Yêrêmi 20:12 - Nau Brah Ndu Ngơi 2023

¹² Ơ Brah Yêhôva ma phung tahan, May jêng Nơm sek uănh bunuyh sŏng srăng, Nơm dơi uănh tâm nuih n'hâm jêh ri tâm nau mĭn. Ăn gâp saơ nau May har plơng bôk ma khân păng, Yorlah gâp hŏ ngơi nkoch jêh kan gâp ma May.

Yêrêmi 20:12 Iomraidhean Croise

II Nau Rêh Jêng 24:22

Pônây, hađăch Jôas mâu knŏng chuêl jêh nau yô̆ Y-Jêhôida, mbơ̆ Y-Sakari, hŏ ƀư jêh ma păng, ƀiălah hôm nkhĭt đŏng kon bu klâu păng. Nôk dăch khĭt, Y-Sakari lah: “Dăn Brah Yêhôva sek uănh jêh ri plơng bôk!”

Nau Mprơ Ơm 11:5

Brah Yêhôva sek uănh phung sŏng srăng nđâp ma phung djơh mhĭk, Jêh ri nuih n'hâm Păng tâm rmot ma phung ŭch ƀư nau janh ktang.

Nau Mprơ Ơm 139:23

Ơ Brah Ndu! Dăn sek uănh gâp jêh ri gĭt nuih n'hâm gâp; Rlong uănh gâp gay ma gĭt nau mĭn gâp;

Nau Mprơ Ơm 17:3

Kôranh Brah hŏ sek uănh jêh nuih n'hâm gâp, khâl gâp dôl măng; May rlong uănh gâp ƀiălah joi mâu saơ geh nau ôh; Gâp ntrâng ton trôm mbung gâp mâu mra ƀư tih.

Nau Mprơ Ơm 54:7

Yorlah May tâm rklaih gâp bơh lĕ rngôch nau rêh ni; Măt gâp saơ bu har plơng bôk phung rlăng đah gâp.

Nau Mprơ Ơm 58:10

Bunuyh sŏng srăng mra maak tơlah saơ nau plơng bôk; Khân păng mra rao jâng tâm mham phung mhĭk.

Nau Mprơ Ơm 59:10

Brah Ndu mra sŏk nau ueh Păng gay ma vơt rom gâp; Brah Ndu mra ăn gâp saơ bu plơng ma phung rlăng gâp.

Nau Mprơ Ơm 62:8

Hơi phung ƀon lan, rnơm nsing hom ma Păng ƀaƀơ; Nkhŭt hom lĕ nuih n'hâm tanăp măt Păng; Yorlah Brah Ndu jêng ntŭk he nde krap. (Sêla)

Nau Mprơ Ơm 7:9

Ơ Brah Ndu sŏng srăng, Jêng nơm sek uănh nuih n'hâm kon bunuyh, Dăn ƀư lôch nau djơh mhĭk phung ƀai Ƀiălah ƀư ăn nâp bunuyh sŏng srăng.

Nau Mprơ Ơm 86:4

Dăn ƀư ma huêng oh mon May geh nau maak Yor ma May Ơ Kôranh Brah! Huêng gâp kâp gân May.

Êsai 37:14

Y-Hêsêkia sŏk dơn samƀŭt bơh phung mbơh jao tâm ti păng. Răk lôch jêh, hađăch hăn hao ro ma ngih Brah Yêhôva jêh ri ling samƀŭt tanăp Brah Yêhôva.

Êsai 38:14

Gâp nter tâm ban ma sĭm njơch dak, sĭm rlêng; Gâp nđêng tâm ban ma sĭm plŭk; Măt gâp rgănh huơi jêh n'gơr uănh klơ prêh.” “Ơ Kôranh Brah, gâp dôl gŭ tâm nau rŭng răng, Dăn May kơl gâp!

Yêrêmi 11:20

Ơ Brah Yêhôva ma phung tahan! May phat dôih ma nau sŏng, sek uănh nuih n'hâm jêh ri nau mĭn, Dăn ăn ma gâp saơ nau plơng bôk Kôranh Brah ăn ma khân păng, Yorlah gâp mbơh jêh kan gâp ma May.

Yêrêmi 12:8

Drăp ndơn Gâp tâm rdâng đah Gâp Nâm bu yau mŭr tâm bri, Rđuh ngrông đah Gâp; Yor nây Gâp tâm rmot khân păng.

Yêrêmi 17:10

Gâp, Brah Yêhôva, sek uănh nau mĭn, Rlong uănh nuih n'hâm bu, Plơ̆ ăn ma ăp nơm tĭng nâm trong păng hăn, Jêh ri tĭng nâm play kao bơh kan khân păng ƀư.”

Yêrêmi 17:18

Dăn ƀư ăn ma phung ƀư mhĭk ma gâp mra geh nau bêk prêng, Ƀiălah gâp nơm mâu geh nau prêng ôh; Dăn ƀư ăn ma khân păng rdja nuih, Ƀiălah gâp mâu geh nau rdja nuih ôh! Dăn nkhŭt ta klơ khân păng nar mhĭk tât, Ƀư rai khân păng bar tơ̆!

I Pêtrôs 2:23

Nôk bu rak rtăp, Păng mâu rak rtăp ma bu ôh; tâm nôk dơn nau rêh ni, Păng mâu mâp thăm rmat ôh; ƀiălah jao Păng nơm ma Nơm phat dôih sŏng.

I Pêtrôs 4:19

Pôri, phung dơn nau rêh ni tĭng nâm nau Brah Ndu ŭch, thoi đŏng ƀư nau ueh jêh ri jao huêng khân păng nơm ma Nơm Rhăk Njêng răp jăp.

Nau Tâm Mpơl 18:20

Hơi trôk, răm maak hom yorlah păng! Hơi phung kloh ueh, phung kôranh oh mon, jêh ri phung nơm mbơh lor răm maak hom đŏng! Yorlah Brah Ndu tâm rmal jêh păng tĭng nâm nau păng ƀư jêh đah khân may!”

Nau Tâm Mpơl 2:23

Gâp mra nkhĭt phung kon păng. Nôk nây, lĕ rngôch Phung Ngih Brah Ndu mra gĭt năl Gâp jêng Nơm sek uănh nuih n'hâm kon bunuyh; Gâp mra mplơ̆ sĭt ma ăp nơm tâm khân may tĭng nâm lĕ kan khân may.

Nau Tâm Mpơl 6:10

Khân păng nter ktang pô aơ: “Ơ Kôranh Brah jêng Nơm kloh ueh jêh ri nanê̆ ngăn, ndah hôm jŏ đŏng Kôranh Brah mra phat dôih, jêh ri plơng bôk ma phung gŭ ta neh ntu yor ma mham hên?”

I Samuel 1:15

H'Anna plơ̆ lah: “Hơi kôranh gâp, mâu di pônây! Gâp jêng du huê bu ur geh nau rngot rvê êng tâm nuih n'hâm. Gâp mâu geh nhêt ndrănh ôh mâu lah nhêt lĕ ntil ndơ ƀư nhŭl, ƀiălah gâp tâm mpơl lĕ nuih n'hâm gâp tanăp măt Brah Yêhôva.