Yêrêmi 2:11 - Nau Brah Ndu Ngơi 2023

¹¹ Geh lĕ phung ƀon lan tâm rgâl brah khân păng? — Nđâp lah lĕ brah nây mâu di jêng brah — Pôri phung ƀon lan Gâp hŏ rgâl jêh nau chrêk rmah păng Gay sŏk rup brah dơm dam!

Yêrêmi 2:11 Iomraidhean Croise

I Phung Hađăch 11:33

Yorlah khân păng hŏ chalơi jêh Gâp gay yơk mbah ma brah bu ur Astarôt phung Sidôn, brah Chêmôs phung Môap, jêh ri brah Milkôm phung Ammôn. Khân păng mâu chuat hăn ôh tĭng nâm lĕ trong Gâp gay ƀư nau di tanăp măt Gâp, jêh ri mâu đŏng djôt prăp lĕ nau vay dăp jêh ri lĕ nau vay ƀư bơh Gâp nâm bu Y-Đavit, chô yau khân păng.

II Phung Hađăch 1:3

Ƀiălah tông mpăr Brah Yêhôva lah ma Y-Êli, bunuyh Tisbê: “Dâk hăn hao hom, tâm chuă đah phung bunuyh hađăch Samari, jêh ri lah ma khân păng: ‘Tâm phung Israel mâu hĕ geh Brah Ndu, kŏ tât khân may hăn ôp ma Baal-Sêbup, brah ƀon Êkron?’

II Nau Rêh Jêng 13:9

Mâu di hĕ khân may hŏ mprơh jêh phung kôranh ƀư brah Brah Yêhôva, jêng phung kon sau Y-Arôn, jêh ri phung Lêvi hĕ? Khân may hŏ tĭng nau vay phung bu năch gay njêng phung kôranh ƀư brah ma khân may; ăp bunuyh mbu nơm djôt leo du mlâm ndrôk nkuăng rah tât jêh ri pơh mlâm biăp nkuăng gay nhhơr ndơ ƀư brah, dơi jêng du huê kôranh ƀư brah ma brah mâu di jêng brah.

Nau Mprơ Ơm 106:20

Khân păng tâm rgâl Nơm chrêk rmah khân păng Gay sŏk rup ndrôk blau sa gơ̆.

Nau Mprơ Ơm 115:4

Bi rup brah khân păng ƀư ma prăk jêh ri mah, Jêng kan bơh ti bunuyh ƀư.

Nau Mprơ Ơm 3:3

Ƀiălah Ơ Brah Yêhôva! May jêng khêl king n'gang gâp; May jêng nau chrêk rmah gâp jêh ri jêng Nơm ƀư ma gâp dơi n'gơr bôk.

Êsai 37:19

mƀăr lơi phung brah khân păng tâm ŭnh, yorlah khân păng mâu jêng brah ôh, knŏng jêng ndơ bơh ti kon bunuyh ƀư ma si jêh ri ma lŭ, pôri bu ƀư rai lơi khân păng.

Yêrêmi 16:20

Dơi lĕ kon bunuyh njêng êng phung brah ma păng nơm? Ƀiălah phung brah nây mâu di jêng brah ôh!”

Yêrêmi 18:13

Yor ri, Brah Yêhôva lah: “Ôp hom tâm lĕ bri dak Geh nơm hŏ mâp tăng jêh nau tâm ban pônây lĕ? Bu ur druh Israel Hŏ ƀư du nau mhĭk toyh ngăn.

Yêrêmi 2:5

Brah Yêhôva lah pô aơ: “Phung chô yau khân may saơ moh nau mâu di tâm Gâp Dĭng du ngai bơh Gâp, Hăn tĭng nau dơm dam, Jêh ri jêng phung mâu geh rnoh khlay?

Yêrêmi 2:8

Lĕ phung kôranh ƀư brah mâu rngot tơlah ôp: ‘Ntŭk Brah Yêhôva gŭ?’ Phung nti nau vay mâu hôm gĭt tât ma Gâp đŏng ôh. Phung chiăp hăn tâm rdâng đah Gâp; Lĕ phung nơm mbơh lor sŏk amoh brah Baal ngơi mbơh lor, Nchuăt tĭng lĕ rup brah mâu khlay ôh.”

