Yêrêmi 2:5 - Nau Brah Ndu Ngơi 2023

⁵ Brah Yêhôva lah pô aơ: “Phung chô yau khân may saơ moh nau mâu di tâm Gâp Dĭng du ngai bơh Gâp, Hăn tĭng nau dơm dam, Jêh ri jêng phung mâu geh rnoh khlay?

Yêrêmi 2:5 Iomraidhean Croise

II Phung Hađăch 17:15

Khân păng mưch rmot ma lĕ nau vay dăp bơh Păng tâm ban đŏng nau tâm rnglăp Păng hŏ ƀư jêh ma chô yau khân păng, jêh ri khân păng mưch rmot đŏng lĕ nau tâm rmal Păng hŏ ntăm jêh ma khân păng. Khân păng hăn tĭng ndô̆ phung brah dơm dam jêh ri khân păng nơm ăt rlơ̆ jêng dơm dam. Khân păng kơt phung ntil mpôl bunuyh gŭ văr jŭm, jêng phung ntil mpôl bunuyh Brah Yêhôva ntrŭnh jêh ma khân păng mâu tĭng kơt phung nây.

Nau Mprơ Ơm 115:8

Mbu nơm ƀư rup brah jêh ri rnơm ma păng Jêng tâm ban khân păng.

Êsai 29:13

Kôranh Brah lah: “Yorlah phung ƀon lan aơ knŏng sŏk trôm mbung văch êp Gâp, Sŏk mpiăt tâm rnê Gâp, Ƀiălah nuih n'hâm khân păng ngai đah Gâp; Nau khân păng klach yơk ma Gâp knŏng jêng nau vay bunuyh ntăm dơm, Yor bunuyh ntĭm nti.

Êsai 44:9

Lĕ rngôch phung ƀư rup trah jêng dơm dam, jêh ri lĕ ndơ khân păng rŏng ŭch mâu geh nau khlay. Phung mbơh ngăn ma rup brah nây mâu blau saơ ôh, mâu lĕ gĭt rbăng, rĭ dĭng khân păng djôt nau bêk prêng.

Êsai 46:12

Ơ phung geh nuih n'hâm dăng, Ơ phung gŭ ngai bơh nau sŏng srăng, Gŭ iăt hom Gâp.

Yêrêmi 10:8

Khân păng jêng rluk mâl; Nau ntĭm nti tă bơh lĕ rup brah Mâu rlau ndơ bơh n'gâng tâm si.

Yêrêmi 12:2

May hŏ brôi tăm khân păng, Khân păng hŏ hon reh văch ma toyh jêh ri geh play. Bâr mbung khân păng gŭ dăch May, Ƀiălah nuih n'hâm khân păng ƀah ngai ma May.

Yêrêmi 14:22

Geh đŏng brah tâm lĕ brah mƀruh ndơm phung bu năch dơi ƀư dak mih lĕ? Mâu lah yor trôk jŭr nkhŭt êng dak mih? Ơ Yêhôva Brah Ndu hên, mâu di May jêng Nơm nây hĕ? Hên gŭ kâp May, Yorlah May nơm yơh hŏ njêng jêh ăp ntil nây.”

Yêrêmi 2:31

Hơi phung bunuyh tâm rô̆ aơ! Mĭn rvê hom nau Brah Yêhôva: Di lĕ đah phung Israel, Gâp jêng du ntŭk bri rdah, Du ntŭk n'gor neh ngo klĕng vêt vê hĕ? Mâm ƀư phung ƀon lan Gâp lah: ‘Ntŭk phung hên ŭch hăn mra hăn yơh, Phung hên mâu mra tât đah May đŏng ôh’?

Yêrêmi 2:4

Hơi ngih Y-Yakôb jêh ri lĕ rngôch ndŭl mpôl Israel, iăt hom nau Brah Yêhôva!

Yêrêmi 8:19

Aơ, geh bâr bu ur ƀon lan gâp kuăl rklaih, Plơ̆ sĭt bơh bri ngai ngăn: “Brah Yêhôva mâu hôm gŭ tâm ƀon Siôn hĕ? Hađăch Siôn mâu hôm gŭ tâm ƀon nây hĕ?” “Mâm ƀư khân păng dŏng rup trah khân păng Jêh ri brah dơm dam phung bu năch, Ƀư srônh ji nuih Gâp?”

Êsêkiêl 11:15

“Hơi kon bunuyh, phung gŭ tâm ƀon Yêrusalem hŏ ngơi ma phung oh nâu may nơm, jêng phung ndŭl mpôl may jêh ri lĕ rngôch bunuyh phung ngih Israel, pô aơ: ‘Du ngai hom bơh Brah Yêhôva; bri aơ hŏ ăn jêh ma phung hên ƀư jêng drăp ndơn.’

Êsêkiêl 14:5

Tâm ban pônây, Gâp dơi sŏk ăn nuih n'hâm ƀon lan Israel phung nkhah du jêh tă bơh Gâp yor ma khân păng mbah rup brah.

Yônais 2:8

Tơlah huêng gâp lĕ huơi jêh tâm gâp Pôri gâp kah gĭt ma Brah Yêhôva Jêh ri nau gâp mbơh sơm tât ma May, Lăp tât tâm ngih brah kloh ueh May.

Mathay 15:8

‘Phung ƀon lan aơ yơk mbah Gâp ma trôm mbung khân păng; Ƀiălah nuih n'hâm khân păng ngai đah Gâp.

Kôranh Oh Mon 14:15

“Hơi phung bunuyh! Mâm ƀư khân may ƀư pônây? Hên knŏng jêng kon bunuyh, tâm ban ma khân may lĕ. Hên mbơh nkoch Nau Mhe Mhan Ueh gay ma khân may chalơi phung brah dơm dam ri jêh ri plơ̆ sĭt ma Brah Ndu rêh mro mrăng, jêng Nơm rhăk njêng trôk, neh ntu, dak mƀŭt, jêh ri lĕ rngôch mpa tâm nây.

Samƀŭt Pôl Njuăl Ăn Ma Phung Nsing Ta Ƀon Rôm 1:21

Yorlah nđâp tơlah hŏ gĭt năl jêh Brah Ndu, khân păng mâu ŭch tâm n'hao prêh ma Păng jêng Brah Ndu ôh jêh ri mâu lah ueh Păng, ƀiălah khân păng ăt mĭn mâu geh kô̆; nuih n'hâm rluk mâl khân păng plơ̆ jêng nau ngo klĕng.

Nau Vay Nkah Tay 32:21

Khân păng nsônh ăn Gâp ji nuih đah brah mâu di jêng Brah Ndu ôh, Ƀư ma Gâp ji nuih yorlah nau dơm dam bơh khân păng; Gâp ƀư đŏng ăn ma khân păng ntôn đah du phung ndŭl mpôl mâu di jêng phung ndŭl mpôl, Jêh ri ƀư ăn khân păng ji nuih yorlah du phung ƀon lan rluk.

I Samuel 12:21

lơi ta chalơi ôh Păng gay hăn tĭng lĕ rup brah dơm dam, khân păng mâu geh khlay ôh jêh ri mâu đŏng dơi tâm rklaih, yorlah khân păng knŏng jêng dơm dam.