Yêrêmi 20:10 - Nau Brah Ndu Ngơi 2023

¹⁰ Yorlah gâp tăng nau ngơi ƀŭk dŭk suyh: “Nau krit klach puăn mpeh! Phong hom! Ăn he phong hom păng!” Lĕ rngôch phung mĭt jiăng may Ŭch ma gâp chêh prah da dê. Khân păng lah: “Gĭt lah păng tŭp tâm nau ndơm, He mra dơi đah păng, Jêh ri plơng bôk păng.”

Yêrêmi 20:10 Iomraidhean Croise

I Phung Hađăch 19:2

H'Jêsêbel prơh du huê bunuyh hăn mâp Y-Êli jêh ri lah: “Tơlah ta mông aơ tâm nar ôi taơ, gâp mâu geh ƀư ôh ma nau rêh may nâm bu nau rêh du huê tâm phung kôranh nơm may hŏ nkhĭt, dăn phung brah rmal gâp jâk ngăn.”

I Phung Hađăch 21:20

Y-Ahap lah ma Y-Êli: “Hơi nơm rlăng gâp, may lĕ mâp jêh gâp?” Y-Êli plơ̆ lah: “Di ngăn, gâp saơ jêh may, yorlah may hŏ tăch jêh may nơm gay ƀư nau mhĭk tanăp măt Brah Yêhôva.

I Phung Hađăch 22:27

jêh ri ntĭnh khân păng nây lah: ‘Hađăch lah: Krŭng hom bunuyh aơ tâm ndrung, knŏng siăm păng ma piăng let jêh ri dak gay păng rêh, kŏ tât nôk gâp plơ̆ sĭt đăp mpăn.’”

I Phung Hađăch 22:8

Hađăch Israel plơ̆ lah ma Y-Jôsaphat: “Hôm geh du huê, amoh Y-Mika, kon Y-Imla. He sâm đă păng ôp Brah Yêhôva. Ƀiălah gâp tâm rmot ngăn ma păng, yorlah păng mâu mâp mbơh lor nau ueh di ma gâp ôh, ƀiălah knŏng nau mhĭk.” Y-Jôsaphat lah: “Lơi dĭng hađăch ngơi kơt nây.”

Ndrom Samƀŭt bơh Yôp 19:19

Lĕ rngôch mĭt jiăng tâm rmot ma gâp da dê, Phung gâp rŏng plơ̆ jêng rlăng jêh đah gâp.

Nau Mprơ Ơm 31:13

Gâp tăng âk bunuyh ngơi nchơt; Nau klach krit gŭ jŭm gâp! Khân păng tâm nchră ƀư mhĭk ma gâp, Khân păng ŭch ngroh lơi nau rêh gâp.

Nau Mprơ Ơm 31:14

Ƀiălah Ơ Brah Yêhôva! Gâp rnơm nsing tâm May; Gâp lah: “May jêng Brah Ndu gâp”

Nau Mprơ Ơm 41:10

Ơ Brah Yêhôva! Yô̆ nđach ma gâp Jêh ri kuăn rdâng gâp pôri gâp mra plơng ma khân păng.

Nau Mprơ Ơm 41:9

Nđâp ma mĭt jiăng dăch lơn nuih n'hâm gâp rnơm nsing, Vay sa ƀănh gâp ăt yơk ndơl jâng tâm rdâng đah gâp.

Nau Mprơ Ơm 57:4

Huêng gâp gŭ tâm nklang phung yau mŭr; Bê̆ch tâm nklang phung mpa bri sa puăch nuyh. Geh sêk tâm ban ma chiông tak, hăr Jêh ri mpiăt khân păng hơr tâm ban ma du mlâm đao.

Nau Hôr 10:18

Bunuyh pôn mo nau tâm rmot geh mbung mƀruh, Mbu nơm ngơi nchơt jêng bunuyh rluk mâl.

Êsai 29:21

Nây jêng phung dŏng nau ngơi ƀư ma bu geh nau phat dôih, Ƀư dăk sân nơm phat dôih ta mpông ƀon, Phung dŏng nau mbơh mƀruh ƀư nsak ma nơm sŏng srăng chŭn.

