Yêrêmi 2:13 - Nau Brah Ndu Ngơi 2023

¹³ “Phung ƀon lan Gâp hŏ tih bar ntil nau mhĭk: Khân păng hŏ chalơi Gâp, Jêng tu dak rêh; Kuyh êng ntu dak, Ntu dak lĕ đang, Mâu hôm prăp dak.

Yêrêmi 2:13 Iomraidhean Croise

II Phung Hađăch 22:17

Yorlah Phung ƀon lan aơ hŏ chalơi jêh Gâp, gŭch ndơ ƀâu kah ăn ma phung brah êng jêh ri nsônh nau Gâp ji nuih ma lĕ rngôch kan ti khân păng ƀư, pôri Gâp hao ji nuih hâu ngăn nđâp ma ntŭk aơ, mâu rngơt ôh.’

Nau Mprơ Ơm 36:9

Yorlah tu nau rêh gŭ tâm Kôranh Brah; Ma nau ang May, hên saơ nau ang.

Nơm Nti 1:14

Gâp hŏ treng uănh lĕ rngôch nau tât geh tâm dâng nar; ri, lĕ rngôch dơm dam da dê tĭng rlong sial khôm.

Nơm Nti 1:2

Nơm nti ngơi: Nau dơm dam ma nau dơm dam, Nau dơm dam ma nau dơm dam! Lĕ rngôch dơm dam da dê.

Nơm Nti 12:8

Nơm nti lah: “Dơm dam ma nau dơm dam, Lĕ rngôch jêng dơm dam da dê!”

Nơm Nti 2:11

Jêh nây gâp mĭn êng lĕ rngôch kan ti gâp hŏ ƀư, jêh ri lĕ kan hŏt r'ah gâp hŏ dơn gay ƀư lĕ kan nây; ri, lĕ rngôch nau nây jêng nau dơm dam, tĭng rlong sial khôm, jêh ri mâu geh nau khlay ôh tâm dâng nar.

Nơm Nti 2:21

Yorlah geh bunuyh kan hŏt r'ah đah nau blau mĭn, nau gĭt rbăng jêh ri geh nau blau, jêh nây ăn drăp ndơn păng nơm ma nơm mâu mâp hŏt rgănh ma ndơ nây. Nau nây ăt jêng du nau dơm dam jêh ri du nau mhĭk toyh.

Nơm Nti 2:26

Yor Brah Ndu ăn nau blau mĭn, gĭt rbăng jêh ri nau maak ăn ma mbu nơm ƀư ueh nuih n'hâm Păng; Ƀiălah Păng ƀư ma nơm geh tih mra hŏt rgănh prăp nkrem gay jao tay ăn ma bunuyh ƀư ueh nuih n'hâm Brah Ndu. Nau nây ăt jêng dơm dam, tĭng rlong sial khôm.

Nơm Nti 4:4

Gâp dơn saơ kon bunuyh pah kan đah nau hŏt rgănh jêh ri gĭt blau, knŏng yor ŭch nach bunuyh aơ đah nơm êng dơm yơh. Nau aơ nâm bu jêng nau dơm dam, tĭng rlong sial khôm.

Êsai 1:3

Ndrôk hôm gĭt năl nơm mât păng, Seh bri hôm gĭt năl hip gơ̆ kôranh păng; Ƀiălah phung Israel mâu gĭt ôh, Phung ƀon lan Gâp mâu gĭt vât ôh.”

Êsai 1:4

Rêh ni yơh ma bri dak ƀư nau tih, Phung ƀon lan ƀư nau tih jâk jêr Noi deh ƀư mhĭk, Phung kon gŭ ƀư nau ƀơ̆ ƀơch! Khân păng chalơi jêh Brah Yêhôva, Mưch rmot ma Nơm Kloh Ueh Israel, Plơ̆ jêng bu êng jêh ri nkhah du.

Êsai 12:3

Yor ri, khân may mra răm maak bâk dak bơh ntu dak nau tâm rklaih.

Êsai 5:13

Yor ri, phung ƀon lan gâp mra hăn jêng bu nă yorlah pưt nau gĭt mĭn; Phung bu yơk tâm khân păng khĭt ji ngot, Bi phung ƀon lan geh nau ji hir.

Êsai 55:2

Mâm ƀư khân may mplơ̆ prăk gay rvăt ndơ mâu jêng piăng let ôh? Mâm ƀư khân may djôt nau pah kan khân may nơm rgâl sŏk ndơ mâu blau hơm ôh? Njrăng iăt Gâp, sa hom ndơ kah, Jêh ri ƀư maak huêng khân may nơm ma ndơ sa kah.

