Yêrêmi 2:23 - Nau Brah Ndu Ngơi 2023

²³ “Mâm may nănh ngơi: ‘Gâp mâu geh ƀơ̆ ƀơch, Gâp mâu geh tĭng brah Baal ôh’? Uănh hom trong may tâm ntŭk rlŭng; Ăn gĭt nanê̆ nau may hŏ ƀư, Nâm bu seh samô ngăch, nchuăt blă blơ.

Yêrêmi 2:23 Iomraidhean Croise

Êsther 8:16

Ma phung Yuđa, aơ jêng nar nau ang, răm maak, nau hâk răm ngăn jêh ri nau chrêk rmah.

Nau Mprơ Ơm 36:2

Yorlah păng n'gơr n'hao êng păng nơm pô aơ, Nau tih păng mâu mra mpơl jêh ri mâu geh bunuyh tâm rmot ma păng ôh.

Nau Mprơ Ơm 50:21

Nây jêng nau may hŏ ƀư jêh, bi Gâp gŭ rklăk; May mĭn pô aơ Gâp ăt tâm ban ma may. Ƀiălah Gâp mra nduyh rmal may, Mpơl lĕ nau nây tanăp măt may.

Nau Hôr 28:13

Mbu nơm pôn mo nau tih păng nơm mâu mra geh ôh nau chăt jêng, Ƀiălah mbu nơm mbơh păng jêh ri chalơi păng mra dơi geh nau yô̆ nđach.

Nau Hôr 30:12

Geh phung bunuyh mĭn păng nơm kloh rsang, Ƀiălah mâu hŏ rao kloh nau ƀơ̆ ƀơch păng.

Nau Hôr 30:20

Aơ jêng nau rêh bu ur văng tĭr, Jêh sa, jut mbung, Jêh ri lah: “Gâp mâu mâp geh ƀư nau tih ôh!”

Yêrêmi 14:10

Brah Yêhôva lah ma phung ƀon lan aơ kơt aơ: “Khân păng ŭch hăn nsong blêng pônây, Mâu gĭt nkân bar jâng ôh; Yor ri Brah Yêhôva mâu sŏk dơn ôh khân păng. Aƀaơ aơ, Păng kah gĭt tay nau khân păng hŏ ƀư tih, Jêh ri rmal lơi nau tih khân păng.”

Yêrêmi 16:10

Dôl may mbơh ăn ma phung ƀon lan aơ lĕ rngôch nau nây, khân păng mra ôp may: ‘Mâm ƀư Brah Yêhôva tâm nal nkhŭt nau mhĭk dŭt krit kir aơ tât ma hên? Moh nau mhĭk hên? Moh nau hên hŏ ƀư tih đah Yêhôva Brah Ndu hên?’

Yêrêmi 2:36

Mâm dĭng may dơi rgâl trong may Ngăch nâm pônây? Mâm may hŏ prêng đah phung Asiri, Ăt mra prêng đah Êjipt tâm ban lĕ.

Yêrêmi 3:2

N'gơr hom măt uănh ma yôk hil! Geh lĕ ntŭk may mâu bê̆ch ndrel đah bu êng? May hŏ gŭ meng trong gay kâp nơm rŏng, Nâm bu phung Arabi tâm bri rdah. May hŏ ƀư ƀơ̆ ƀơch neh aơ Đah lĕ nau văng tĭr tih mhĭk ngăn.

Yêrêmi 31:22

Ơ bu ur druh mâu răp jăp, Ndah nâm jŏ ay nsong blêng ntŭk aơ ntŭk ri? Yorlah Brah Yêhôva hŏ ƀư jêh du ntil nau mhe ta klơ neh ntu: Nây jêng du huê bu ur mra nkŭm nking du huê bu klâu.”

Yêrêmi 7:31

Khân păng hŏ ndâk lĕ ntŭk prêh klơ Tôphet tâm rlŭng Ben-Hinôm, gay su phung kon bu klâu kon bu ur păng tâm ŭnh; nây jêng nau Gâp mâu ntĭm nti ôh ăt mâu prot mĭn tât.”

Yêrêmi 9:14

Ƀiălah khân păng rêh tĭng rôih ko nuih n'hâm dăng khân păng nơm, hăn tĭng lĕ brah Baal chô yau khân păng hŏ nti.”

Ndrom Samƀŭt bơh Ôsê 1:2

Tơlah Brah Yêhôva ntơm lah ma Y-Ôsê, Brah Yêhôva lah ma păng: “Hăn hom nđăp du huê bu ur văng tĭr jêh ri deh phung kon ma nau văng tĭr, yorlah bri dak aơ ƀư tih nau văng tĭr nôk chalơi Brah Yêhôva.”

Luka 10:29

Ƀiălah păng ŭch mpơl păng nơm jêng sŏng srăng rĭ dĭng lah ma Brah Yêsu: “Mbu jêng bunuyh chiau meng gâp?”

Samƀŭt Pôl Njuăl Ăn Ma Phung Nsing Ta Ƀon Rôm 3:19

He gĭt lĕ nau vay lah, jêng lah ma phung gŭ tâm dâng nau vay gay ma lĕ rngôch trôm mbung gŭ rklăk da dê, jêh ri lĕ rngôch bunuyh ta neh ntu dơn nau tih tanăp Brah Ndu;