Yêrêmi 2:19 - Nau Brah Ndu Ngơi 2023

¹⁹ Nau tih mhĭk may mra tâm rmal may, Nau may tâm rdâng mra nduyh nkra may. Gĭt năl hom jêh ri saơ rah vah nau djơh mhĭk jêh ri rngot ngăn ngên Dôl chalơi Yêhôva Brah Ndu, Jêh ri mâu geh nuih n'hâm klach yơk Gâp.” Kôranh Brah jêng Brah Yêhôva ma phung tahan lah pônây.

Yêrêmi 2:19 Iomraidhean Croise

I Phung Hađăch 18:18

Păng plơ̆ sĭt lah: “Mâu di ôh gâp ƀư rkhŭk phung Israel, ƀiălah may nơm jêh ri ngih mbơ̆ may yơh rkhŭk. Yorlah may chalơi jêh nau vay Brah Yêhôva ntăm gay hăn tĭng brah Baal.

II Nau Rêh Jêng 12:5

Nơm mbơh lor Y-Sêmaya hăn tâm mâp đah Y-Rôbôam jêh ri đah phung kôranh chiă uănh Yuđa dôl gŭ tâm rƀŭn ta Yêrusalem gay du ndĕ bơh Y-Sisăk. Păng lah ma khân păng: “Brah Yêhôva lah: ‘Khân may lĕ chalơi jêh Gâp, pôri Gâp jao khân may tâm ti Y-Sisăk.’”

II Nau Rêh Jêng 21:10

Pôri, phung Êđôm dâk tâm rdâng ma nau phung Yuđa chiă uănh kŏ tât ta nar aơ. Tâm nôk nây, phung ƀon lan ƀon Lipna dâk đŏng tâm rdâng đah nau Y-Jôram chiă uănh, yorlah păng chalơi jêh Yêhôva Brah Ndu phung chô yau păng.

II Nau Rêh Jêng 25:16

Tâm nôk nơm mbơh lor dôl ngơi; hađăch lah ma păng: “Hên mâp dăp may jêng nơm kơl nchră ma hađăch? Găp hôm, gŭ klăk hom! May ŭch khĭt lĕ?” Nơm mbơh lor gŭ klăk, ƀiălah jêh nây păng lah tay: “Gâp gĭt Brah Yêhôva tâm nal ƀư rai may, yorlah may hŏ ƀư jêh nau aơ jêh ri mâu ŭch iăt ôh nau gâp nkah.”

Nau Mprơ Ơm 36:1

Nau tih phung mhĭk lah tâm nuih n'hâm pô aơ, Mâu geh nau klach yơk ma Brah Ndu ôh.

Nau Ngluh Êjipt 33:6

Yor nây, sŏk ntơm bơh yôk Hôrep, phung ƀon lan Israel doh lơi lĕ ndơ nkrơ̆ khân păng.

Nau Hôr 1:31

Yor nây, khân păng dơn play nau mhĭk tĭng nâm kan khân păng ƀư, Jêh ri dơn sŏk lĕ nau păng mĭn kan,

Nau Hôr 1:32

Yor ma nau tâm rdâng bơh phung rluk mra nkhĭt khân păng, Jêh ri nau ueh mpăn bơh phung rluk mra ƀư rai khân păng.

Nau Hôr 5:22

Phung mhĭk mra tŭp tâm nau tih păng nơm, Jêh ri rse nau tih chăp păng nơm.

Êsai 3:9

Muh măt khân păng tâm mpơl an nau tâm rdâng đah khân păng nơm; Khân păng nkoch rah vah nau tih khân păng nâm bu ƀon Sôdôm, Mâu mo ôh. Rêh ni ngăn ma huêng khân păng, Yorlah khân păng hŏ ƀư nau mhĭk ma khân păng nơm!

Êsai 5:5

Pôri aƀaơ aơ, Gâp mra ăn khân may gĭt Moh nau Gâp dăch ƀư ma đang play Gâp: Gâp mra rôk lơi n'gar păng, Gay ma bu kăp rvăn păng, Gâp mra ƀư rlâm lơi n'gar păng Gay ma bu jot lơi păng.