Yêrêmi 1:19

Khân păng tâm lơh đah may ƀiălah mâu dơi ôh — Brah Yêhôva lah pônây — yorlah Gâp gŭ ndrel ma may gay tâm rklaih may.”

Yêrêmi 11:19

Bi gâp, nâm bu du mlâm kon biăp rdơ̆ rbăn Bu têk leo tât ntŭk bu sreh nkhĭt. Gâp mâu gĭt khân păng ŭch nchră tâm rdâng ma gâp. Khân păng lah: “Ƀư rai hom nđâp ma tơm jêh ri play, Mƀăr lơi păng bơh neh phung gŭ rêh, Gay mâu hôm nơm nkah tât amoh păng đŏng ôh.”

Yêrêmi 11:21

Brah Yêhôva lah: “Ma phung Anathôt, phung ŭch nkhĭt nau rêh may, hŏ nkrit nhhu may pô aơ: ‘Tơlah may mâu ŭch khĭt tâm ti he pôri lơi sŏk amoh Brah Yêhôva ngơi mbơh lor đŏng ôh.’

Yêrêmi 18:18

Khân păng lah: “Kay lŏng, he nchră hom nau tâm rdâng ma Y-Yêrêmi. Yorlah kôranh ƀư brah mâu kƀah nau vay, bunuyh blau mĭn mâu kƀah ôh nau nkah nti, phung nơm mbơh lor mâu kƀah ôh nau mbơh. Văch hom, he mra dŏng mbung mpiăt he ngơi đah păng, lơi ta mĭn ntreng ôh lĕ nau păng ngơi.”

Yêrêmi 20:3

Nar pakơi, Y-Pashur ntĭnh doh nkông ăn ma Y-Yêrêmi. Y-Yêrêmi lah ma păng: “Brah Yêhôva mâu ntơ amoh may jêng Y-Pashur đŏng ôh ƀiălah ntơ may jêng Magor Misabip.

Yêrêmi 37:13

Ƀiălah dôl kôranh mbơh lor Y-Yêrêmi tât ta mpông pêr Benjamin geh du huê tahan gak amoh păng Y-Irijah, kon bu klâu Y-Sêlêmia, sau Y-Hanania hŏ nhŭp păng jêh ri lah: “May jêng nơm nchuăt du hăn gŭ mpeh phung tahan Kaldê!”

Yêrêmi 6:25

Lơi ta luh padih mir ôh, Lơi hăn nsong rŏ trong, Yorlah phung rlăng cheng đao, Srih nau klach krit lam ntŭk.

Êsêkiêl 22:9

Ta ntŭk may, geh phung ngơi nchơt njêng nau ŭch pling mham; ta ntŭk may, geh phung ndrăp sông sa ta klơ lĕ rngôch yôk; ta nklang may, geh bunuyh ƀư tih văng tĭr.

Daniel 6:4

Pôri, phung kôranh toyh jêh ri phung kôranh nkual joi nau ngơi tih Y-Daniel tâm kan bri dak. Ƀiălah khân păng mâu dơi saơ du ntil nau tih ôh tâm păng mâu lah du ntil nau gay dơi nduyh, yorlah păng jêng răp jăp, mâu geh du ntil nau kue mâu lah geh tih ôh.

Luka 20:20

Pôri, khân păng uănh nđôi Brah Yêsu jêh ri njuăl phung uănh n'hut n'hi săk ƀư bunuyh sŏng, ŭch ngơi ƀrôk Păng tâm nau Păng ngơi, gay jao Păng ma phung kôranh chiă uănh jêh ri ma kôranh toyh chiă uănh.

Kôranh Oh Mon 24:13

Aƀaơ aơ, khân păng mâu dơi mpơl nau mbơh ma nau khân păng phong gâp tanăp may.

Kôranh Oh Mon 5:33

Jêh tăng lĕ nau nây khân păng ji nuih ngăn jêh ri ŭch nkhĭt lơi phung kôranh oh mon.

Kôranh Oh Mon 7:54

Khân păng ji nuih hâu ngăn tâm nuih n'hâm jêh ri rket sêk ma Y-Êtiên.