Yêrêmi 2:6 - Nau Brah Ndu Ngơi 2023

⁶ Khân păng mâu prot ôp: ‘Ta ntŭk Brah Yêhôva? Nây jêng Nơm hŏ djôt leo he luh bơh Êjipt, Njŭn leo he găn bri rdah, Găn n'gor rngol bêng ma ntu brŏng, Tâm neh kro đang jêh ri rđŭng nau khĭt, Ntŭk mâu geh bunuyh găn tât, Jêh ri mâu geh bunuyh nănh gŭ.’

Yêrêmi 2:6 Iomraidhean Croise

II Phung Hađăch 2:14

Pôri păng sŏk du mlâm ao jâr tŭp jêh bơh Y-Êli, dong ta klơ n'ha dak jêh ri lah: “Ta ntŭk Yêhôva Brah Ndu Y-Êli?” Tơlah Y-Êlisê hŏ dong ta klơ n'ha dak jêh tâm ban Y-Êli, dak tâm pă rnglah bar đah ding, jêh nây Y-Êlisê hăn rgăn.

Ndrom Samƀŭt bơh Yôp 3:5

Ŭch ma nar nây nkŭm tâm nau ngo klĕng jêh ri gui nau khĭt, Tŭk krăk nkŭm ta păng Jêh ri măng lĭng ƀư ma păng klach krit!

Ndrom Samƀŭt bơh Yôp 35:10

Ƀiălah mâu geh ôh nuyh ôp: ‘Brah Ndu, Nơm Rhăk Njêng gâp mbah ntŭk gŭ? Păng nơm ăn bu mprơ maak dôl bri măng,

Nau Mprơ Ơm 23:4

Nđâp tơlah gâp hăn tâm rlŭng gui nau khĭt Gâp mâu hôm klach du ntil nau mhĭk ôh, Yorlah Kôranh Brah gŭ ndrel ma gâp; Mâng kanuăk jêh ri mâng jra Kôranh Brah Bonh leng gâp.

Nau Mprơ Ơm 77:5

Gâp mĭn rvê ma nar kăl e Jêh ri lĕ năm rlau jêh.

Nau Ngluh Êjipt 20:2

“Gâp jêng Yêhôva Brah Ndu khân may, Nơm hŏ ngluh jêh khân may tă bơh n'gor Êjipt, tă bơh ngih dĭk bu.

Êsai 63:9

Tâm lĕ rngôch nau rêh ni tât ma ƀon lan Păng, Păng ăt geh nau rêh ni lĕ, Jêh ri tông mpăr tanăp Păng hŏ rklaih jêh khân păng. Yorlah nau rŏng jêh ri nau yô̆ nđach, Păng yơh tâm chuai jêh khân păng; Păng hŏ ut ra-u jêh ri chông leo khân păng dôl tâm lĕ nar rnôk kăl e.

Êsai 64:7

Mâu geh nơm kuăl mbơh sơm ma amoh May, Mâu lah nsrôih kuăn May; Yorlah May pôn jêh muh măt bơh hên, Gay ma hên rai lôch tâm nau kue hên.

Yêrêmi 13:16

Nhhơr hom nau chrêk lơp ăn Yêhôva Brah Ndu khân may Êlor ma Păng ƀư nau ngo klĕng jŭr nkŭm, Êlor ma jâng khân may chêh prah Ta klơ lĕ yôk nôk nsrŭp măng; Lĕ khân may ŭch kâp nau ang Ƀiălah Păng rgâl jêng gui nau khĭt, Plơ̆ jêng gui nau ngo mbâl.

Yêrêmi 2:2

“Hăn hom jêh ri ngơi ta tôr phung ƀon lan Yêrusalem pô aơ: Brah Yêhôva lah kơt aơ: ‘Gâp kah gĭt ma nuih n'hâm răp jăp may nôk may hôm ndăm, Nau may rŏng nâm bu du huê ƀăn mhe sĭt ma ngih sai, Nôk may tĭng Gâp tâm bri rdah, Ta klơ ntŭk neh mâu srih tăm.

