm trong phung ƀon lan aơ. Păng lah:

Yêrêmi 15:10

“Mê̆ ơi, rêh ni ma gâp, yorlah ay hŏ deh jêh gâp, Gay ƀư bunuyh mâp ma nau tâm rlăch jêh ri nau tâm rlăch nchră lam n'gor. Gâp mâu ăn bu manh ôh, mâu lĕ manh ndơ bu Ƀiălah lĕ rngôch bunuyh rak rtăp gâp.”

Yêrêmi 15:18

Mâm nau ji gâp mâu rlu, Sôt rmanh gâp mâu dơi săm Jêh ri mâu ŭch bah? Di lĕ ma gâp, May nâm bu dak n'hor mƀruh nchơt, Nâm bu n'hor dak lĕ suăt dak tu hĕ?

Yêrêmi 17:16

Bi ma gâp, gâp mâu gơnh chalơi ôh nau pah kan rmăk biăp ƀiălah tĭng May yơh. May gĭt, gâp mâu kâp gân ôh nau mhĭk tât. Nau ngơi luh ta bơh bâr mbung gâp Gŭ tanăp măt May da dê.

Yêrêmi 20:9

Tơlah gâp ngơi: “Gâp mâu mra ngơi tât ma Păng đŏng ôh; Gâp mâu mra tâm amoh Păng đŏng ôh,” Nau May ngơi nâm bu chiông ŭnh su hit nuih n'hâm gâp, Put ndâp tâm nting gâp, Gâp hŏt rgănh yor nau ât rklăk, Mâu hôm dơi dơn ôh.

Yêrêmi 29:26

Brah Yêhôva njêng jêh may ƀư kôranh ƀư brah ntrok an ma kôranh ƀư brah Y-Jêhôida gay chiă uănh tâm ngih Brah Yêhôva, jêh ri đă nkông jâng, văn ndrak ta trô ko ma lĕ rngôch phung rluk ntơ êng jêng nơm mbơh lor.

Yêrêmi 38:19

Hađăch Sêdêkia lah ma Y-Yêrêmi: “Gâp klach lah gâp hŏ luh jao săk gâp nơm ma phung tahan Kaldê, phung Yuđa mra jao gâp ma ti khân păng jêh ri khân păng ƀư mhĭk ma gâp.”

Nau Nhĭm Vơl 3:14

Gâp jêng ndơ bu gơm mưch ăn ma phung ƀon lan gâp, Jêng nau mprơ mưch ma khân păng mprơ huy ăp nar.

Êsêkiêl 3:14

Huêng Brah chông gâp leo rlet klơ jêh ri leo gâp hăn; gâp hăn nuih n'hâm bêng ma rngot ngăn ngên, ji nuih ngăn. Ti Brah Yêhôva dơm ta klơ gâp ma nau ktang ngăn.

Ndrom Samƀŭt bơh Ôsê 9:7

Lĕ nar tâm rmal lĕ tât jêh, Lĕ nar phat dôih hŏ tât jêh! Israel mra gĭt nau aơ. Nơm mbơh lor jêng du huê rluk, Bunuyh geh brah huêng jêng rluk, Yor nau tih mhĭk may âk ngăn Jêh ri nau ji nuih may toyh ngăn.

Yônais 4:2

Păng mbơh sơm ma Brah Yêhôva pô aơ: “Ơ Brah Yêhôva, mâu di hĕ nau aơ jêng nau gâp hŏ lah jêh ma May dôl gâp hôm gŭ tâm bri gâp hĕ? Yor nây yơh gâp ndal hăn du ma bri Tarsis. Yorlah gâp gĭt May jêng Brah Ndu ueh, yô̆ nđach, mâu gơnh ji nuih ôh, bêng ma nau ueh jêh ri tâm rgâl nau mĭn mâu ƀư tŭp nau mhĭk.

Mika 3:8

Ƀiălah bi ma gâp, gâp bêng ler ma nau dăng, Nau di jêh ri nau nuih n'hâm janh Yor Huêng Brah bơh Brah Yêhôva Gay mbơh ma Yakôb gĭt nau păng ƀư tih, Jêh ri ma phung Israel gĭt nau tih păng.

Luka 16:14

Phung Pharisi jêng phung rŏng ma prăk rêl tăng lĕ nau nây, ri mơ mưch rmot ma Brah Yêsu.

Luka 23:11

Hêrôt ndrel ma phung tahan mưch rmot jêh ri ƀư bêk prêng ma Brah Yêsu, nsoh ma Brah Yêsu ao âk ntil bok jêh nây têk leo jao Păng ma Pilat.

Kôranh Oh Mon 17:18

Geh ƀaƀă phung kan tâm nau mĭn tâm bar phung nti Nau Maak jêh ri Nau Dăng tâm nchră đah păng đŏng. Nơm ôp: “Moh nau bunuyh ƀôch ƀôr aơ ŭch lah?” Nơm êng lah: “Tâm ban ma păng mbơh nkoch ma lĕ brah bu năch” — yorlah Y-Pôl mbơh nkoch Nau Mhe Mhan Ueh ma Brah Yêsu jêh ri nau dâk rêh tay.

Kôranh Oh Mon 17:32

Tơlah khân păng tăng Y-Pôl ngơi ma nau dâk rêh tay bơh nau khĭt, ƀaƀă bunuyh gơm mưch, ƀiălah ƀaƀă bunuyh êng lah: “Hên mra ŭch iăt may nkoch bri nau aơ du tơ̆ đŏng.”

I Kôrintô 9:6

Mâu lah knŏng gâp jêh ri Y-Ƀarnaƀas dơm mâu geh nau dơi lơi kan gay ma tĭng joi nau rêh?

ហេឞ្រើ 11:36

Ƀaƀă êng dơn nau bu mưch rmot, nau bu dong mbang, nau bu nkông ma rse rvăk jêh ri nau bu krŭng.