Yêrêmi 2:21 - Nau Brah Ndu Ngơi 2023

²¹ Bi Gâp, Gâp hŏ tăm may nâm bu du mlâm tơm krăk ƀâu dơi săch, Bơh ntil krăk ƀâu play ueh. Ƀiălah moh may ƀư rgâl lơi Jêng tơm krăk ƀâu bri âk ntil?

Yêrêmi 2:21 Iomraidhean Croise

Nau Ntơm 18:19

Gâp săch jêh păng gay ntĭm nti ma phung kon sau jêh ri noi deh păng nar kăndơ̆ gĭt djôt prăp trong Brah Yêhôva, ƀư nau sŏng srăng jêh ri nau di, gay ăn Brah Yêhôva ƀư n'hêl nê̆ nau Păng hŏ ton jêh đah Y-Abraham.”

Nau Ntơm 32:28

Bunuyh nây lah: “Săk may mâu hôm mra jêng Y-Yakôb ôh, ƀiălah jêng Y-Israel, yorlah may hŏ tâm nhăt jêh đah Brah Ndu jêh ri đah bu, jêh ri may dơi da dê.”

Nau Mprơ Ơm 44:2

May sŏk ti May nơm mprơh du phung mpôl băl bunuyh, Ƀiălah ăn phung chô yau hên gŭ ta nây; May ăn ma phung mpôl băl bunuyh rai lêk, Ƀiălah ăn ma phung chô yau hên jêng ndrŏng.

Nau Mprơ Ơm 80:8

Ntơm bơh n'gor Êjipt, May djôt sĭt jêh du mlâm tơm krăk ƀâu; May mprơh phung mpôl băl jêh ri tăm tơm nây.

Nau Mprơ Ơm 80:9

May kai pŏk neh ăn păng, Păng njŭr reh jêh ri hung bêng ta klơ neh.

Nau Ngluh Êjipt 15:17

Brah Yêhôva ơi! May leo phung ƀon lan nây lăp, jêh ri ăn khân păng gŭ klơ yôk drăp ndơn May, Jêng ntŭk May hŏ nkra jêh gay ƀư ntŭk May gŭ, Ơ Kôranh Brah! Nây jêng ntŭk kloh Ueh bơh ti May hŏ ndâk njêng jêh.

Êsai 1:21

Vư! Ƀon răp jăp Hŏ plơ̆ jêng bu ur văng tĭr! Păng bêng ma nau di, Jêh ri jêng ntŭk nau sŏng srăng gŭ tâm păng. Ƀiălah aƀaơ aơ bêng ma phung nkhĭt bunuyh!

Êsai 27:2

Tâm nar nây, Khân may mprơ hom ma đang krăk ƀâu âk play!

Êsai 41:8

Ƀiălah ơ phung Israel, khân may jêng oh mon Gâp, Ơ Yakôb, jêng nơm Gâp hŏ săch jêh, Khân may jêng noi deh Y-Abraham, mĭt jiăng Gâp.

Êsai 5:4

Moh nau ŭch ƀư ma đang krăk ƀâu Gâp, Dĭng Gâp mâu hŏ ƀư an ma păng? Mâm ƀư Gâp kâp gân ma păng geh play ueh, Ƀiălah păng geh play krăk ƀâu mhĭk?

Êsai 60:21

Lĕ rngôch phung ƀon lan may mra jêng sŏng srăng da dê, Jêh ri khân păng mra dơn bri nây n'ho ro. Khân păng jêng nkeh nse Gâp tăm jêh, Jêng kan ti Gâp ƀư jêh, gay ma Gâp geh nau chrêk rmah.

Êsai 61:3

Gay ăn rvang kao ma phung rngot klâng ta Siôn, Ntrok ma ndruyh ŭnh buh, Ăn dak ngi nau răm ntrok nau klâng ndrê, Ăn bok ao nau tâm rnê ntrok nau huêng rngot rvê. Bu mra rnha khân păng tơm si nau sŏng srăng, Jêng tơm si Brah Yêhôva tăm jêh, gay ƀư ăn chrêk rmah ma Păng.