Yêrêmi 5:7

“Mâm ƀư Gâp dơi yô̆ an ma may? Lĕ phung kon bu klâu may hŏ chalơi Gâp, Tâm amoh lĕ brah mâu di jêng brah ton ôh. Gâp hŏ mât khân păng hơm mpay, Khân păng ăt ƀư tih văng tĭr, Rgum mbŭch tâm ngih bu ur văng tir.

Êsêkiêl 14:5

Tâm ban pônây, Gâp dơi sŏk ăn nuih n'hâm ƀon lan Israel phung nkhah du jêh tă bơh Gâp yor ma khân păng mbah rup brah.

Êsêkiêl 5:7

Yor ri, Yêhôva Brah Ndu lah: ‘Yorlah khân may dăng ko lơn ma phung ntil mpôl gŭ jŭm khân may, mâu chuat ôh tĭng nau vay dăp Gâp, mâu lĕ ŭch djôt prăp nau vay ƀư bơh Gâp; rlau ma nĕ nau vay ƀư phung ntil mpôl bunuyh gŭ jŭm khân may, khân may ăt mâu dơi tĭng lĕ.’

Mika 4:5

Lĕ rngôch mpôl băl bunuyh chuat tĭng Amoh brah păng, Ƀiălah he mra chuat tĭng amoh Yêhôva Brah Ndu he Kŏ tât ƀaƀơ n'ho ro!

Samƀŭt Pôl Njuăl Ăn Ma Phung Nsing Ta Ƀon Rôm 1:23

Khân păng tâm rgâl nau chrêk rmah Brah Ndu mâu blau khĭt gay ma sŏk rup kon bunuyh blau ôm rai, mâu lah rup sĭm, mpô mpa, mâu lah ntil mpa vơr.

I Kôrintô 8:4

Pôri, ma nau nhhơr ndơ ƀư brah ma rup brah, he gĭt rup brah tâm neh ntu mâu geh ngăn ôh, knŏng geh nguay Brah Ndu mâu geh brah êng ôh.

Galati 4:8

Kăl e, ê hŏ gĭt năl Brah Ndu, khân may jêng dĭk ma lĕ brah mâu di jêng brah.

Nau Vay Nkah Tay 32:16

Khân păng yơk mbah phung brah bu năch ƀư ăn Păng ji nuih đah phung brah nây Ƀư nau kan ƀơ̆ ƀơch gay nsônh nau ji nuih Păng.

Nau Vay Nkah Tay 32:21

Khân păng nsônh ăn Gâp ji nuih đah brah mâu di jêng Brah Ndu ôh, Ƀư ma Gâp ji nuih yorlah nau dơm dam bơh khân păng; Gâp ƀư đŏng ăn ma khân păng ntôn đah du phung ndŭl mpôl mâu di jêng phung ndŭl mpôl, Jêh ri ƀư ăn khân păng ji nuih yorlah du phung ƀon lan rluk.

Nau Vay Nkah Tay 33:29

Hơi phung Israel khân may geh nau răm maak âk hâu ngăn! Du phung ƀon lan geh Brah Yêhôva kơl rklaih an! Mbu dơi jêng nâm bu khân may? Păng jêng khêl kơl king khân may, Jêng đao djôt leo nau chrêk rmah tât ma khân may! Phung rlăng mra chon mbah tanăp khân may, Bi khân may mra jot ntŭk prêh klơ khân păng.”

I Pêtrôs 1:18

Yorlah khân may gĭt jêh mâu di ma lĕ ndơ blau rai yot nâm bu prăk mâu lah mah ôh khân may geh nau chuai bơh nau rêh dơm dam ntơm bơh phung chô yau khân may nơm nkoch tay,

I Samuel 4:21

Păng ntơ amoh kon se jê̆ nây jêng Y-Ikabôt, yorlah păng lah: “Nau chrêk rmah luh du jêh tă bơh phung Israel!”; păng ŭch lah ma nau bu sŏk jêh Hip Nau Tâm Rnglăp Brah Ndu, jêh ri ma nau khĭt po păng nđâp sai păng.