Yêrêmi 2:26 - Nau Brah Ndu Ngơi 2023

²⁶ Nơm ntŭng prêng ngăn lah bu ban păng dôl ntŭng. Pôri ngih phung Israel, Nđâp ma kôranh hađăch, phung kôranh chiă uănh, Phung kôranh ƀư brah, lĕ phung nơm mbơh lor, ăt prêng ngăn nâm bu pônây.

Yêrêmi 2:26 Iomraidhean Croise

Êsra 9:7

Ntơm rnôk chô yau hên kăl e tât aƀaơ aơ, hên hŏ ƀư tih toyh jêh. Yor nau djơh hên nơm, yor ri phung kon, phung hađăch, phung kôranh ƀư brah hên, lĕ jao jêh hên tâm ti phung hađăch bri bu năch, ma đao tak, bu nhŭp ƀư bu nă, bu pit in drăp ndơ, jêh ri bu gơm mưch kŏ tât ta nar aơ.

Nau Mprơ Ơm 97:7

Ăn lĕ rngôch ma phung mbah rup brah, Jêh ri phung ngơi blă blơ ma rup brah geh nau bêk prêng da dê. Ơ lĕ brah, yơk mbah hom ma Brah Yêhôva!

Êsai 1:29

Pôri may mra bêk yor ma tơm si Khân may rŏng; Jêh ri đit prêng yor ma ntŭk n'gar trao Khân may săch jêh.

Êsai 44:11

Aơ, lĕ rngôch phung băl păng mra geh nau bêk prêng; phung pah kan nây jêng knŏng bunuyh dơm. Ăn lĕ rngôch khân păng tâm rƀŭn jêh ri dâk! Khân păng mra klach krit jêh ri bêk prêng da dê.

Êsai 44:9

Lĕ rngôch phung ƀư rup trah jêng dơm dam, jêh ri lĕ ndơ khân păng rŏng ŭch mâu geh nau khlay. Phung mbơh ngăn ma rup brah nây mâu blau saơ ôh, mâu lĕ gĭt rbăng, rĭ dĭng khân păng djôt nau bêk prêng.

Yêrêmi 2:36

Mâm dĭng may dơi rgâl trong may Ngăch nâm pônây? Mâm may hŏ prêng đah phung Asiri, Ăt mra prêng đah Êjipt tâm ban lĕ.

Yêrêmi 22:22

Sial mra đô̆ rdu lĕ rngôch phung rmăk biăp may, Phung may rŏng mra hăn jêng bu nă; Nôk nây, may mra prêng jêh ri uh ah Yor lĕ rngôch nau mhĭk may.

Yêrêmi 32:32

Yorlah lĕ rngôch nau mhĭk phung kon sau Israel jêh ri phung kon sau Yuđa, khân păng nơm yơh, phung hađăch, phung kôranh, lĕ phung kôranh ƀư brah, lĕ phung nơm mbơh lor khân păng, nđâp ma phung Yuđa jêh ri phung ƀon lan gŭ tâm Yêrusalem gay ƀư nsônh nuih Gâp,

Yêrêmi 4:9

Brah Yêhôva lah: “Tâm nar nây, kôranh hađăch jêh ri phung kôranh chiă uănh roh nau duh nđơr da dê; Lĕ phung kôranh ƀư brah klach krit, Lĕ phung mbơh lor hih rhâl ngăn.”

Yêrêmi 48:27

Mâu di hĕ phung Israel lĕ tă ƀư nau gơm mưch ăn ma may jêh? Mâu mâp saơ bu nhŭp păng ta nklang ndrel ma phung ntŭng ăp tơ̆ nkah tât ma păng may rteh bôk?

Êsêkiêl 16:54

gay ma ay dơn nau djơh mhĭk, bêk prêng ma lĕ nau ay hŏ ƀư, jêh ri tâm ban pônây lĕ ay jêng du nau bonh leng ăn ma khân păng.

Êsêkiêl 22:26

Lĕ rngôch phung kôranh ƀư brah păng ƀư tih đah nau vay Gâp jêh ri ƀư ƀơ̆ ndơ kloh ueh Gâp; khân păng mâu kơp rnglah êng ôh moh ndơ jêng kloh ueh, moh ndơ jêng ƀơ̆; mâu lĕ nti bu gĭt rnglah êng moh ndơ jêng ƀơ̆ ƀơch, moh ndơ jêng kloh; khân păng nhêp măt mâu chrê ôh ma lĕ nar saƀat Gâp, ƀư ƀơ̆ Gâp ta nklang khân păng.

Sakari 5:4

Brah Yêhôva ma phung tahan lah: “Gâp mra ƀư ma ndrom samƀŭt aơ hăn, păng mra lăp tâm ngih phung ntŭng, jêh ri tâm ngih phung ton mƀruh ma amoh Gâp. Păng mra gŭ ta nklang ngih vâl nây jêh ri su ƀư rai ngih vâl nây, nđâp ma kađar jêh ri lŭ.”

Samƀŭt Pôl Njuăl Ăn Ma Phung Nsing Ta Ƀon Rôm 6:21

Nôk nây moh play aƀaơ aơ khân may geh nau bêk prêng? Play ƀư prêng khân ay may aƀaơ! Nau nglĕ dŭt lĕ nau nây jêng nau khĭt.