Yêrêmi 20:4 - Nau Brah Ndu Ngơi 2023

⁴ Yorlah Brah Yêhôva lah: ‘Aơ, Gâp mra ƀư may jêng nau klach krit ngăn ăn may nơm jêh ri ma lĕ rngôch mĭt jiăng may. Khân păng mra cha lôt khĭt tâm dâng đao phung rlăng jêh ri măt may nơm saơ nau nây. Gâp mra jao lĕ rngôch phung ƀon lan Yuđa tâm ti hađăch Babilôn, hađăch nây mra njŭn leo khân păng jêng bu nă ma bri Babilôn jêh ri dŏng đao nkhĭt khân păng.

Yêrêmi 20:4 Iomraidhean Croise

II Phung Hađăch 25:7

Khân păng nkhĭt phung kon bu klâu Y-Sêdêkia tanăp măt păng. Jêh nây khân păng rloch lơi măt Y-Sêdêkia, nkông păng ma rse rvăk kông, jêh ri njŭn leo păng ma bri Babilôn.

Nau Mprơ Ơm 73:19

Ri, bu ƀư rai khân păng tâm ƀât lât, Nau klach toyh ƀư ma khân păng roh rai.

Yêrêmi 13:10

Phung ƀon lan mhĭk aơ mâu ŭch iăt ôh nau Gâp, sŏl ko ƀư tĭng nau mĭn nuih n'hâm khân păng nơm, nchuăt tĭng ndô̆ phung brah êng ŭch pah kan jêh ri yơk mbah. Khân păng mra jêng mâu hôm dŏng nâm bu rse vân bŭt aơ.”

Yêrêmi 13:19

Lĕ ƀon Nêgep bu nchueng jŭm da dê jêh Mâu geh bunuyh rklaih ăn khân păng. Lĕ rngôch phung Yuđa bu ƀư jêng bu nă, Lĕ rngôch bu nhŭp rdu.

Yêrêmi 19:15

“Brah Yêhôva ma phung tahan, Brah Ndu phung Israel lah, lah: ‘Aơ, Gâp dăch ăn ma ƀon aơ jêh ri lĕ ƀon gŭ dăch ma lĕ rngôch nau mhĭk tât Gâp hŏ mbơh lor jêh, yorlah khân păng dăng bôk dăng trô ko mâu ŭch iăt ôh nau Gâp.’”

Yêrêmi 20:6

Bi may, hơi Y-Pashur, may nơm jêh ri phung gŭ tâm ngih may bu mra ƀư jêng bu nă da dê. May mra tât ma Babilôn, khĭt jêh ri tâp ta nây ndrel ma lĕ rngôch phung mĭt jiăng may, jêng phung bunuyh hŏ iăt nau mbơh lor nklă may.’”

Yêrêmi 25:9

aơ, Gâp mra prơh hăn lĕ rngôch băl mpôl bunuyh tâm bri mpeh pa lơ jêh ri Y-Nêbukatnetsar, hađăch bri Babilôn, oh mon Gâp, tât tâm rdâng đah bri aơ jêh ri ƀon lan gŭ tâm bri păng, ndrel ma lĕ rngôch bri dak gŭ văr jŭm nây. Gâp mra ƀư rai khân păng, ƀư ăn ma khân păng jêng du ntil ndơ ƀơ̆ bơch, du nau bu gơm mưch, du ntŭk jêng rngot njăp n'ho ro.’ Brah Yêhôva lah pônây.

Yêrêmi 29:21

“Brah Yêhôva ma phung tahan, Brah Ndu Israel, lah ma Y-Ahap, kon bu klâu Y-Kôlaya, jêh ri ma Y-Sêdêkia, kon bu klâu Y-Maseya, jêng phung mbơh lor nklă mƀruh tâm amoh Gâp, pô aơ: ‘Aơ, Gâp mra jao khân păng tâm ti Y-Nêbukatnetsar, hađăch Babilôn, hađăch nây mra nkhĭt khân păng tanăp măt khân may.’

Yêrêmi 46:5

Mâm ƀư Gâp hŏ saơ jêh nau aơ? Khân păng klach ngăn jêh ri rŭch plơ̆; Phung tahan bu lơh rai lĕ jêh, Ngăch ma du ro, Khân păng mâu hôm plơ̆ n'gĭl pakơi ôh; Geh nau nkrit toyh jŭm chiau meng!” Brah Yêhôva lah pônây.

Yêrêmi 52:24

Kôranh phung tahan gak nhŭp Y-Sêraya, kôranh ƀư brah toyh, jêh ri Y-Sêphania, groi kôranh ƀư brah, ndrel ma pe bunuyh mât chiă mpông ngih brah.

Yêrêmi 52:27

Hađăch Babilôn dong jêh ri nkhĭt khân păng ta ƀon Ribla, tâm n'gor Hamat. Nây jêng phung Yuđa bu veng leo ƀư bu nă tâm n'gor bri êng.

Yêrêmi 6:25

Lơi ta luh padih mir ôh, Lơi hăn nsong rŏ trong, Yorlah phung rlăng cheng đao, Srih nau klach krit lam ntŭk.

I Samuel 2:33

Bi mbu tâm ngih may ma Gâp mâu mprơh ôh tă bơh nơng ƀư brah Gâp, gay ƀư ma măt may hŏt rgănh, nuih n'hâm may geh nau rngot rvê; ƀiălah lĕ rngôch kon sau tâm ngih may mra khĭt dôl hôm ndăm.