Yêrêmi 18:21 - Nau Brah Ndu Ngơi 2023

²¹ Yor nây, dăn May jao kon sau khân păng ăn ma nau sât ji ngot, Jêh ri jao khân păng ma pêh đao. Phung bu ur mra roh kon jêh ri jêng ndrô, Phung bu klâu khĭt yor ji tưp, Phung mom ndăm cha lôt khĭt ma pêh đao ta nklang ntŭk tâm lơh.

Yêrêmi 18:21 Iomraidhean Croise

II Nau Rêh Jêng 36:17

Yor nây, Brah Yêhôva đă hađăch phung Kaldê lơh khân păng, sŏk đao nkhĭt phung ndăm ta ngih brah kloh ueh khân păng, jêh ri mâu yô̆ ôh, ma phung ndăm mâu lah bu druh, bu ranh mâu lah phung rdja. Brah Yêhôva jao lĕ khân păng tâm ti hađăch phung Kaldê.

Nau Mprơ Ơm 63:10

Bu mra jao khân păng ma nau ktang mlâm đao, Ƀư jêng mpa ma so bri sa.

Nau Mprơ Ơm 63:11

Ƀiălah hađăch mra hâk răm tâm Brah Ndu; Lĕ rngôch phung tâm amoh May ma nau ton săk mra geh nau yơk da dê. Bi ma mbung phung mƀruh mra mêm lơi.

Nau Ngluh Êjipt 22:24

Nau ji nuih Gâp mra hit, jêh ri gâp mra nkhĭt khân may ma đao; ur khân may mra jêng bu ur ndrô jêh ri phung kon khân may mra jêng kon đơi.

Êsai 13:18

Na khân păng mra pănh nchah phung bu klâu ndăm; Khân păng mâu yô̆ nđach ôh ma phung kon jê̆ tâm ndŭl mê̆; Măt khân păng mâu mra nhhuach ma phung kon se ôh.

Êsai 9:16

Yor nây, Kôranh Brah mâu maak ôh đah phung bu klâu ndăm khân păng, Mâu lĕ yô̆ ma kon đơi jêh ri phung ndrô khân păng. Yorlah ăp nơm khân păng jêng phung mâu blau yơk ma Brah Ndu jêh ri phung ƀai Jêh ri lĕ rngôch trôm mbung ngơi ma nau rluk. Nđâp lĕ nau nây kđôi lĕ, nau Păng ji nuih mâu du ôh, Jêh ri ti păng ăt yơr!

Êsai 9:17

Yorlah nau ƀai sa tâm ban ma ŭnh, Păng sa rtau lok jêh ri pih pŭm, Păng sa lĕ tơm si ta krŏng mbâl, Ƀư ma ŭnh nhhŭk dŭk dŭk mpăr leo klơ.

Yêrêmi 12:3

Ơ Brah Yêhôva, May gĭt jêh gâp! May saơ gâp, May ôp sek nuih n'hâm gâp ndrel ma May. Dăn nkhah khân păng luh nâm bu nkhah biăp gay djôt tât ntŭk sreh nkhĭt Prăp êng khân păng ma nar sreh nkhĭt.

Yêrêmi 14:16

Bi ma lĕ phung hŏ iăt jêh nau khân păng mbơh lor bu klŭp mƀăr n'gŏ trong sâng Yêrusalem ndrel ma ur, kon bu klâu, kon bu ur khân păng, ƀư bunuyh bu nkhĭt ma đao, sa sât ji ngot mâu geh bunuyh tâp ôh. Yorlah Gâp mra ƀư nau ƀai khân păng nkhŭt tay ta klơ bôk khân păng.

Yêrêmi 15:7

Gâp hŏ sŏk dông nsiăng khân păng Ta lĕ ntŭk mpông ƀon tâm n'gor. Gâp hŏ ntŭng rdu phung kon khân păng jêh ri ƀư rai phung ƀon lan Gâp, Yorlah khân păng mâu chalơi trong ơm jêh ri plơ̆ sĭt tay.

Yêrêmi 15:8

Bu ur ndrô mra hao Âk lơn choih dak mƀŭt. Gâp hŏ mprơh nơm ƀư rai tât nar nklang bôk, Ƀư nau mhĭk ma mê̆ phung tahan bu klâu ndăm. Ƀât lât, Gâp mra nkhŭt ta klơ khân păng Nau rngot klâng jêh ri klach krit.

Yêrêmi 50:30

Yor nây, tâm nar nây, phung bu klâu ndăm păng mra cha lôt tâm nkual toyh; lĕ rngôch phung tahan păng mra gŭ rklăk.” Brah Yêhôva lah pônây.

Yêrêmi 9:21

Yorlah nau khĭt hŏ hao găn mpông bloh, Lăp mpôn ngih hađăch he, Nkhĭt jêh phung kon se rŏ trong sâng Jêh ri phung bu klâu ndăm tâm lĕ nhuang ƀon.

Nau Nhĭm Vơl 1:15

Kôranh Brah hŏ mưch jêh Lĕ rngôch phung tahan gŭ ta nklang gâp; Păng rgum du phung tahan âk tâm rdâng đah gâp Gay nchah jê̆ jê̆ phung bu klâu ndăm gâp; Kôranh Brah hŏ jot jêh bu ur druh phung Yuđa Nâm bu jot play krăk ƀâu tâm ntu păt ndrănh.

Nau Nhĭm Vơl 5:3

Hên lĕ roh mbơ̆ jêng kon đơi, Mê̆ hên jêng bu ur ndrô jêh.

Êsêkiêl 16:38

Gâp mra tâm rmal ay nâm bu tâm rmal ma phung bu ur ƀư tih đah sai jêh ri ƀư pling mham. Gâp mra sŏk mham nau Gâp ji nuih jêh ri ntôn grang ƀư pling mham ta klơ bôk ay.

Êsêkiêl 22:25

Phung kôranh mbơh lor păng njêng nchră ta nklang păng nâm bu du mlâm yau mŭr gŭ ngrông dôl grang hêk mpa păng kăp; khân păng sa rvăn lĕ huêng, sŏk ntŭng drăp ndơ jêh ri ndơ khlay; ƀư ăn phung ndrô ntop âk tâm ƀon.

Amôt 4:10

“Gâp njêng nau ji tưp tât ma khân may nâm bu tâm n'gor bri Êjipt. Gâp nkhĭt jêh phung bu klâu ndăm khân may ma đao Jêh ri seh khân may lĕ Gâp nhŭp jêh. Gâp hŏ ƀư nau ƀâu ôm tă bơh ntŭk khân may njơh, n'hôl tât ma trôm muh khân may. Ƀiălah khân may mâu lĕ ŭch plơ̆ sĭt ma Gâp.” Brah Yêhôva lah pônây.

Nau Vay Nkah Tay 32:25

Padih đao mra nkhĭt phung kon, Tâm trôm nau krit kir ngăn Ƀư ma bu klâu ndăm jêh ri bu ur druh, Jêh ri kon se dôl gŭ pu toh nđâp ma bu klâu ranh mra rai lôch da dê.

II Timôthê 4:14

Y-Aleksandrơ, bunuyh blau chiăr kông, ƀư jêh âk nau mhĭk ma gâp; Kôranh Brah mra mplơ̆ ma păng tĭng nâm kan păng pah.

I Samuel 15:33

Ƀiălah Y-Samuel lah: “Nâm bu đao may hŏ ăn jêh ma bu ur lĕ roh kon, Pônây lĕ mê̆ may mra roh kon.” Jêh ri Y-Samuel nkhĭt Y-Agak tanăp Brah Yêhôva ta Gilgal.