Yêrêmi 20:18 - Nau Brah Ndu Ngơi 2023

¹⁸ Mâm ƀư gâp luh du bơh ndŭl mê̆ Gay saơ nau hŏt r'ah rngot rvê, Du bông nau rêh anh nau prêng?

Yêrêmi 20:18 Iomraidhean Croise

I Phung Hađăch 19:4

Bi păng hăn trong du nar đŏng lăp tâm bri rdah. Păng gŭ tâm dâng du tơm si n'ho toyh jêh ri mbơh sơm dăn ma păng khĭt: “Hơi Kôranh Brah! Lĕ găp jêh. Dăn ma May nglôch lơi nau rêh gâp, yorlah gâp mâu jêng ueh lơn ôh đah phung chô yau gâp.”

Ndrom Samƀŭt bơh Yôp 14:1

“Kon bunuyh deh tă bơh bu ur Rêh ƀât lât knŏng djê̆ nar, ƀiălah bêng ma nau uh ah.

Ndrom Samƀŭt bơh Yôp 14:13

Ơ! Ŭch ma Kôranh Brah pôn gâp tâm ƀon phung khĭt, Nkŭm ndâp gâp kŏ tât Păng djoh nau ji nuih Jêh ri nal du rô̆ gay ma kah gĭt ma gâp!

Ndrom Samƀŭt bơh Yôp 3:20

Mâm dĭng phung rêh ni dơi ăn nau ang, Jêh ri phung geh nuih n'hâm rngot rvê dơi ăn nau rêh?

Ndrom Samƀŭt bơh Yôp 5:7

Ƀiălah bunuyh deh gay dơn nau rêh ni Nâm bu mprănh ŭnh mpăr hao klơ trôk.

Nau Mprơ Ơm 102:3

Yorlah lĕ nar gâp lêk nâm bu thŭl tŭk, Nting gâp rai nâm bu ŭnh sa ônh tâm ŭnh năk.

Nau Mprơ Ơm 69:19

May gĭt nau prêng gâp, Nau bêk prêng jêh ri nau ƀơ̆ gâp; Lĕ phung rlăng ma gâp gŭ tanăp măt May da dê.

Êsai 1:6

Bơh mpang jâng tât ta bôk, Mâu geh du ntŭk bah ôh, Lĕ ntŭk sôt jêh ri ntŭk môr bŭr Jêh ri lĕ ntŭk mhe sôt, Mâu hŏ jĭr ôh, mâu lĕ mâp put, Mâu lĕ mâp mhĭng ma dak ngi ôlive jêh ri piăch.

Êsai 51:7

Ơ phung gĭt nau sŏng, iăt hom Gâp! Khân may jêng phung nchih nau vay Gâp tâm nuih n'hâm; Lơi klach ôh ma nau bunuyh nduyh, Mâu lĕ krit kir ma nau khân păng suai rak.

Yêrêmi 15:10

“Mê̆ ơi, rêh ni ma gâp, yorlah ay hŏ deh jêh gâp, Gay ƀư bunuyh mâp ma nau tâm rlăch jêh ri nau tâm rlăch nchră lam n'gor. Gâp mâu ăn bu manh ôh, mâu lĕ manh ndơ bu Ƀiălah lĕ rngôch bunuyh rak rtăp gâp.”

Yêrêmi 15:18

Mâm nau ji gâp mâu rlu, Sôt rmanh gâp mâu dơi săm Jêh ri mâu ŭch bah? Di lĕ ma gâp, May nâm bu dak n'hor mƀruh nchơt, Nâm bu n'hor dak lĕ suăt dak tu hĕ?

Yêrêmi 3:25

Hên di ma lâng bê̆ch tâm nau bêk prêng, Ntâk klơ hên nau bêk prêng. Yorlah lĕ rngôch hên nđâp ma chô yau hên Hŏ ƀư tih đah Yêhôva Brah Ndu da dê; Ntơm bơh hôm mom ndăm tât aƀaơ, Phung hên mâu ŭch iăt nau Yêhôva Brah Ndu hên.”

Yêrêmi 8:18

Ŭch ma gâp dơi bonh leng bơh nau rngot, Nau knap ƀư nchah rai tâm nuih n'hâm!

Nau Nhĭm Vơl 1:12

“Hơi lĕ rngôch mbu nơm hăn rgăn ta aơ! khân may mâu meng ôh hĕ? Văch hom jêh ri uănh! Geh đŏng nau rngot dơi rđĭl Đah nau rngot Brah Yêhôva jŭr jêh ta klơ gâp, Păng hŏ tâm rmal jêh gâp Tâm nar Păng ji nuih ngăn hĕ?

Nau Nhĭm Vơl 3:1

Gâp jêng bunuyh lĕ prot găn nau rêh ni, Tâm dâng mâng jra nau Păng ji nuih.

Habakuk 1:3

Mâm ƀư may ăn gâp saơ nau mâu tâm di? Mâm May gŭ uănh mro ma nau bu ƀư mhĭk? Panăp gâp jêng nau ƀư rai jêh ri nau djơh mhĭk; Nau tâm djrel jêh ri nau tâm rlăch geh tât lam ntŭk.

Yôhan 16:20

Nanê̆, Gâp lah ngăn ma khân may, khân may mra nhhiăng nhĭm jêh ri nter lŭng, ƀiălah phung neh ntu mra răm maak. Khân may mra rngot, ƀiălah nau rngot khân may mra plăch jêng nau răm maak.

Kôranh Oh Mon 5:41

Pô nây, phung oh mon du luh tă bơh phung Kôranh Phat Dôih, khân păng răm maak yorlah bu kơp khân păng khư dơn nau rêh ni yor amoh Kôranh Brah.

II Timôthê 1:12

nây yơh jêng nau gâp dơn nau rêh ni. Ƀiălah gâp mâu đit prêng ôh, yorlah gâp gĭt ma mbu Nơm gâp chroh, jêh ri gâp gĭt ngăn ma Nơm nây geh nau brah king n'gang ndơ gâp jao jêh kŏ tât nar nây.

ហេឞ្រើ 10:36

Ăn khân may srôih gay ƀư tĭng nau Brah Ndu ŭch, khân may mra dơn nau Păng ton jêh ma khân may.

ហេឞ្រើ 11:36

Ƀaƀă êng dơn nau bu mưch rmot, nau bu dong mbang, nau bu nkông ma rse rvăk jêh ri nau bu krŭng.

ហេឞ្រើ 12:2

Uănh hom ma Brah Yêsu, Nơm ntơm bơh saơm jêh ri lôch nau chroh, jêng Nơm yor nau răm maak dơm jêh tanăp măt Păng nơm, maak dơn si tâm rkăng, tâm rmot ma nau bêk prêng, jêh ri gŭ jêh mpeh pa ma sưng hađăch Brah Ndu.

ហេឞ្រើ 13:13

Yor ri he hăn luh hom ndrel ma Păng ta padih pôih tahan, gay sŏk dơn nau bêk prêng ndrel ma Păng.