Yêrêmi 2:15 - Nau Brah Ndu Ngơi 2023

¹⁵ Phung yau mŭr ndăm rah ngrông, Rđuh dŭt huy tâm rdâng đah păng, Ƀư ăn neh păng rgâl jêng rngol; Lĕ rngôch ƀon păng lĕ bu su ma ŭnh, mâu geh bunuyh gŭ.

Yêrêmi 2:15 Iomraidhean Croise

Ndrom Samƀŭt bơh Yôp 4:10

Nau ngrông dŭt janh bơh yau mŭr hŏ roh rklăk jêh Jêh ri neng phung kon yau mŭr hŏ nkê̆ch pă jêh.

Nau Mprơ Ơm 57:4

Huêng gâp gŭ tâm nklang phung yau mŭr; Bê̆ch tâm nklang phung mpa bri sa puăch nuyh. Geh sêk tâm ban ma chiông tak, hăr Jêh ri mpiăt khân păng hơr tâm ban ma du mlâm đao.

Êsai 1:7

Bri dak khân may jêng rngot njăp, Lĕ ƀon toyh khân may bu su ma ŭnh Phung bu năch sŏk pit neh khân may, Tanăp măt khân may, Ƀư bri khân may jêng rngot njăp lah phung bu năch tŭn jot.

Êsai 24:1

Aơ, Brah Yêhôva mra ƀư ma neh ntu nsoih bŏng jêh ri jêng rngol; Păng ƀư ma neh ntu rgâl jêh ri ma phung ƀon lan nchah rai pru pra.

Êsai 5:29

Nau ngrông khân păng tâm ban ma yau mŭr, Khân păng rđuh ngrông tâm ban ma kon yau mŭr; Khân păng mra ngrông jêh ri djôt leo mpa khân păng kăp, Mâu geh nơm dơi rklaih ôh.

Êsai 5:9

Brah Yêhôva ma phung tahan lah jêh ma tôr gâp: “Nanê̆ ngăn, geh âk rplay ngih mra jêng rngot njăp, Lĕ ngih toyh jêh ri ueh nây mâu mra geh bunuyh gŭ ôh!

Êsai 6:11

Gâp ôp, “Ơ Kôranh Brah, kŏ tât ndah jŏ?” Păng plơ̆ lah: “Kŏ tât âk ƀon toyh jêng rngot njăp, Mâu geh bunuyh gŭ ôh, Ngih mâu geh bunuyh gŭ, Jêh ri lĕ bri neh plơ̆ jêng rngol lĕ ƀhiau;

Yêrêmi 10:22

Aơ, geh nau lư mpăr tât, Du nau n'găr ktang bơh neh mpeh pa lơ, Ƀư ăn lĕ ƀon Yuđa luh jêng rngot njăp, Jêng trôm so bri.

Yêrêmi 25:30

“Yor nây, ăn may gơnh djôt nau ngơi aơ mbơh lor tâm rdâng đah khân păng: ‘Bơh ntŭk prêh ta klơ, Brah Yêhôva hŏ nter troh, Păng hŏ ngơi, bơh ntŭk kloh ueh Păng nter huy tâm rdâng đah phung biăp Păng, Păng ntơm ngơi kuăl nâm bu phung jot play krăk ƀâu, Tâm rdâng đah lĕ rngôch phung gŭ ta neh ntu.

Yêrêmi 25:9

aơ, Gâp mra prơh hăn lĕ rngôch băl mpôl bunuyh tâm bri mpeh pa lơ jêh ri Y-Nêbukatnetsar, hađăch bri Babilôn, oh mon Gâp, tât tâm rdâng đah bri aơ jêh ri ƀon lan gŭ tâm bri păng, ndrel ma lĕ rngôch bri dak gŭ văr jŭm nây. Gâp mra ƀư rai khân păng, ƀư ăn ma khân păng jêng du ntil ndơ ƀơ̆ bơch, du nau bu gơm mưch, du ntŭk jêng rngot njăp n'ho ro.’ Brah Yêhôva lah pônây.

Yêrêmi 26:9

Mâm ƀư may nănh tâm amoh Brah Yêhôva ngơi mbơh lor pô aơ: ‘Ngih aơ mra jêng nâm bu ƀon Silô, ƀon toyh aơ mra jêng rngot njăp, mâu geh ƀon lan gŭ ôh’?” Nôk aơ, lĕ rngôch phung ƀon lan tâm gŭ jŭm Y-Yêrêmi tâm ngih Brah Yêhôva.

