Yêrêmi 18:23 - Nau Brah Ndu Ngơi 2023

²³ Ƀiălah Brah Yêhôva ơi, May nơm hŏ gĭt Lĕ nau nchră khân păng hŏ ndâk jêh gay nkhĭt gâp. Lơi ta yô̆ an ôh ma nau mhĭk khân păng, Lơi jut ôh nau tih khân păng bơh măt May. Ƀiălah ăn khân păng chêh prah tanăp măt May; Ăn tâm rmal khân păng tâm dôl May ji nuih.

Yêrêmi 18:23 Iomraidhean Croise

Nau Mprơ Ơm 119:126

Tât jêh mông Brah Yêhôva pah kan, Yorlah kon bunuyh hŏ rlau jêh nau vay May.

Nau Mprơ Ơm 35:4

Ăn phung joi ƀư mhĭk nau rêh gâp Mra geh nau bêk prêng jêh ri bu tâm rmot; Phung ŭch ƀư mhĭk ma gâp Mra plơ̆ rŭch jêh ri bêk prêng.

Nau Mprơ Ơm 56:8

May kơp ăp nhuat gâp hăn nsong: Dăn May dơ dak măt gâp tâm kachok May. Dak măt gâp mâu dơi nchih tâm ndrom samƀŭt May hĕ?

Nau Mprơ Ơm 59:5

Ơ Brah Ndu ma phung tahan, jêng Brah Ndu phung Israel. Dâk hom gay tâm rmal lĕ bri dak; Lơi ta yô̆ nđach ma phung ƀư mhĭk, mâu gŭ răp jăp. (Sêla)

Êsai 10:3

Moh nau khân may mra ƀư tơlah tât nar tâm rmal, Lah nau ƀư rai tât ma khân may bơh ngai? Ntŭk êp khân may mra du gay ma geh nau kơl? Ta ntŭk khân may mra prăp nau ndrŏng khân may?

Êsai 2:9

Yor ri, kon bunuyh dơn chŭn tâm dâng, Kon bunuyh dơn nau bu n'glưh lơi; Pôri dăn Kôranh Brah lơi ta yô̆ ma khân păng ôh!

Yêrêmi 11:23

mâu mra hôm du huê nơm klen rêh ôh. Yorlah tât năm phat dôih, Gâp mra ăn nau mhĭk tât ta klơ phung ƀon lan Anathôt.’”

Yêrêmi 15:15

Ơ Brah Yêhôva! May gĭt rah vah; Dăn kah gĭt tât ma gâp jêh ri chop khâl gâp, Dăn har plơng bôk ma phung ƀư mhĭk ma gâp. Dăn nsrôih gay ma lơi ta mƀăr gâp ôh; Dăn gĭt pô aơ gâp yor May dơn nau mhĭk!

Yêrêmi 17:18

Dăn ƀư ăn ma phung ƀư mhĭk ma gâp mra geh nau bêk prêng, Ƀiălah gâp nơm mâu geh nau prêng ôh; Dăn ƀư ăn ma khân păng rdja nuih, Ƀiălah gâp mâu geh nau rdja nuih ôh! Dăn nkhŭt ta klơ khân păng nar mhĭk tât, Ƀư rai khân păng bar tơ̆!

Yêrêmi 17:4

May mra ƀư roh êng Drăp ndơn Gâp ăn jêh. Gâp mra nhŭp may pah kan ma phung rlăng đah may Tâm du n'gor may ê hŏ mâp gĭt; Yorlah may hŏ sŭnh ŭnh hao ji nuih ma Gâp, Pôri păng mra su hit mro mrăng.”

Yêrêmi 18:18

Khân păng lah: “Kay lŏng, he nchră hom nau tâm rdâng ma Y-Yêrêmi. Yorlah kôranh ƀư brah mâu kƀah nau vay, bunuyh blau mĭn mâu kƀah ôh nau nkah nti, phung nơm mbơh lor mâu kƀah ôh nau mbơh. Văch hom, he mra dŏng mbung mpiăt he ngơi đah păng, lơi ta mĭn ntreng ôh lĕ nau păng ngơi.”

