Yêrêmi 2:8 - Nau Brah Ndu Ngơi 2023

⁸ Lĕ phung kôranh ƀư brah mâu rngot tơlah ôp: ‘Ntŭk Brah Yêhôva gŭ?’ Phung nti nau vay mâu hôm gĭt tât ma Gâp đŏng ôh. Phung chiăp hăn tâm rdâng đah Gâp; Lĕ phung nơm mbơh lor sŏk amoh brah Baal ngơi mbơh lor, Nchuăt tĭng lĕ rup brah mâu khlay ôh.”

Yêrêmi 2:8 Iomraidhean Croise

I Phung Hađăch 18:22

Nôk nây, Y-Êli ngơi ma phung ƀon lan: “Tâm phung nơm mbơh lor Brah Yêhôva, Gâp, knŏng du huê gâp, bi phung nơm mbơh lor brah Baal geh puăn rhiăng prăm jât bunuyh.

I Phung Hađăch 18:29

Tơlah nar vet jêh, khân păng ăt om lah thăm rmat tâm ban pônây kŏ tât mông nhhơr ndơ ƀư brah rnih môi kêng mhaơ. Ƀiălah mâu saơ tăng ôh bâr ngơi, mâu geh đŏng nơm plơ̆ lah tay, mâu geh đŏng ôh du huê brah sâm mĭn rvê an.

I Phung Hađăch 18:40

Y-Êli lah ma phung ƀon lan: “Nhŭp hom phung nơm mbơh lor Baal, lơi ăn du huê dơi klaih ôh.” Khân păng nhŭp ro khân păng. Y-Êli djôt leo khân păng tât ta n'hor dak Kisôn jêh ri nkhĭt lơi khân păng ta nây.

Ndrom Samƀŭt bơh Yôp 35:10

Ƀiălah mâu geh ôh nuyh ôp: ‘Brah Ndu, Nơm Rhăk Njêng gâp mbah ntŭk gŭ? Păng nơm ăn bu mprơ maak dôl bri măng,

Êsai 28:7

Rlau ma nĕ phung aơ vĕt ta vĕng đŏng yor ndrănh, Jêh ri hăn ndĭt ndĭu yor nhŭl ndrănh. Phung kôranh ƀư brah jêh ri phung nơm mbơh lor hăn ndĭt ndĭu da dê yor ndrănh ktang, Ndrănh hŏ rvăn khân păng, Jêh ri hăn ndĭt ndĭu yor ndrănh ktang; Khân păng but bi tâm saơ, Jêh ri ƀư vĭ dôl gŭ phat dôih.

Êsai 29:10

Yorlah Brah Yêhôva hŏ nkhŭt brah bê̆ch hăk ma khân may; Păng hŏ nsêt jêh măt khân may jêng phung nơm mbơh lor, Păng nkŭm jêh bôk khân may, jêng phung geh nau tâm saơ.

Êsai 30:5

Lĕ rngôch mra rdja nuih jêh ri bêk prêng Yor du phung ƀon lan mâu jêng khlay ma khân păng ôh, Mâu sâm kơl mâu đŏng geh nau khlay ôh, Ƀiălah knŏng djôt nau bêk jêh ri nau mưch.”

Yêrêmi 10:21

Phung rmăk biăp rluk da dê, Mâu joi dăn ma Brah Yêhôva. Yor nây khân păng mâu dơi ndrŏng kuăng, Lĕ rngôch phung biăp khân păng du êng êng.

Yêrêmi 12:10

Geh âk phung rmăk biăp ƀư rai jêh đang krăk ƀâu Gâp, Jot nkrâm ta ntŭk neh Gâp, Rgâl ntŭk neh Gâp ŭch rŏng Jêng bri rdah rngot rjăp.

Yêrêmi 16:19

Ơ Brah Yêhôva, May jêng n'hâm suan dăng ktang jêh ri pôih nâp ma gâp, Ntŭk nde krap gâp tâm nar rêh ni! Ntơm bơh nglĕ dŭt rplay neh, Lĕ bri dak mra văch ma May jêh ri lah: “Phung chô yau hên knŏng sŏk dơn lĕ brah mƀruh ndơm, Lĕ nau dơm dam, jêh ri mâu dơi geh nau khlay ôh.

Yêrêmi 18:18

Khân păng lah: “Kay lŏng, he nchră hom nau tâm rdâng ma Y-Yêrêmi. Yorlah kôranh ƀư brah mâu kƀah nau vay, bunuyh blau mĭn mâu kƀah ôh nau nkah nti, phung nơm mbơh lor mâu kƀah ôh nau mbơh. Văch hom, he mra dŏng mbung mpiăt he ngơi đah păng, lơi ta mĭn ntreng ôh lĕ nau păng ngơi.”

Yêrêmi 2:11

Geh lĕ phung ƀon lan tâm rgâl brah khân păng? — Nđâp lah lĕ brah nây mâu di jêng brah — Pôri phung ƀon lan Gâp hŏ rgâl jêh nau chrêk rmah păng Gay sŏk rup brah dơm dam!

Yêrêmi 2:6

Khân păng mâu prot ôp: ‘Ta ntŭk Brah Yêhôva? Nây jêng Nơm hŏ djôt leo he luh bơh Êjipt, Njŭn leo he găn bri rdah, Găn n'gor rngol bêng ma ntu brŏng, Tâm neh kro đang jêh ri rđŭng nau khĭt, Ntŭk mâu geh bunuyh găn tât, Jêh ri mâu geh bunuyh nănh gŭ.’

