Yêrêmi 19:11 - Nau Brah Ndu Ngơi 2023

¹¹ jêh ri lah ma khân păng pô aơ Brah Yêhôva ma phung tahan lah: ‘Gâp mra dong nchah phung ƀon lan aơ jêh ri ƀon aơ nâm bu dong du mlâm yăng neh uk, mâu hôm dơi tâm njĭr tay đŏng ôh. Bu mra tâp ta Tôphet kŏ tât mâu hôm geh ntŭk tâp đŏng ôh.’

Yêrêmi 19:11 Iomraidhean Croise

Nau Mprơ Ơm 2:9

Kon dŏng mâng tăk jra loih mbang nchah khân păng, Ƀư khân păng nchah lơi nâm bu yăng neh chah rai.”

Nau Hôr 6:15

Yor nây, nau rêh ni mra tât ma păng ma nau ndal; Tâm ƀât lât, păng mra rai roh ro mâu hôm dơi bah ôh.

Êsai 30:14

Păng mra nchah hăch tâm ban ma glah uk bu nchah lơi ăn hăch, Nchah hăch jêng âk rngơl mâu nhhuach ôh; Kŏ tât bu mâu dơi joi du rsong uk ôh Gay ŭch sŏk ŭnh bơh năk, Mâu lah bâk dak bơh nglau.”

Yêrêmi 13:14

Brah Yêhôva lah: ‘Gâp mra ƀư ma bunuyh aơ tâm djrel đah bunuyh ri, mbơ̆ tâm tom đah kon. Gâp mra ti mâu djân, mâu yô̆, mâu nhhuach nôk Gâp ƀư rai khân păng.’”

Yêrêmi 19:12

Brah Yêhôva lah: ‘Gâp mra ƀư ma ntŭk aơ ndrel ma ƀon lan gŭ ta păng nâm bu pô nĕ; Gâp mra ƀư ăn ma ƀon aơ tâm ban Tôphet.

Yêrêmi 19:6

Yor nây, Brah Yêhôva lah: ‘Aơ, lĕ nar mra tât, ntŭk aơ bu mâu mra ntơ jêng Tôphet mâu lah rlŭng Ben Hinôm đŏng ôh, bu mra ntơ jêng Rlŭng Sreh Nkhĭt.

Yêrêmi 25:34

Hơi phung rmăk biăp, nhĭm vơl hom, ntơm ngơi vah vơl hom! Ơ phung kôranh phung biăp, rlă hom tâm ŭnh buh! Yorlah nar bu sreh nkhĭt khân may, nar bu ƀư nchah rai pru pra hŏ tât jêh, Khân may mra cha lôt nâm bu du mlâm yăng khlay.

Yêrêmi 48:38

Tâm ăp ta klơ chor ngih Môap, tâm ntŭk nhuang ƀon mâu geh padih nau nhĭm vơl, yorlah Gâp hŏ mbang chah jêh bri Môap nâm bu du mlâm yăng bu mâu hôm ŭch đŏng ôh.” Brah Yêhôva lah pônây.

Yêrêmi 51:63

Lôch jêh răk ndrom samƀŭt aơ pôri may kât samƀŭt đah du glo lŭ jêh ri klŭp tâm dak krong Ơphrat,

Nau Nhĭm Vơl 4:2

Phung kon bu klâu Siôn ueh ngăn, Khlay ngăn nâm bu mah chrêk, Aƀaơ bu uănh tâm ban ma yăng bu mon uk, Tă bơh kan ti phung mon uk ƀư!

Kôranh Oh Mon 21:11

Păng hăn chop khâl hên, sŏk rse bŭt Y-Pôl, chăp jâng ti păng nơm jêh ri lah: “Aơ jêng nau Brah Huêng Ueh lah: ‘Ta ƀon Yêrusalem, phung Yuđa mra chăp bunuyh geh rse bŭt aơ tâm ban pô aơ lĕ jêh ri jao păng ma phung bu năch.’ ”

Nau Tâm Mpơl 2:27

păng mra chiă uănh lĕ bri dak ma mâng jra loih, jêh ri mbang nchah khân păng nâm bu ndơ neh uk, tâm ban đŏng Gâp hŏ dơn jêh nau dơi nây bơh Mbơ̆ Gâp.