Yêrêmi 33:10

Brah Yêhôva lah: ‘Tâm ntŭk aơ jêng ntŭk khân may lah: “Nây jêng ntŭk rngol, mâu hôm geh bunuyh, mpô mpa ăt mâu geh lĕ;” tâm lĕ rngôch ƀon n'gor Yuđa jêh ri tâm trong ƀon toyh Yêrusalem, nây jêng rngol jêh, mâu geh bunuyh, mâu geh ƀon lan gŭ, mpô mpa ăt mâu geh lĕ,

Yêrêmi 34:22

Brah Yêhôva lah: ‘Aơ, Gâp mra ntĭnh ăn ma khân păng plơ̆ tay ma ƀon aơ; khân păng mra lơh, mra pit in, jêh ri sŏk ŭnh su ƀon nây. Gâp mra ƀư lĕ rngôch ƀon n'gor Yuđa mra jêng rngot njăp, mâu geh ƀon lan gŭ ôh.’”

Yêrêmi 4:7

Yau mŭr hŏ luh tă bơh bri krŏng, Nơm ƀư rai lĕ bri dak hŏ hăn jêh, Hŏ du bơh ntŭk păng, Gay ƀư ăn bri dak may jêng rngot njăp; Lĕ rngôch ƀon toyh may rai ƀhiau Mâu hôm du huê bunuyh.

Yêrêmi 44:22

Brah Yêhôva mâu hôm dơi srôih đŏng ôh lĕ nau mhĭk kan khân ay may ƀư jêh ri nau ƀơ̆ ƀơch khân ay may hŏ ƀư tih jêh, yor nây nar aơ bri dak khân ay may hŏ jêng nau bu rak rtăp jêh, jêng du ntŭk rngol, jêng ntŭk rngot klâng, mâu geh bunuyh gŭ ôh.

Yêrêmi 5:6

Yor nây, yau mŭr tâm bri mra nkhĭt khân păng, So bri bơh bri rdah ƀư rai khân păng. Yau brăch mra rmiăt kêng padih ƀon khân păng, Mbu nơm luh bơh ƀon mra hêk sa! Yorlah nau tih toyh khân păng âk ngăn, Nau tâm rdâng khân păng mâu dơi kơp.

Yêrêmi 50:17

Israel jêng du mlâm biăp nhhơt jêh phung yau mŭr tĭng kăp. Ntơm saơm hađăch Asiri tĭng rvăn păng, jêh ri rlet pakơi aơ jêng Y-Nêbukatnetsar, hađăch Babilôn, gĭnh nting păng.”

Yêrêmi 51:38

Khân păng ngrông nâm bu yau mŭr rah, Rđuh nâm bu yau mŭr kon.

Yêrêmi 6:8

Hơi Yêrusalem, iăt hom nau ntăm, Lah mâu Gâp mra dĭl chalơi may, Ƀư ăn may jêng rngot njăp, Neh may mâu hôm bunuyh gŭ.”

Yêrêmi 9:10

Gâp mra nhĭm nhhiăng vah vơl ăn lĕ yôk, Nau mprơ klâng rngot ăn ma ndrêch gơ̆ tâm bri rdah, Yorlah khân păng ŭch sa, mâu du huê bunuyh găn tât, Mâu hôm tăng bâr phung mpô mpa rong; Tă bơh sĭm tâm trôk kŏ tât mpa bri, Lĕ rngôch du roh da dê.

Yêrêmi 9:11

“Gâp mra ƀư ƀon Yêrusalem jêng mbŭch bun ndơ rai jêh, Jêng trôm so bri; Jêh ri ƀư ăn lĕ ƀon Yuđa jêng rngot njăp, Mâu geh bunuyh gŭ ôh.”

Êsêkiêl 36:3

Yor ri, mbơh lor hom pô aơ: “Kôranh Brah Yêhôva lah: ‘N'hêl nanê̆, yorlah khân păng hŏ ƀư ăn khân may jêng rngol jêh ri rduh lơh khân may tă bơh ăp njônh gay ma khân may jêng drăp ndơn ma phung ƀon lan hôm e klen lĕ bri dak jêh ri khân may jêng ndơ phung ƀon lan ntêh rmot, ngơi mưch.’