Yêrêmi 26:11

Rnôk aơ, phung kôranh ƀư brah jêh ri phung mbơh lor lah ma phung kôranh jêh ri ma lĕ rngôch phung ƀon lan pô aơ: “Bunuyh aơ khư ma nau khĭt yorlah hŏ mbơh lor tâm rdâng đah ƀon toyh aơ, nâm bu tôr khân may nơm hŏ tăng jêh.”

Yêrêmi 26:8

Dôl Y-Yêrêmi ngơi lĕ jêh nau Brah Yêhôva ntăm ma păng mra mbơh ăn ma lĕ rngôch phung ƀon lan, pôri phung kôranh ƀư brah, phung mbơh lor, jêh ri lĕ rngôch phung ƀon lan nhŭp rdâng păng da dê jêh ri lah: “Nanê̆ may mra khĭt!

Yêrêmi 37:15

Phung kôranh hao ji nuih ma Y-Yêrêmi; khân păng dong jêh ri krŭng păng tâm ngih kôranh nchih samƀŭt Y-Jônathan; yorlah khân păng hŏ njêng jêh ngih nây jêng ngih ndrung.

Yêrêmi 38:4

Phung kôranh lah ma hađăch: “Ăn bu nkhĭt lơi bunuyh aơ, yorlah đơ nau păng ngơi ƀư rdja nuih n'hâm phung tahan hôm tâm ƀon aơ tâm ban ma lĕ rngôch phung ƀon lan. Bunuyh aơ mâu joi ôh nau ueh ma phung ƀon lan ƀiălah knŏng djôt leo ma nau rai yot dơm.”

Yêrêmi 6:15

Khân păng ƀư nau ƀơ̆ ƀơch, di nau bêk prêng, Ƀiălah khân păng mâu saơ bêk prêng ôh, Ăt mâu gĭt mâm nau bêk prêng. Yor nây, khân păng mra chêh prah ta nklang phung chêh prah; Tât nar Gâp phat dôih, khân păng mra cha lôt,” Brah Yêhôva lah pônây.

Yêrêmi 6:21

Yor ri, Brah Yêhôva lah: “Aơ, Gâp mra dơm ndơ king tanăp phung ƀon lan nây Ƀư ăn khân păng chêh prah; Lĕ rngôch mê̆ mbơ̆ jêh ri phung kon, Phung chiau meng jêh ri mĭt jiăng khĭt roh da dê.”

Yêrêmi 7:20

Yor nây, Kôranh Yêhôva lah: “Aơ, nau ji nuih Gâp, nau ji nuih Gâp, mra nkhŭt jŭr ntŭk aơ, ta klơ bunuyh jêh ri mpô mpa, ta klơ tơm si tâm mir jêh ri kao play neh; nau ji nuih nây mra hit gring gring, mâu dơi buh nhhât ôh.”

Yêrêmi 8:12

Khân păng ƀư nau ƀơ̆ ƀơch, di nau bêk prêng, Ƀiălah khân păng mâu saơ nau bêk prêng ôh, Ăt mâu gĭt mâm nau bêk prêng. Yor nây, khân păng mra chêh prah ta nklang phung chêh prah; Tât nar Gâp phat dôih, khân păng mra cha lôt,’” Brah Yêhôva lah pônây.

Nau Nhĭm Vơl 3:60

May hŏ saơ jêh lĕ nau ŭch mĭn plơng bôk Jêh ri lĕ rngôch nau khân păng ŭch ƀư tâm rdâng đah gâp.

Nau Nhĭm Vơl 3:61

Ơ Brah Yêhôva, May tăng jêh nau lĕ rngôch nau ƀư mhĭk, Jêh ri lĕ rngôch nau khân păng ŭch ƀư tâm rdâng đah gâp,

Luka 21:22

Yorlah rnôk nây jêng nar nau tâm plơng nglay săk, gay ma nanê̆ lĕ nau nchih jêh.

Samƀŭt Pôl Njuăl Ăn Ma Phung Nsing Ta Ƀon Rôm 2:5

Ƀiălah nuih n'hâm may dăng, mâu rmal nau tih, may prăp nkrem tâm may nơm nau ji nuih hâu ngăn tâm nar Brah Ndu ji nuih, jêng nôk Brah Ndu phat dôih sŏng mra tâm mpơl,