Yêrêmi 20:5 - Nau Brah Ndu Ngơi 2023

⁵ Gâp mra jao lĕ rngôch drăp ndơ tâm ƀon, lĕ rngôch ndơ, ăp ndơ khlay, tâm ban lĕ rngôch jay ndơ khlay phung hađăch Yuđa tâm ti phung rlăng khân păng. Phung rlăng mra sŏk ntŭng, sŏk pit jêh ri djôt leo ma bri Babilôn.

Yêrêmi 20:5 Iomraidhean Croise

II Nau Rêh Jêng 36:10

Tâm bôk năm, hađăch Nêbukatnetsar đă bu hăn nhŭp Y-Jêhôjakin leo păng ma ƀon Babilôn, nđâp ma lĕ rngôch ndơ khlay bơh ngih Brah Yêhôva, jêh ri ndâk oh păng Y-Sêdêkia jêng hađăch chiă uănh n'gor Yuđa jêh ri ƀon Yêrusalem.

Êsai 39:6

‘Aơ, tâm lĕ nar mra tât, lĕ rngôch ndơ tâm ngih hađăch may, lĕ rngôch ndơ phung chô yau may hŏ prăp jêh tâm lĕ jay prăp drăp ndơ khlay kŏ tât ta nar aơ, bu mra djôt leo ta Babilôn; mâu hôm geh du ntil ndơ ôh!’ Brah Yêhôva lah kơt nây.

Yêrêmi 12:12

Ta klơ yôk hil tâm bri rdah Phung sŏk ntŭng ƀư rai hŏ lip tât jêh; Yor mpiăt đao Brah Yêhôva rvăn neh aơ Ntơm bôk đah aơ tât bôk đah ri, Mâu geh du săk jăn dơi đăp mpăn.

Yêrêmi 15:13

Drăp ndơ khlay khân may Gâp mra ăn phung rlăng ntŭng lĕ mâu mplơ̆ prăk, Yor lĕ rngôch nau tih khân may hŏ ƀư jêh Tâm lam nkual khân ay may.

Yêrêmi 17:3

Ơ yôk Gâp tâm mir, Gâp mra jao lĕ drăp ndơ, drăp ndơ khlay may ăn ma phung ntŭng Yor nau tih may hŏ ƀư ta klơ lĕ ntŭk prêh Tâm lam bri may nơm.

Yêrêmi 3:24

Ntơm bơh hên hôm mom ndăm, Brah khư ma nau bêk prêng hŏ rvăn lĕ kan chô yau hên, Phung biăp, phung ndrôk, Phung kon bu klâu, kon bu ur khân păng.

Yêrêmi 32:24

Ri, ăp ntŭk pôih hŏ bât tât êp ƀon toyh, gay lơh pit in păng. Yor ma pêh đao, sa sât ji ngot, nau ji tưp, yor nây ƀon aơ tŭp tâm ti phung Kaldê dôl tâm lơh đah khân păng. Nau May lah hŏ geh tât jêh, May saơ rah vah ngăn!

Yêrêmi 39:2

Ta nar sĭn khay puăn năm rơh jât ma nguay rnôk rô̆ Y-Sêdêkia, ƀon toyh bu lơh rai.

Yêrêmi 39:8

Phung Kaldê su ngih hađăch jêh ri ngih vâl phung ƀon lan, ƀư rai lơi mpêr ƀon toyh Yêrusalem.

Yêrêmi 4:20

Nau ji tưp lơ hâu nau ji tưp, Lam n'gor rai ƀhiau. Vâl bok gâp ƀât lât bu ƀư rai lĕ, Bok nchăng sat lĕ tâm ƀât lât.

Nau Nhĭm Vơl 1:10

Phung rlăng hŏ yơr ti Sŏk lĕ rngôch ndơ khlay păng; Păng nơm hŏ saơ jêh phung ƀon lan bu năch Lăp tâm ntŭk ngih kloh ueh, Khân păng jêng phung May hŏ buay jêh Mâu dơi lăp ôh ma nau tâm rƀŭn May.

Nau Nhĭm Vơl 1:7

Tâm nar nau rêh ni păng nsong mblêng, Ƀon Yêrusalem kah gĭt ma lĕ rngôch ndơ khlay păng Ndơ păng dơn ntơm bơh rô̆ saơm. Lah phung ƀon lan păng tŭp tâm ti phung rlăng, Mâu geh nơm kơl păng ôh, Phung rlăng uănh păng ma nau mưch rmot Tâm nau păng jêng rngol!

Nau Nhĭm Vơl 4:12

Phung hađăch gŭ ta neh ntu mâu iăt ôh, Lĕ rngôch ntil mpôl bunuyh ta neh ntu mâu ntôn, Phung rlăng jêh ri tahan phung rlăng mra hăn lăp Lĕ mpông ƀon Yêrusalem.

Êsêkiêl 22:25

Phung kôranh mbơh lor păng njêng nchră ta nklang păng nâm bu du mlâm yau mŭr gŭ ngrông dôl grang hêk mpa păng kăp; khân păng sa rvăn lĕ huêng, sŏk ntŭng drăp ndơ jêh ri ndơ khlay; ƀư ăn phung ndrô ntop âk tâm ƀon.

Daniel 1:2

Kôranh Brah jao Y-Jêhôjakim, hađăch bri Yuđa, jêh ri ƀaƀă ndơ dŏng tâm ngih Brah Ndu tâm ti hađăch Nêbukatnetsar. Hađăch aơ djôt lĕ ndơ nây nglăp ta ngih brah păng tâm bri Sinar, jêh ri ăn tâm jay drăp brah păng.

Ndrom Samƀŭt bơh Ôsê 13:15

Nđâp tơlah Êphraim geh bĭk rơ̆ ta nklang oh nâu păng Pôri du chiông sial tă nhâp nar mra khôm tât, Nây jêng sial Brah Yêhôva khôm tă bơh bri rdah, Ƀư suăt lĕ tu dak jêh ri ƀư sơh lĕ n'hor dak. Chiông sial nây mra sŏk ntŭng jay bun drăp prăp ăp ndơ khlay.