Êsai 63:8

Yorlah Păng lah jêh: “Nanê̆, khân păng jêng ƀon lan Gâp, Jêng phung kon mâu mra ndơm mƀruh ôh.” Jêh ri Păng jêng Nơm Tâm Rklaih khân păng.

Yêrêmi 1:16

Gâp mra phat dôih tâm rmal khân păng đah ăp ntil nau mhĭk ma yor khân păng hŏ ƀư nôk chalơi Gâp, nhhơr ndơ ƀâu kah ăn ma phung brah êng, jêh ri chon mon mbah lĕ ndô ndơ tă bơh ti khân păng ƀư.

Yêrêmi 14:3

Phung ndrŏng prơh phung oh mon hăn joi dak; Khân păng hăn tât nglao, Ƀiălah mâu saơ dak ôh, Djôt yăng dơm plơ̆ sĭt; Khân păng prêng, rŭng răng, Nkŭm lơi bôk.

Yêrêmi 15:6

Brah Yêhôva lah: “May hŏ chalơi jêh Gâp, Ăt hôm chalơi; Yor nây Gâp hŏ yơr ti ta klơ may, gay ƀư rai may. Gâp mâu hôm yô̆ nđach ma may đŏng ôh.

Yêrêmi 17:13

Ơ Brah Yêhôva, nau kâp gân ma phung Israel, Mbu nơm dun May geh nau prêng da dê! Mbu nơm plăch ndŭr kơi đah May bu mra nchih amoh ta ndruyh neh, Yorlah khân păng hŏ chalơi jêh Brah Yêhôva jêng tu dak rêh.

Yêrêmi 18:14

Mâp geh đŏng dak pler bri Liban Lêk hoch ta klơ n'gơn yôk lĕ? Mâu lah n'hor dak nđik hoch tât tă bơh ngai Suăt kro hêng lĕ?

Yêrêmi 19:4

yorlah khân păng hŏ chalơi jêh Gâp, ƀư ntŭk aơ jêng ntŭk blă blơ. Ntŭk aơ, khân păng nhhơr ndơ ƀâu kah ma lĕ brah êng jêng lĕ brah ndơm dam khân păng nơm tâm ban ma phung chô yau khân păng, jêh ri lĕ phung hađăch Yuđa mâu mâp gĭt da dê. Khân păng hŏ ƀư jêh ntŭk aơ bêng ma mham mâu mâp geh nau tih ôh.

Yêrêmi 2:11

Geh lĕ phung ƀon lan tâm rgâl brah khân păng? — Nđâp lah lĕ brah nây mâu di jêng brah — Pôri phung ƀon lan Gâp hŏ rgâl jêh nau chrêk rmah păng Gay sŏk rup brah dơm dam!

Yêrêmi 2:17

Mâu di hĕ may nơm hŏ ƀư êng nau nây ăn ma may nơm Yorlah hŏ chalơi Yêhôva Brah Ndu, Dôl Păng njŭn may ta rŏ trong nây?

Yêrêmi 2:26

Nơm ntŭng prêng ngăn lah bu ban păng dôl ntŭng. Pôri ngih phung Israel, Nđâp ma kôranh hađăch, phung kôranh chiă uănh, Phung kôranh ƀư brah, lĕ phung nơm mbơh lor, ăt prêng ngăn nâm bu pônây.

Yêrêmi 4:22

“Phung ƀon lan Gâp rluk ngăn, Khân păng mâu gĭt năl Gâp ôh. Nây jêng du huê phung kon se rluk, Mâu geh nau gĭt rbăng, Blau ƀư nau mhĭk, Ƀiălah mâu gĭt ƀư nau ueh ôh.”

Yêrêmi 5:26

Yorlah nklang ƀon Gâp geh phung ƀai; Khân păng vơr rmiăt nâm bu bunuyh dăk sĭm, Sân dăk nhŭp bunuyh.

Yêrêmi 5:31

Lĕ phung nơm mbơh lor mƀruh, Jêh ri lĕ kôranh ƀư brah chiă uănh tĭng nau ƀĭt gai phung nơm mbơh lor nây, Pônây phung ƀon lan Gâp ŭch rŏng! Ƀiălah tât dăch dŭt, moh khân may mra ƀư?”

Êsêkiêl 14:5

Tâm ban pônây, Gâp dơi sŏk ăn nuih n'hâm ƀon lan Israel phung nkhah du jêh tă bơh Gâp yor ma khân păng mbah rup brah.

Êsêkiêl 47:1

Jêh ta nây, păng leo gâp hăn đŏng rlet ma mpông pêr ngih brah jêh ri aơ, n'hor dak krong luh tă bơh tâm dâng mbong ngih brah hoch rlet mpeh luh nar (yorlah ngih brah ndâk rle luh nar). N'hor dak nây tă bơh pŭng pa ma ngih brah jŭr hoch mpeh pa dâng nơng ƀư brah.

