Yêrêmi 20:11 - Nau Brah Ndu Ngơi 2023

¹¹ Ƀiălah Brah Yêhôva gŭ ndrel ma gâp nâm bu du huê tahan janh ktang ma klach ngăn; Yor nây phung ƀư mhĭk ma gâp mra chêh prah, Mâu mra dơi đah gâp ôh. Khân păng mâu mra dơi ôh Jêh ri prêng hâu ngăn ngên, Nau prêng n'ho ro, Mâu dơi chuêl ôh.

Yêrêmi 20:11 Iomraidhean Croise

Nau Mprơ Ơm 129:2

“Ntơm bơh gâp hôm jêng mom, khân păng vay tŭn jot gâp, Ƀiălah khân păng mâu mâp dơi đah gâp ôh.

Nau Mprơ Ơm 35:26

Ŭch ma phung răm maak nau mhĭk tât ma gâp Mra geh nau bêk prêng jêh ri bêk prêng hâu ngăn. Mbu dâk tâm rdâng đah gâp ma nau sưr, Geh nau nkŭm ma nau bêk prêng jêh ri bu rmot da dê.

Nau Mprơ Ơm 40:14

Ăn ma phung joi ƀư rai nau rêh gâp Geh nau rŭng răng jêh ri bêk prêng; Ăn ma phung maak răm ma nau gâp roh rai Mra plơ̆ rŭch jêh ri bu tâm rmot.

Nau Mprơ Ơm 47:2

Yorlah Brah Yêhôva Dŭt Prêh jêng khư bu klach yơk, Păng jêng Hađăch dŭt toyh ta klơ neh ntu.

Nau Mprơ Ơm 6:10

Lĕ phung rlăng đah gâp mra bêk prêng jêh ri klach krit; Khân păng plơ̆ rŭch ndal, nau đit ƀât lât.

Nau Mprơ Ơm 65:5

Ơ Brah Ndu jêng Nơm tâm rklaih hên, May mplơ̆ lah ma hên ma lĕ nau sŏng srăng, khư ma nau klach. May jêng nau kâp gân ma phung nglĕ dŭt rplay neh Phung gŭ ngai tâm dak mƀŭt tâm ban lĕ.

Nau Mprơ Ơm 66:5

Văch hom n'gơr uănh nau kan Brah Ndu: Nau kan Păng ƀư ma kon bunuyh jêng khư klach ngăn.

Êsai 41:10

Lơi klach ôh yorlah Gâp gŭ ndrel ma may, Lơi klach krit ngăn ôh yorlah Gâp jêng Brah Ndu may! Gâp mra ƀư ktang may; di yơh, Gâp mra kơl may, Gâp mra kuăn rdâng may ma ti ma nau sŏng srăng Gâp.

Êsai 41:14

Ơ phung ndrŭng Yakôb, lơi klach ôh! Ơ phung Israel, Gâp nơm mra kơl may, Brah Yêhôva lah kơt nây; Nơm tâm chuai may jêng Nơm Kloh Ueh phung Israel.

Êsai 45:16

Lĕ rngôch phung ƀư rup brah mra bêk, bu mưch; Khân păng rŭch plơ̆ sĭt tâm nau bêk prêng.

Yêrêmi 1:18

Aơ nar aơ, Gâp nơm ndâk may hao ƀư du rplay ƀon nâp ktang, ƀư n'gâng loih, mpêr kông gay rdâng ma lĕ n'gor aơ, tâm rdâng lĕ hađăch Yuđa, lĕ phung kôranh, lĕ kôranh ƀư brah, jêh ri phung ƀon lan tâm n'gor.

Yêrêmi 1:19

Khân păng tâm lơh đah may ƀiălah mâu dơi ôh — Brah Yêhôva lah pônây — yorlah Gâp gŭ ndrel ma may gay tâm rklaih may.”

Yêrêmi 1:8

Lơi klach khân păng ôh, Yorlah Gâp gŭ ndrel may gay tâm rklaih may.” Brah Yêhôva lah pônây.

Yêrêmi 15:15

Ơ Brah Yêhôva! May gĭt rah vah; Dăn kah gĭt tât ma gâp jêh ri chop khâl gâp, Dăn har plơng bôk ma phung ƀư mhĭk ma gâp. Dăn nsrôih gay ma lơi ta mƀăr gâp ôh; Dăn gĭt pô aơ gâp yor May dơn nau mhĭk!

Yêrêmi 15:20

Gâp mra njêng may Ƀư mpêr kông nâp ăn ma phung ƀon lan aơ, Khân păng mra tâm lơh đah may, Ƀiălah mâu dơi đah may ôh, Yorlah Gâp gŭ ndrel may Gay tâm rklaih may jêh ri ăn kon me may.” Brah Yêhôva lah pônây.

Yêrêmi 17:18

Dăn ƀư ăn ma phung ƀư mhĭk ma gâp mra geh nau bêk prêng, Ƀiălah gâp nơm mâu geh nau prêng ôh; Dăn ƀư ăn ma khân păng rdja nuih, Ƀiălah gâp mâu geh nau rdja nuih ôh! Dăn nkhŭt ta klơ khân păng nar mhĭk tât, Ƀư rai khân păng bar tơ̆!

Yêrêmi 22:22

Sial mra đô̆ rdu lĕ rngôch phung rmăk biăp may, Phung may rŏng mra hăn jêng bu nă; Nôk nây, may mra prêng jêh ri uh ah Yor lĕ rngôch nau mhĭk may.

Yêrêmi 23:40

Gâp mra ƀư ma khân may geh nau prêng ƀaƀơ, bu nduyh n'ho ro, mâu dơi chuêl ôh.”

Yêrêmi 32:18

May tâm mpơl nau yô̆ tât rbăn rô̆ nuyh, ƀiălah rmal nau tih phung mbơ̆ tât ma phung kon sau. Ơ! May jêng Brah Ndu dŭt toyh jêh ri Nơm geh nau brah, amoh May jêng Brah Yêhôva ma phung tahan.

Daniel 12:2

Âk bunuyh gŭ bê̆ch tâm neh muy mra dâk, geh bunuyh gay dơn nau rêh n'ho ro, geh nơm dơn nau bêk nau ƀơ̆ ƀơch n'ho ro.

Samƀŭt Pôl Njuăl Ăn Ma Phung Nsing Ta Ƀon Rôm 8:31

Pôri, moh nau he mra lah ma lĕ nau nây? Tơlah Brah Ndu gŭ mpeh ma he, mbu mra tâm rdâng đah he?

II Timôthê 4:17

Ƀiălah Kôranh Brah dâk êp meng gâp jêh ri ăn nau dơi ma gâp, gay gâp dơi mbơh nkoch Nau Mhe Mhan Ueh tâm nau ƀư rĭng ma lĕ rngôch phung bu năch tăng, jêh ri gâp geh nau rklaih bơh trôm mbung yau mŭr.