Êsai 50:1

Brah Yêhôva lah: “Ta ntŭk pŏk samƀŭt tâm chalơi ur sai mê̆ may Ma samƀŭt nây Gâp chalơi jêh păng? Mâu lah tâm phung tơm rnon ma Gâp Mbu moh Gâp tăch khân may? Aơ, yor nau kue may yơh dĭng bu tăch khân may; Yor nau khân may ƀư tih rĭ dĭng bu chalơi jêh mê̆ khân may.

Yêrêmi 1:16

Gâp mra phat dôih tâm rmal khân păng đah ăp ntil nau mhĭk ma yor khân păng hŏ ƀư nôk chalơi Gâp, nhhơr ndơ ƀâu kah ăn ma phung brah êng, jêh ri chon mon mbah lĕ ndô ndơ tă bơh ti khân păng ƀư.

Yêrêmi 13:22

Tơlah may ôp êng tâm nuih n'hâm: “Mâm ƀư lĕ nau kan aơ tât ăn ma gâp?” Nây jêng yor nau tih mhĭk may toyh ngăn Bu plơk nah bŭt may Săk jăn may geh dong bŭr.

Yêrêmi 2:17

Mâu di hĕ may nơm hŏ ƀư êng nau nây ăn ma may nơm Yorlah hŏ chalơi Yêhôva Brah Ndu, Dôl Păng njŭn may ta rŏ trong nây?

Yêrêmi 3:22

“Hơi phung kon mâu răp jăp, plơ̆ sĭt hom! Gâp mra ƀư bah nau mâu răp jăp khân may.” Khân may plơ̆ lah: “Aơ, phung hên tât ma May, Yorlah May jêng Yêhôva Brah Ndu hên.

Yêrêmi 4:18

“Trong jêh ri nau kan may Hŏ ƀư ăn may lĕ nau nây. Nây jêng nau nglĕ dŭt rêh ni may, rngot ngăn ngên! Rngot ngăn ngên kŏ tât tâm trôm nuih n'hâm.”

Yêrêmi 5:22

Brah Yêhôva lah: “Lĕ phung khân may mâu klach yơk ma Gâp Mâu râm nsâr hĕ tanăp măt Gâp? Gâp jêng Nơm hŏ sŏk jêh choih ƀư n'har ma dak mƀŭt, Du ntŭk nal n'ho ro mâu dơi rlau ôh. Rbuh geh nkŏch ăt mâu dơi; Dak Mƀŭt geh ngrông nteh ăt mâu ler rlau ôh.

Yêrêmi 5:24

Khân păng mâu lah ôh đah nuih n'hâm păng nơm: ‘He klach yơk hom ma Yêhôva Brah Ndu Nơm hŏ ăn dak mih di yan, Dak mih bôk yan jêh ri dak mih lôch yan, Jêh ri mray ăn phung he Lĕ nar pơh ma yan rek.’

Yêrêmi 5:6

Yor nây, yau mŭr tâm bri mra nkhĭt khân păng, So bri bơh bri rdah ƀư rai khân păng. Yau brăch mra rmiăt kêng padih ƀon khân păng, Mbu nơm luh bơh ƀon mra hêk sa! Yorlah nau tih toyh khân păng âk ngăn, Nau tâm rdâng khân păng mâu dơi kơp.

Yêrêmi 7:19

Brah Yêhôva lah: “Di lĕ khân păng nsônh nau ji nuih Gâp? Mâu di hĕ khân păng ƀư rmanh êng, sŏk dơn nau bêk prêng ăn ma khân păng nơm nây hĕ?”

Yêrêmi 8:5

Pôri mâm ƀư ƀon lan plăch hăn, Yêrusalem aơ mâu răp jăp mro? Khân păng ăt hôm sâl mray nau ndơm, Dun nau plơ̆ sĭt.