Yêrêmi 4:22

“Phung ƀon lan Gâp rluk ngăn, Khân păng mâu gĭt năl Gâp ôh. Nây jêng du huê phung kon se rluk, Mâu geh nau gĭt rbăng, Blau ƀư nau mhĭk, Ƀiălah mâu gĭt ƀư nau ueh ôh.”

Yêrêmi 5:31

Lĕ phung nơm mbơh lor mƀruh, Jêh ri lĕ kôranh ƀư brah chiă uănh tĭng nau ƀĭt gai phung nơm mbơh lor nây, Pônây phung ƀon lan Gâp ŭch rŏng! Ƀiălah tât dăch dŭt, moh khân may mra ƀư?”

Yêrêmi 7:8

Ƀiălah khân may rnơm nsing nkhơng lĕ nau ngơi mƀruh nchơt mâu geh nau khlay ôh.

Yêrêmi 9:14

Ƀiălah khân păng rêh tĭng rôih ko nuih n'hâm dăng khân păng nơm, hăn tĭng lĕ brah Baal chô yau khân păng hŏ nti.”

Êsêkiêl 22:26

Lĕ rngôch phung kôranh ƀư brah păng ƀư tih đah nau vay Gâp jêh ri ƀư ƀơ̆ ndơ kloh ueh Gâp; khân păng mâu kơp rnglah êng ôh moh ndơ jêng kloh ueh, moh ndơ jêng ƀơ̆; mâu lĕ nti bu gĭt rnglah êng moh ndơ jêng ƀơ̆ ƀơch, moh ndơ jêng kloh; khân păng nhêp măt mâu chrê ôh ma lĕ nar saƀat Gâp, ƀư ƀơ̆ Gâp ta nklang khân păng.

Êsêkiêl 34:2

“Hơi kon bunuyh, mbơh lor hom nau tâm rdâng đah phung rmăk leo Israel; mbơh lor hom jêh ri lah ma phung rmăk leo nây pô aơ: ‘Kôranh Brah Yêhôva lah: Rêh ni ngăn ma phung rmăk leo Israel jêng bunuyh knŏng mĭn siăm êng khân may nơm! Mâu di hĕ phung rmăk leo mra siăm phung biăp lĕ?

Ndrom Samƀŭt bơh Ôsê 4:6

Phung ƀon lan Gâp hŏ rai yot yor mâu geh nau gĭt rbăng; Yorlah may hŏ dun jêh nau gĭt rbăng, Yor ri Gâp ăt mâu ăn may ƀư kôranh nơm ƀư brah ma Gâp đŏng ôh; Yorlah may hŏ chuêl jêh nau vay Brah Ndu may, Yor ri Gâp mra chuêl kon sau may tâm ban lĕ.

Habakuk 2:18

Rup trah nơm rhăk hŏ trah mon jêh Geh ndơ khlay lĕ? Rup tŏ chiăr jêng nơm nti mƀruh, Mâm bunuyh rhăk rup mlo nây Rnơm nsing nkhơng ma kan ti păng nơm ƀư?

Mathay 16:26

Moh nau khlay tơlah du huê bunuyh geh lĕ neh ntu ƀiălah roh huêng păng nơm? Moh ndơ bunuyh nây mra sŏk gay rgâl huêng păng nơm?

Luka 11:52

Rêh ni yơh ma khân may, jêng nơm nti nau vay! Yorlah khân may djôt prăp khuă nau gĭt rbăng, khân may nơm mâu lăp ƀiălah khân may buay đŏng lĕ phung êng ŭch lăp!”

Yôhan 16:3

Khân păng mra ƀư lĕ nau nây yorlah khân păng mâu gĭt năl Mbơ̆, mâu gĭt Gâp đŏng.

Yôhan 8:55

Khân may mâu gĭt năl Păng ôh, ƀiălah Gâp gĭt năl Păng. Lah Gâp lah Gâp mâu gĭt năl Păng ôh, Gâp mra jêng bunuyh mƀruh tâm ban ma khân may. Ƀiălah Gâp gĭt năl Păng ngăn jêh ri djôt prăp nau Păng ngơi.

II Kôrintô 4:2

Hên dun jêh lĕ nau kan ndâp pôn jêh ri khư geh nau bêk prêng; hên mâu sŏk nau ndơm mâu lah nau nchơt nklă nau Brah Ndu ngơi ôh. Ƀiălah, hên rblang rah vah ma nau ngăn, hên ăn ma nuih n'hâm sŏng lĕ rngôch bunuyh tâm nal ma hên tanăp Brah Ndu.

Nau Vay Nkah Tay 33:10

Khân păng nti nau ntăm ƀư Kôranh Brah ma phung Y-Yakôb Jêh ri nau vay May ma phung Israel Khân păng nhhơr ndơ ƀâu kah tanăp măt Kôranh Brah, Jêh ri nhhơr lĕ ndơ ƀư brah gŭch ta klơ nơng ƀư brah May.

I Samuel 12:21

lơi ta chalơi ôh Păng gay hăn tĭng lĕ rup brah dơm dam, khân păng mâu geh khlay ôh jêh ri mâu đŏng dơi tâm rklaih, yorlah khân păng knŏng jêng dơm dam.

I Samuel 2:12

Nôk nây, bar hê kon bu klâu Y-Êli jêng phung ƀai ngăn, mâu chrê ôh ma Brah Yêhôva.