Yêrêmi 18:6 - Nau Brah Ndu Ngơi 2023

⁶ “Hơi ngih Israel, Gâp mâu dơi ƀư ma khân may nâm bu nơm mon glah aơ hĕ?” Brah Yêhôva lah: “Hơi ngih Israel, mâm neh uk gŭ tâm ti nơm mon glah, khân may gŭ tâm ti Gâp tâm ban pônây lĕ.

Yêrêmi 18:6 Iomraidhean Croise

Êsai 45:9

Rêh ni ngăn ma nơm tâm rlăch đah Nơm rhăk njêng păng! Păng knŏng jêng du rplay yăng tâm lĕ tâm yăng ma neh! Di lĕ neh uk ôp nơm blau mon glah, jêng nơm mon păng pô aơ: “Moh rup may ƀư?” Mâu lah: “Ndơ bơh ti may ƀư mâu geh ueh ôh?”

Êsai 64:8

Ƀiălah, ơ Brah Yêhôva, aƀaơ May ăt jêng Mbơ̆ hên; Hên jêng neh uk, jêh ri May jêng nơm blau mon glah; Lĕ rngôch hên jêng kan ti May ƀư.

Yêrêmi 18:4

Tơlah glah ma neh uk dôl mon tâm ti păng lĕ djơh, păng mon tay njêng glah êng di ma nau mĭn păng nơm ŭch.

Yêrêmi 18:5

Nôk aơ, geh nau Brah Yêhôva lah ma gâp:

Daniel 4:23

Kêng nây, hađăch saơ du huê nơm gak, jêng nơm kloh ueh jŭr tă bơh trôk jêh ri lah: ‘Kăl lơi tơm si jêh ri ƀư rai lơi păng, ƀiălah cha lat tơm reh păng tâm neh, jêh nây sŏk du mlâm rse rvăk loih jêh ri kông kât ta nklang gơ̆ nđĭr tâm mir, ăn păng bĕ ma dak ngom bơh trôk jêh ri tâm pă đah lĕ mpô mpa bri, kŏ tât tâm pơh gưl yan rgăn ta păng.’

Mathay 20:15

Di lĕ gâp mâu dơi vay dŏng moh nau gâp geh tĭng nâm gâp ŭch? Mâu lah jêng may saơ gâp gŭ ueh ƀư ma may keh nach?’

Samƀŭt Pôl Njuăl Ăn Ma Phung Nsing Ta Ƀon Rôm 11:34

“Yorlah mbu nơm gĭt nau mĭn Kôranh Brah, Mbu nơm jêng nơm kơl nchră ma Păng?”