Yêrêmi 11:16

Brah Yêhôva hŏ tă kuăl săk may jêng ‘tơm ôlive ndrêh, play rkŭm âk ueh măt.’ Ƀiălah aƀaơ, ta nklang nau nteh vănh blông ngrông, Păng mpoh ŭnh su păng, lĕ n'gĭng păng rai lĕ.

Yêrêmi 11:17

Brah Yêhôva ma phung tahan, jêng Nơm hŏ brôi tăm khân may, Păng nơm yơh ăn nau mhĭk tât ta may, yorlah nau mhĭk ngih phung Israel jêh ri ngih Yuđa hŏ ƀư nôk nsônh nau nuih Gâp đah nau nhhơr ndơ ƀâu kah ăn brah Baal.”

Yêrêmi 5:10

“Hăn hao hom klơ mbor krăk ƀâu jêh ri ƀư rai lơi, Ƀiălah lơi ta ƀư rai lĕ ôh; Koh mƀăr hom lĕ n'gĭng păng, Yorlah mâu jêng ndơ Brah Yêhôva ôh.

Nau Nhĭm Vơl 4:1

Ơ yuh! Mah lĕ roh nau chrêk, Mah chrêk lĕ rgâl jêh! Lĕ glo lŭ kloh ueh gŭ ta aơ ta ri Tâm ăp ntŭk njônh trong sâng!

Êsêkiêl 15:2

“Hơi kon bunuyh, mâm rtau tơm krăk ƀâu tâm rđĭl đah tơm si êng geh nau ueh rlau lơn lĕ? Jêh ri n'gĭng rtau tơm krăk ƀâu tâm rđĭl đah tơm si tâm krŏng geh nau rlau lĕ?

Mathay 21:33

“Iăt hom nau hôr êng. Geh du huê bunuyh tăm du đang krăk ƀâu, ƀư n'gar jŭm mir, tâm trôm păng kuyh du ntu mpet ndrănh, ƀư du ngih tŭm gak, jêh ri ăn lĕ bunuyh tăm krăk ƀâu nkhôm, jêh nây păng hăn du bri êng.

Markôs 12:1

Brah Yêsu ntơm dŏng nau hôr gay lah ma khân păng: “Bunuyh ri tăm du đang krăk ƀâu, ƀư n'gar jŭm mir, kuyh ntu mpet krăk ƀâu, ƀư du ngih tŭm gak, jêh nây ăn phung kan nkhôm mir krăk ƀâu, jêh ri păng hăn rgăn du bri êng.

Luka 20:9

Brah Yêsu ntơm nkoch bri nau hôr aơ ma phung ƀon lan: “Du huê bunuyh tăm đang krăk ƀâu jêh ri phung tăm krăk ƀâu nkhôm, jêh nây păng hăn tât ta bri êng gŭ jŏ jêh.

Yôhan 15:1

“Gâp jêng tơm krăk ƀâu ngăn, Mbơ̆ Gâp jêng nơm tăm krăk ƀâu.

Nau Vay Nkah Tay 32:32

Tơm krăk ƀâu khân păng sŏk ntil tă bơh ƀon Sôdôm, Tă bơh mir ƀon Gômôrơ; Pôri play krăk ƀâu khân păng jêng play khih, Rkŭm krăk ƀâu bêng play tăng.

Nau Vay Nkah Tay 4:37

Yorlah Păng rŏng ma phung chô yau khân may jêh ri hŏ săch noi deh khân may, jêh ri Păng nơm hŏ sŏk nau brah toyh Păng, njŭn khân may luh tă bơh n'gor Êjipt,

Yôsuê 24:31

Phung Israel pah kan ma Brah Yêhôva dôl rnôk Y-Yôsuê hôm rêh jêh ri dôl rnôk phung bu ranh gŭ rêh jŏ lơn ma păng. Nĕ jêng lĕ nau Brah Yêhôva ƀư jêh ma phung Israel.