Êsêkiêl 23:30

Bu mra ăn ay tâm ban pônây yorlah ay ƀư nau văng tĭr ăn ma lĕ bri dak jêh ri ƀư ƀơ̆ ma ay nơm ma lĕ rup brah khân păng.

Êsêkiêl 39:24

Gâp hŏ ƀư ma khân păng nâm pônây yor nau ƀơ̆ ƀơch jêh ri nau ƀai khân păng, jêh ri Gâp hŏ pôn lơi muh măt đah khân păng.

Ndrom Samƀŭt bơh Ôsê 11:7

Ngăn yơh phung ƀon lan Gâp ŭch chalơi Gâp; Nđâp tơlah khân păng kuăl ma Nơm Dŭt Prêh Păng ăt mâu rdâk khân păng dâk.

Ndrom Samƀŭt bơh Ôsê 13:9

Hơi Israel, bu mra ƀư rai yot may Yorlah may tâm rdâng ma Gâp, jêng Nơm kơl may.

Ndrom Samƀŭt bơh Ôsê 14:1

Hơi Israel, plơ̆ sĭt hom ma Yêhôva Brah Ndu may, Yorlah nau tih may nơm ƀư ăn may chêh prah.

Ndrom Samƀŭt bơh Ôsê 4:16

Yorlah Israel dăng bôk Nâm bu ndrôk me druh dăng ko; Di lĕ aƀaơ Brah Yêhôva siăm khân păng Nâm bu biăp kon hăn nsong tâm ndrêch gơ̆ huy?

Ndrom Samƀŭt bơh Ôsê 5:5

Nau sưr phung Israel phong păng; Israel jêh ri Êphraim chôt prah tâm nau tih mhĭk khân păng; Yuđa mra chôt prah ndrel ma khân păng.

Ndrom Samƀŭt bơh Ôsê 7:2

Khân păng mâu mĭn êng tâm nuih n'hâm Gâp kah gĭt lĕ rngôch nau mhĭk khân păng. Aƀaơ aơ kan tih mhĭk khân păng nchueng khân păng nơm, Gŭ panăp Gâp.

Ndrom Samƀŭt bơh Ôsê 9:1

Hơi Israel, lơi ta răm rhơn ôh! Lơi maak ir ôh nâm bu phung mpôl băl êng. Yorlah may hŏ ƀư jêh nau ka n'hong, chalơi Brah Ndu may. May ŭch jêh ma nau prăk nkhôm du huê bu ur ka n'hong Ta lĕ rngôch ntŭk mprah ba.

Amôt 8:10

Gâp mra rgâl lĕ nar rƀŭn khân may jêng nar klâng rvê Jêh ri lĕ nau mprơ khân may jêng nau mprơ rngot. Gâp mra ƀư ăn khân may vân ƀau ta bŭt Jêh ri ƀư ăn lĕ rngôch bôk plưn da dê. Gâp mra ƀư ma khân may nhĭm nhhiăng nâm bu nuyh roh kon bu klâu kon dul Jêh ri nau nglĕ dŭt nâm bu du nar rngot ngăn ngên.”

Mika 1:5

Lĕ rngôch nau nây jêng yor nau Yakôb ƀư tih Jêh ri yor nau tih ngih Israel. Moh nau Yakôb ƀư tih? Mâm mâu di jêng ƀon Samari? Moh ndơ lĕ ntŭk prêh bơh phung Yuđa? Mâm mâu di jêng ƀon Yêrusalem?

Sakari 7:11

Ƀiălah khân păng dun mâu ŭch iăt, dăng bôk jêh ri ndôn kơi, nsêt lơi tôr khân păng nơm gay lơi ăn tăng ôh nau ngơi.

Samƀŭt Pôl Njuăl Ăn Ma Phung Nsing Ta Ƀon Rôm 3:18

“Nau klach yơk ma Brah Ndu mâu gŭ tanăp khân păng ôh.”

Phung Kôranh Phat Dôih 10:13

Ƀiălah khân may chalơi Gâp, pah kan rhŏ ma phung brah êng, yor nây dĭng Gâp mâu tâm rklaih khân may.