Yêrêmi 2:8

Lĕ phung kôranh ƀư brah mâu rngot tơlah ôp: ‘Ntŭk Brah Yêhôva gŭ?’ Phung nti nau vay mâu hôm gĭt tât ma Gâp đŏng ôh. Phung chiăp hăn tâm rdâng đah Gâp; Lĕ phung nơm mbơh lor sŏk amoh brah Baal ngơi mbơh lor, Nchuăt tĭng lĕ rup brah mâu khlay ôh.”

Yêrêmi 5:12

Khân păng hŏ dun mƀăr lơi Brah Yêhôva, Jêh ri lah: “Păng mâu ƀư ôh! Mâu geh nau rêh ni jŭr ta klơ phung he, Ăt mâu geh tak đao, ji ngot ji hir ôh.

Yêrêmi 5:2

Nđâp lah khân păng ngơi: ‘Nanê̆ nâm bu Brah Yêhôva gŭ rêh mro mrăng!’ Khân păng ăt ton mbruh!”

Yêrêmi 51:43

Lĕ ƀon păng hŏ jêng nau klach krit ngăn, Jêng du n'gor bri sơh, bri rdah, N'gor bri mâu geh bunuyh gŭ ôh, Mâu geh du huê bunuyh prot rgăn.

Ndrom Samƀŭt bơh Ôsê 12:13

Y-Yakôb du pôn rlet ma bri Aram; Israel ƀư dĭk gay geh ur, Yorlah gay geh ur mra hăn chiăp biăp.

Ndrom Samƀŭt bơh Ôsê 13:4

Gâp yơh jêng Yêhôva Brah Ndu may Nơm njŭn leo may du luh tă bơh n'gor bri Êjipt; Padih Gâp, may lơi sŏk dơn brah êng ôh, Mâu geh ôh Nơm Tâm Rklaih êng, knŏng êng Gâp!

Amôt 2:10

Gâp hŏ ngluh jêh khân may tă bơh n'gor bri Êjipt, Jêh ri njŭn khân may gŭ tâm bri rdah puăn jât năm Gay ăn khân may sŏk pit bri phung Amôrit ƀư drăp ndơn.

Mathay 4:16

Phung bunuyh ƀon lan nây gŭ tâm nau ngo. Hŏ saơ jêh nau ang toyh; Jêh ri phung bunuyh gŭ tâm ntŭk gui nau khĭt nkŭm, Hŏ saơ nau ang nchrat.”

Nau Vay Nkah Tay 1:19

Jêh nây, tĭng nâm nau Yêhôva Brah Ndu ntăm, he luh bơh Hôrep hăn tât ta mpeh klơ dor yôk phung Amôrit, rgăn lĕ bri rdah toyh dŭt krit kir khân may hŏ saơ jêh, jêh nây he hăn tât ta Kadês Barnê.

Nau Vay Nkah Tay 32:10

Păng joi saơ khân păng tâm du ntŭk bri hŏng, Ta nklang lĕ nau nter ngrông bơh bri rdah. Păng nkŭm khân păng, mât mray khân păng, Mât uănh khân păng nâm bu găr măt Păng.

Nau Vay Nkah Tay 8:2

Ăn khân may kah gĭt tay tâm du njăr trong tâm bri rdah Yêhôva Brah Ndu hŏ njŭn leo khân may hăn puăn jât năm aơ, Păng n'hŭch khân may jêh ri rlong uănh khân may gay gĭt rah vah tâm nuih n'hâm khân may, gĭt lah geh djôt prăp nau vay Păng ntăm mâu lah mâu.

Phung Kôranh Phat Dôih 6:13

Y-Gidêôn lah: “Hơi kôranh, tơlah Brah Yêhôva gŭ ndrel ma hên, mâm ƀư lĕ rngôch nau aơ dơi tât ma hên? Phung chô yau hên nkoch tay ma hên pô aơ: ‘Brah Yêhôva hŏ njŭn jêh hên du luh bơh Êjipt’. Aƀaơ lĕ rngôch nau khlay ngăn ri mbah ntŭk gŭ? Ƀiălah Brah Yêhôva chalơi hên jêh ri jao hên tâm ti phung Madian.”