Êsêkiêl 5:14

Gâp mra njêng may ntŭk rngol jêh ri plơ̆ jêng nau bêk prêng tâm lĕ bri dak văr jŭm may jêh ri tanăp măt phung prot rgăn.

Ndrom Samƀŭt bơh Ôsê 11:10

Khân păng mra chuat tĭng Brah Yêhôva, Păng ngrông nâm bu yau mŭr; Ngăn yơh, Păng mra ngrông, Phung kon păng văch tă bơh mpeh nhâp nar ma nau râm nsâr ngăn.

Ndrom Samƀŭt bơh Ôsê 5:14

Yorlah gâp mra jêng nâm bu du mlâm yau mŭr ma Êphraim, Nâm bu du mlâm yau mŭr kon ma ngih Yuđa. Gâp nơm yơh mra sa hêk jêh nây hăn du; Gâp mra djôt leo, jêh ri mâu geh ôh nơm dơi sâm rklaih.

Amôt 3:12

Brah Yêhôva lah: “Nâm bu phung rmăk biăp knŏng dơi đŏt mphâk bar mlâm jâng, Mâu lah du mlâm trôm tôr luh tă bơh trôm mbung yau mŭr Pôri phung ƀon lan Israel gŭ ta n'gor Samari, Ta njônh sưng jêh ri ta sưng bê̆ch bri Damas Ăt mra dơi rklaih tâm ban pônây lĕ.

Amôt 3:4

Tơlah yau mŭr mâu geh kăp ôh mpa sa, Pôri păng geh rđuh ngrông tâm krŏng lĕ? Tơlah yau mŭr kon mâu geh ndơ sa Pôri păng dơi rđuh ngrông tă bơh ntŭk trôm jru lĕ?

Amôt 3:8

Tơlah yau mŭr rđuh ngrông Pôri mbu nơm mâu klach? Tơlah Kôranh Brah Yêhôva ntĭm nti Pôri mbu nơm mâu ngơi nau mbơh lor?

Nahum 2:11

Ƀaƀă, tă trôm yau mŭr, Jêng ntŭk ăn yau mŭr kon de sa, Jêng ntŭk yau mŭr nkuăng, yau mŭr me jêh ri kon păng chuat hăn Mâu geh ôh ndơ ƀư ăn ma khân păng klach, Aƀaơ aơ ta ntŭk trôm nây?

Sôphôni 1:18

Nđâp ma prăk mâu lah mah khân păng Kŏ mâu dơi đŏng tâm rklaih khân păng Tâm nar Brah Yêhôva ji nuih. Ƀiălah tâm lam neh ntu mra geh ŭnh ntôn bơh Păng su ntrŭt, Yorlah Păng mra ƀư rai lĕ rngôch phung gŭ ta klơ neh ntu Ma nau krit toyh ngăn!”

Sôphôni 2:5

Rêh ni ngăn ma phung ƀon lan gŭ ta kơh dak mƀŭt, Nây jêng phung mpôl Kêrêthit! Hơi Kanaan jêng bri phung Philistin, Nau Brah Yêhôva hôm e tâm rdâng đŏng đah khân may; “Gâp mra ƀư rai lơi may Kŏ tât mâu hôm geh bunuyh gŭ đŏng ôh.”

Sôphôni 3:6

“Gâp hŏ ƀư rai jêh phung ntil mpôl bunuyh, Ƀư lĕ vâl tŭm gak ta njônh mpêr ƀon jêng rlâm rai. Gâp ƀư ma trong sâng păng jêng bri hŏng, Kŏ tât mâu geh ôh bunuyh hăn rgăn ta nây. Lĕ ƀon khân păng bu hŏ ƀư rai jêh, Mâu hôm geh du huê bunuyh, jêh ri kŏ mâu geh lĕ bunuyh gŭ ta nây.

Sakari 11:3

Iăt hom, geh bâr phung rmăk biăp nhĭm vơl! Yorlah nau chrat ang khân păng lĕ rai jêh; Geh bâr rđuh ngrông bơh phung yau mŭr kon! Yor nau sưr Yurdan hŏ rai jêh!

Phung Kôranh Phat Dôih 14:5

Y-Samsôn hăn ndrel ma mê̆ mbơ̆ păng trŭnh ta Timna. Tơlah khân păng tât jêh ta đang krăk ƀâu Timna, geh du mlâm yau mŭr kon bruh rduh jêh ri ngrông nter tanăp măt păng.