Yêrêmi 19:1 - Nau Brah Ndu Ngơi 2023

¹ Brah Yêhôva lah: “May tât hom ntŭk nơm mon glah rvăt du mlâm yăng ma neh gŭch. Jêh nây may jă du huê bar hê phung kôranh bu ranh tâm phung ƀon lan jêh ri phung kôranh ƀư brah ranh rlau lơn hăn ndrel ma may

Yêrêmi 19:1 Iomraidhean Croise

II Phung Hađăch 19:2

Păng prơh kôranh mât uănh ngih hađăch jêng Y-Êliakim, kôranh nchih samƀŭt Y-Sêpna jêh ri phung kôranh ƀư brah ranh rlau lơn nsoh ao ƀau hăn mâp ma nơm mbơh lor Y-Êsai, kon bu klâu Y-Amôt.

Êsai 30:14

Păng mra nchah hăch tâm ban ma glah uk bu nchah lơi ăn hăch, Nchah hăch jêng âk rngơl mâu nhhuach ôh; Kŏ tât bu mâu dơi joi du rsong uk ôh Gay ŭch sŏk ŭnh bơh năk, Mâu lah bâk dak bơh nglau.”

Yêrêmi 13:1

Brah Yêhôva lah ma gâp pô aơ: “May hăn rvăt hom ma may du mlâm rse vân bŭt ma bok mhay jêh ri vân ta bŭt, ƀiălah lơi ta trăm tâm dak.”

Yêrêmi 26:17

Ƀaƀă phung kôranh bu ranh tâm bri nĕ dâk ngơi ma lĕ rngôch phung ƀon lan tâm rƀŭn:

Yêrêmi 32:14

Brah Yêhôva ma phung tahan, Brah Ndu Israel, lah: ‘Sŏk hom samƀŭt rvăt aơ, lĕ samƀŭt tâp pŏng jêh nđâp samƀŭt ê hŏ tâp pŏng ôh, prăp ta du mlâm yăng neh, gay dơi prăp jŏ.’

Nau Nhĭm Vơl 4:2

Phung kon bu klâu Siôn ueh ngăn, Khlay ngăn nâm bu mah chrêk, Aƀaơ bu uănh tâm ban ma yăng bu mon uk, Tă bơh kan ti phung mon uk ƀư!

Êsêkiêl 4:1

“Hơi kon bunuyh, sŏk hom du rlat ƀrĭk dơm păng ăn panăp may jêh ri kach nchih rup ƀon Yêrusalem ta klơ neh yăng nây.

Êsêkiêl 5:1

“Hơi kon bunuyh, sŏk hom du n'gâr đao dŭt hơr dŏng ƀư pêh poih têp poih bôk sŏk may jêh ri têp kang may. Pakơi nây, sŏk njing gay veh tâm pă brai sŏk.

Êsêkiêl 9:6

Nkhĭt lĕ hom, ƀă phung bu ranh, ƀă phung mom ndăm, ƀă phung bu ur druh, ƀă bu ur me jêh ri phung kon se jê̆, ƀă bu-ur jêh ri kon se jê̆. Ƀiălah lơi hăn dăch mbu geh nchih nau mbên ta ndăr kleng. Ntơm hom tă bơh phung bu ranh gŭ panăp ngih.”

Nau Kơp Bunuyh 11:16

Brah Yêhôva lah ma Y-Môis: “Rgum hom pơh jât nuyh tâm phung kôranh bu ranh Israel, jêng phung may gĭt năl jêh jêng kôranh bu ranh jêh ri kôranh chiă uănh phung ƀon lan. Njŭn leo hom khân păng tât ta Ngih Bok Nau Tâm Rƀŭn, jêh ri ăn khân păng dâk ndrel ma may ta nây.

Mathay 26:3

Nôk nây, phung kôranh ƀư brah toyh jêh ri phung kôranh bu ranh tâm phung ƀon lan rgum tâm nkual ngih kôranh ƀư brah dŭt toyh rnha Y-Kaipe

Mathay 27:1

Tât ôi, lĕ rngôch phung kôranh ƀư brah toyh jêh ri phung bu ranh phung ƀon lan tâm nchră tâm rdâng đah Brah Yêsu gay nkhĭt lơi Păng.

Kôranh Oh Mon 21:11

Păng hăn chop khâl hên, sŏk rse bŭt Y-Pôl, chăp jâng ti păng nơm jêh ri lah: “Aơ jêng nau Brah Huêng Ueh lah: ‘Ta ƀon Yêrusalem, phung Yuđa mra chăp bunuyh geh rse bŭt aơ tâm ban pô aơ lĕ jêh ri jao păng ma phung bu năch.’ ”

II Kôrintô 4:7

Ƀiălah hên prăp drăp ndơ khlay aơ tâm lĕ yăng neh, gay ma tâm mpơl nau brah dŭt prêh nây văch tă bơh Brah Ndu, mâu di tă bơh hên ôh.