Yêrêmi 19:3 - Nau Brah Ndu Ngơi 2023

³ May lah hom: ‘Hơi lĕ phung hađăch Yuđa jêh ri phung gŭ ta ƀon Yêrusalem, rkêng hom tôr iăt nau Brah Yêhôva. Brah Yêhôva ma phung tahan, Brah Ndu Israel lah: Aơ, Gâp mra nkhŭt nau mhĭk jŭr ntŭk aơ, kŏ tât mbu nơm tăng nau ngơi nây mra ji tôr,

Yêrêmi 19:3 Iomraidhean Croise

Nau Mprơ Ơm 102:15

Rnôk aơ mpôl băl bunuyh mra klach yơk ma amoh Brah Yêhôva, Jêh ri lĕ rngôch phung hađăch tâm neh ntu mra klach yơk ma nau chrêk rmah Păng.

Nau Mprơ Ơm 110:5

Kôranh Brah gŭ pa ma Brah Ndu Mra jot hăch phung hađăch ta nar Păng ji nuih.

Nau Mprơ Ơm 2:10

Pônây yơh ơ phung hađăch, ăn khân may geh nau blau mĭn! Ơ phung kôranh phat dôih neh ntu, iăt hom nau mbơh!

Êsai 28:19

Ăp tơ̆ nau mhĭk lip tât, păng mra nhŭp rdu khân may Yorlah păng mra rgăn ăp ôi, Nar tâm ban ma măng, nau tât mra hăn rgăn; Knŏng geh nau klach krit Ƀư ăn khân may gĭt rbăng nau ti nây.

Yêrêmi 13:18

Lah hom ma hađăch jêh ri mê̆ hađăch pô aơ: “Dăn trŭnh bơh sưng hađăch gŭ tâm dâng neh, Yorlah đon hađăch chrêk lơp Hŏ tŭp bơh bôk lĕ bunuyh jêh.”

Yêrêmi 17:20

May lah ma khân păng: ‘Hơi lĕ hađăch phung Yuđa, lĕ rngôch ƀon lan Yuđa, jêh ri lĕ rngôch ƀon lan gŭ ta ƀon Yêrusalem, jêng phung rgăn lĕ mpông pêr aơ, rkêng tôr iăt hom nau Brah Yêhôva!

Yêrêmi 18:11

Pônây, aƀaơ aơ may ngơi hom ma phung Yuđa jêh ri phung gŭ tâm ƀon Yêrusalem pô aơ: ‘Brah Yêhôva lah: Aơ, Gâp dôl tâm nal djôt nau mhĭk tât ăn ma khân may jêh ri dăp kan tâm rdâng đah khân may. Ăn nơm tâm khân may chalơi hom trong mhĭk jêh ri nkra tay trong ndrel ma lĕ kan khân may ƀư!’

Yêrêmi 19:15

“Brah Yêhôva ma phung tahan, Brah Ndu phung Israel lah, lah: ‘Aơ, Gâp dăch ăn ma ƀon aơ jêh ri lĕ ƀon gŭ dăch ma lĕ rngôch nau mhĭk tât Gâp hŏ mbơh lor jêh, yorlah khân păng dăng bôk dăng trô ko mâu ŭch iăt ôh nau Gâp.’”

Yêrêmi 25:29

Yorlah aơ, ƀon ri jêng ƀon bu ntơ ma amoh Gâp ƀiălah Gâp ntơm ăn tât nau mhĭk, pônây khân may mra klaih ma nau tâm rmal lĕ? Mâu! Khân may mâu mra klaih ôh ma nau tâm rmal, yorlah Gâp kuăl đao tât ma lĕ rngôch phung gŭ ta neh ntu,’” Brah Yêhôva ma phung tahan lah pônây:

Yêrêmi 35:17

Yor nây, Yêhôva Brah Ndu ma phung tahan, Brah Ndu Israel lah: ‘Aơ, Gâp ăn tât ma phung Yuđa jêh ri lĕ rngôch phung gŭ tâm ƀon Yêrusalem lĕ rngôch nau mhĭk djơh Gâp hŏ mbơh lor jêh ăn ma khân păng, yorlah Gâp ngơi khân păng mâu iăt, Gâp kuăl khân păng mâu plơ̆ lah ôh.’”

Yêrêmi 44:3

Tă bơh nau ƀai khân păng hŏ ƀư tih jêh gay ƀư nsônh nuih Gâp. Khân păng nhhơr ndơ ƀâu kah jêh ri mbah ma phung brah êng, khân păng tâm ban ma phung khân may jêh ri ma phung chô yau khân may mâu mâp gĭt ôh.

Yêrêmi 6:19

Hơi neh, iăt hom! Gâp mra djôt nau mhĭk tât ma phung ƀon lan aơ, Nây jêng nau play bơh lĕ mĭn nchră khân păng, Yorlah khân păng mâu rkêng tôr iăt tât ma nau Gâp, Jêh ri dun nau vay Gâp.

Êsêkiêl 7:5

Yêhôva Brah Ndu lah: ‘Nau mhĭk tât, dôl du nau mhĭk krit toyh tât!

Mathay 10:18

Yorlah Gâp, bu mra njŭn khân may tanăp phung kôranh toyh chiă uănh jêh ri phung hađăch, gay mbơh ma khân păng jêh ri phung bu năch.

Nau Tâm Mpơl 2:29

Mbu nơm geh tôr, iăt hom nau Brah Huêng Ueh lah ma Phung Ngih Brah Ndu.’”

I Samuel 3:11

Brah Yêhôva lah ma Y-Samuel: “Uănh hom! Gâp mra ƀư du nau kan tâm phung Israel mbu nơm tăng, mra ƀư tê̆k lĕ bar đah tôr.