Mika 2:8

Ƀiălah mhe aƀaơ pơ, phung ƀon lan Gâp du dâk nâm bu phung rlăng. Khân may hŏ nkhơng ma doh ao jâr Ndơ phung bunuyh hăn rgăn trong, Tâm ban nâm bunuyh plơ̆ sĭt tă hăn tâm lơh.

Mika 6:3

“Hơi phung ƀon lan Gâp, moh nau Gâp hŏ ƀư jêh ma may? Moh nau Gâp ƀư dĭng rgănh ir ma may? Plơ̆ lah hom ma Gâp!

Sakari 13:1

Ta nar nây, mra geh du n'hor dak pơk ma ngih Y-Đavit jêh ri phung gŭ tâm ƀon Yêrusalem, gay ƀư kloh nau tih jêh ri nau ƀơ̆ ƀơch.

Yôhan 4:10

Brah Yêsu plơ̆ lah: “Tơlah ay gĭt ndơ Brah Ndu ăn, jêh ri Păng dôl ngơi đah ay: ‘Ăn Gâp dăn nhêt dak’ jêng mbu nơm pôri n'hêl nanê̆ ay mra vơl dăn ma Păng, jêh ri Păng mra ăn dak rêh ma ay.”

Yôhan 4:11

Bu ur nây lah: “Hơi Kôranh, may mâu geh ndơ gay bâk, ntu dak aơ jru ngăn, pôri ntŭk tă may geh dak rêh nây?

Yôhan 4:14

ƀiălah mbu nơm nhêt dak Gâp mra ăn, mâu hôm ji hir đŏng ôh. Dak Gâp ăn mra plơ̆ jêng tu dak tâm bunuyh nây, bêng ler tât nau rêh n'ho ro.”

Yôhan 7:37

Tât nar nglĕ dŭt jêng nar dŭt khlay tâm năng rƀŭn, Brah Yêsu gŭ dâk ta nây jêh ri mbơh pô aơ: “Tơlah mbu nơm ji hir, văch hom ta Gâp jêh ri nhêt.

Nau Vay Nkah Tay 31:16

Brah Yêhôva lah ma Y-Môis: “Aơ, may lĕ dăch khĭt, hăn gŭ ndrel ma phung chô yau may. Bi phung ƀon lan aơ mra ƀư nau tâm rdâng jêh ri ƀư nau văng tĭr đah lĕ brah phung bu năch tâm n'gor khân păng mra hăn lăp. Khân păng mra chalơi Gâp jêh ri rlau nau vay tâm rnglăp Gâp hŏ ƀư jêh đah khân păng.

II Pêtrôs 2:17

Khân păng jêng lĕ n'hor dak mâu geh dak, lĕ ndâr dak ngom phŭt rdu leo; nau ngo klĕng prăp jêh ma khân păng.

Nau Tâm Mpơl 21:6

Jêh nây Păng lah ma gâp: “Kan lĕ jêh! Gâp jêng Alpha jêh ri Ômêga, jêng Ntơm Bơh Saơm jêh ri Nglĕ Dŭt. Mbu nơm ji hir, Gâp mra ăn nhêt dak mâu sŏk prăk tă bơh tu dak nau rêh.

Nau Tâm Mpơl 22:1

Nôk nây tông mpăr ntĭm ma gâp saơ dak krong nau rêh, rsang nâm bu lŭ ang, luh bơh sưng hađăch Brah Ndu jêh ri sưng hađăch Kon Biăp,

Nau Tâm Mpơl 22:17

Brah Huêng Ueh jêh ri Ƀăn lah ndrel: “Văch hom!” Mbu nơm tăng lah đŏng: “Văch hom!” Mbu nơm ji hir, văch hom! Mbu nơm ŭch, văch hom jêh ri sŏk dơn dak nau rêh ăn dơm dam.

Phung Kôranh Phat Dôih 10:13

Ƀiălah khân may chalơi Gâp, pah kan rhŏ ma phung brah êng, yor nây dĭng Gâp mâu tâm rklaih khân may.

I Samuel 12:10

Rnôk nây, khân păng vơl dăn ma Brah Yêhôva, jêh ri lah: ‘Hên ƀư tih jêh, yorlah hên lĕ chalơi jêh Brah Yêhôva gay pah kan ma phung brah Baal jêh ri ma brah Astarôt. Ƀiălah aƀaơ, tâm rklaih hom hên tă bơh ti phung rlăng hên, hên mra pah kan ma May.’