Yêrêmi 2:32 - Nau Brah Ndu Ngơi 2023

³² Geh đŏng bu ur druh chuêl ndơ păng nkrơ̆, Mâu lah geh đŏng bu ur chuêl nsoh ao ueh ta nar tâm nđăp păng nơm? Ƀiălah ƀon lan Gâp chuêl Gâp Bơh jŏ nar mâu dơi kơp ôh.

Yêrêmi 2:32 Iomraidhean Croise

Nau Ntơm 24:22

Lah seh samô nhêt dak lôch jêh, nơm oh mon nây sŏk du mblo tôr mah klăp lah bar rse, jêh ri du kôp kông mah klăp lah pe jât rse

Nau Ntơm 24:30

N'ho mhe saơ mblo tôr mah jêh ri du kôp kông ta ti oh bu ur, jêh ri tăng nau H'Rêbêka nkoch tay moh nau bunuyh nây ngơi, Y-Laban hăn tât ntŭk bunuyh nây jêh ri saơ păng hôm gŭ dăch kêng seh samô, êp ntu dak.

Nau Ntơm 24:53

Oh mon nây rhi lĕ ndơ nkrơ̆ ƀư ma prăk, mah jêh ri kho ao ăn ma H'Rêbêka; oh mon nây rhi đŏng lĕ ndơ khlay ăn ma nâu jêh ri ma me păng.

II Samuel 1:24

Hơi phung kon bu ur Israel, nhhiăng nhĭm hom ma Y-Sôl! Păng hŏ nsoh ao chăng ueh ngăn ma khân ay, Chuh ta ao khân ay ndơ nkrơ̆ ma mah.

Nau Mprơ Ơm 106:21

Khân păng chuêl Brah Ndu jêng nơm tâm rklaih jêh khân păng, Jêh ri ƀư kan dŭt toyh ma khân păng tâm bri Êjipt;

Nau Mprơ Ơm 9:17

Phung mhĭk mra hăn lăp ta ƀon phung khĭt, Lĕ rngôch phung ƀon lan chuêl Brah Ndu tâm ban pônây lĕ.

Êsai 17:10

Yorlah may chuêl jêh Brah Ndu nơm tâm rklaih may, Mâu kah gĭt ôh ma Lŭ Toyh ntŭk may du krap. Yor nây nđâp lah may tăm jêh đang tơm si dŭt ueh, Ƀư đŏng ntil play krăk ƀâu bu năch;

Êsai 57:11

Ma mbu khân may krit jêh ri klach Kŏ tât may mƀruh, May mâu kah gĭt ma Gâp, Jêh ri mâu klâng rvê ma Gâp? Mâu di hĕ yorlah jŏ jêh Gâp gŭ rklăk, Rĭ dĭng may mâu klach yơk ma Gâp?

Êsai 61:10

Gâp mra hâk răm ngăn tâm Brah Yêhôva, Huêng gâp mra răm maak tâm Brah Ndu gâp; Yorlah Păng sâm nsoh ao nau tâm rklaih ma gâp, Nkŭm jêh gâp ma ao jâr nau sŏng srăng, Tâm ban ma du huê bu klâu gŭ ur nsoh ndơ nkrơ̆ nâm bu kôranh ƀư brah, Tâm ban ma du huê bu ur gŭ sai nkrơ̆ păng nơm ma lŭ khlay.

Yêrêmi 13:10

Phung ƀon lan mhĭk aơ mâu ŭch iăt ôh nau Gâp, sŏl ko ƀư tĭng nau mĭn nuih n'hâm khân păng nơm, nchuăt tĭng ndô̆ phung brah êng ŭch pah kan jêh ri yơk mbah. Khân păng mra jêng mâu hôm dŏng nâm bu rse vân bŭt aơ.”

Yêrêmi 13:25

Brah Yêhôva lah: “Nây jêng mrô nal may, Jêng kô̆ Gâp prăp ăn may, Yorlah may hŏ chuêl Gâp Jêh ri rnơm nsing ma nau mƀruh nchơt.

Yêrêmi 18:15

Ƀiălah phung ƀon lan Gâp hŏ chuêl jêh Gâp, Su ndơ ƀâu kah ăn ma phung brah, Jêng brah ƀư ăn ma khân păng chêh prah ta trong hăn, Tâm lĕ trong hăn bơh kăl e, Gay ma khân păng hăn tâm lĕ trong Mâu hŏ dơi ƀư ôh.

Yêrêmi 2:11

Geh lĕ phung ƀon lan tâm rgâl brah khân păng? — Nđâp lah lĕ brah nây mâu di jêng brah — Pôri phung ƀon lan Gâp hŏ rgâl jêh nau chrêk rmah păng Gay sŏk rup brah dơm dam!

Yêrêmi 2:33

May hŏ blau ngăn ntĭm trong Gay tĭng joi nau rŏng! May hôm nti lĕ trong nây Ăn ma lĕ phung bu ur ƀai.

Yêrêmi 23:27

Nau nây khân păng tâm nkoch ndrăng khân păng nơm lĕ nau mbơi, khân păng mĭn ŭch ƀư ma phung ƀon lan Gâp chuêl amoh Gâp nâm bu chô yau khân păng hŏ yor brah Baal chuêl amoh Gâp.

Yêrêmi 3:21

Geh bâr lŭng nter dơi tăng bơh lĕ dor hil, Nây jêng bâr phung kon Israel nhĭm nhhiăng vơl dăn, Yorlah khân păng hŏ hăn vĭ nhhơt trong, Hŏ chuêl Yêhôva Brah Ndu khân păng.

Êsêkiêl 22:12

Ta ntŭk may, bu dơn ndơ blŏl gay ƀư pling mham, may sŏk jêh prăk sa kao jêh ri n'hao prăk sa kao, may tŭn jot phung chiau meng gay geh ndơ jêh ri lĕ chuêl jêh Gâp, Kôranh Brah Yêhôva lah pônây.

Ndrom Samƀŭt bơh Ôsê 8:14

Phung Israel hŏ chuêl jêh Nơm Rhăk Njêng khân păng, Mĭn ndâk âk rplay ngih hađăch; Phung Yuđa hŏ ntop âk ƀon toyh geh mpêr nâp; Ƀiălah Gâp mra su ma ŭnh lĕ ƀon toyh nây Jêh ri ŭnh mra sa pôih nâp păng.

Nau Vay Nkah Tay 32:15

Dôl Yêsurun văch ma lay jêh ri chưng, — Khân may lay đŏng, săk jăn rmŏng — Chalơi Brah Ndu, Nơm njêng jêh khân may nơm Jêh ri mưch ma Lŭ Toyh tâm rklaih khân may nơm.

Nau Tâm Mpơl 21:2

Gâp saơ đŏng ƀon kloh ueh, jêng Yêrusalem mhe, jŭr tă bơh ntŭk Brah Ndu ta klơ trôk, ndrăp nkra jêh nâm bu du huê bu ur mhe nkrơ̆ gŭ kâp sai păng nơm.

Phung Kôranh Phat Dôih 8:34

Tâm ban pônây phung ƀon lan Israel mâu hôm kah gĭt ôh ma Yêhôva Brah Ndu khân păng, jêng Nơm tâm rklaih jêh khân păng bơh lĕ rngôch phung rlăng khân păng gŭ văr jŭm păng.