Yêrêmi 2:33 - Nau Brah Ndu Ngơi 2023

³³ May hŏ blau ngăn ntĭm trong Gay tĭng joi nau rŏng! May hôm nti lĕ trong nây Ăn ma lĕ phung bu ur ƀai.

Yêrêmi 2:33 Iomraidhean Croise

II Nau Rêh Jêng 33:9

Ƀiălah, Y-Manasê nsŭk nsôr phung Yuđa jêh ri phung gŭ tâm ƀon Yêrusalem, kŏ tât khân păng ƀư lĕ nau djơh mhĭk âk lơn ma phung ndŭl mpôl Brah Yêhôva hŏ ƀư rai jêh tanăp phung ƀon lan Israel.

Yêrêmi 2:23

“Mâm may nănh ngơi: ‘Gâp mâu geh ƀơ̆ ƀơch, Gâp mâu geh tĭng brah Baal ôh’? Uănh hom trong may tâm ntŭk rlŭng; Ăn gĭt nanê̆ nau may hŏ ƀư, Nâm bu seh samô ngăch, nchuăt blă blơ.

Yêrêmi 2:32

Geh đŏng bu ur druh chuêl ndơ păng nkrơ̆, Mâu lah geh đŏng bu ur chuêl nsoh ao ueh ta nar tâm nđăp păng nơm? Ƀiălah ƀon lan Gâp chuêl Gâp Bơh jŏ nar mâu dơi kơp ôh.

Yêrêmi 2:34

Ta klơ ntôr ao may Ăt krêp mham phung o ach mâu geh nau tih, Nđâp lah may mâu nhŭp ban khân păng lôk mpêr, Ƀiălah may ƀư lĕ rngôch.

Yêrêmi 2:36

Mâm dĭng may dơi rgâl trong may Ngăch nâm pônây? Mâm may hŏ prêng đah phung Asiri, Ăt mra prêng đah Êjipt tâm ban lĕ.

Êsêkiêl 16:27

Yor ri, Gâp hŏ yơr ti Gâp tâm rdâng ma ay; ƀư n'hŭch n'har bri ay jêh ri jao ay ăn ma phung rlăng ay, jêng phung kon bu ur Philistin, jêh ri khân păng bêk prêng ma nau văng tĭr ay.

Êsêkiêl 16:47

Bi ay mâu knŏng chuat hăn tâm trong khân păng jêh ri hôm ƀư nau mhĭk tâm ban ma khân păng. Ay kơp nau nây jêng jê̆ lê̆ hĕ? Ay hŏ ƀư êng ma ay nơm mhĭk lơn tâm lĕ rngôch trong ay hăn.

Ndrom Samƀŭt bơh Ôsê 2:13

Gâp mra tâm rmal păng Yorlah tâm lĕ nar păng nhhơr ndơ ƀâu kah ma brah Baal, Văn mblo tôr jêh ri nkrơ̆ ndơ khlay, Hăn tĭng phung tĭr păng, Bi gâp păng chuêl jêh!” Brah Yêhôva lah pônây.