Yêrêmi 18:17 - Nau Brah Ndu Ngơi 2023

¹⁷ Gâp mra ƀư ăn khân păng nchah rai pru pra tanăp măt phung rlăng Nâm bu sial tă luh nar khôm rdu. Tâm nar khân păng geh nau ji tưp, Gâp rle măt mâu uănh ma khân păng.”

Yêrêmi 18:17 Iomraidhean Croise

Ndrom Samƀŭt bơh Yôp 27:21

Sial tă luh nar khôm n'hao păng hao jêh ri khôm n'ho roh; Sial khôm păng bơh ntŭk păng gŭ.

Nau Mprơ Ơm 48:7

Kôranh dong nchah lơi khân păng Tâm ban ma sial mpeh luh nar dong nchah kumpăn Tarsis.

Nau Hôr 24:16

Yorlah bunuyh sŏng srăng nđâp lah păng cha lôt pơh tơ̆ hôm dơi dâk đŏng, Bi ma phung djơh mhĭk mra ngâm tâm nau mhĭk.

Yêrêmi 13:24

Pônây Gâp mra srih khân may ăp ntŭk nâm bu njŏk Geh sail bri rdah khôm rdu.

Yêrêmi 2:27

Khân păng ngơi ma n'gâng tơm si: ‘Păng jêng mbơ̆ gâp,’ Ma glo lŭ: ‘Păng hŏ deh jêh gâp.’ Yorlah khân păng hŏ ndôn kơi jêh, Mâu ŭch rle măt uănh Gâp. Ƀiălah tâm nôk nau rêh ni, khân păng ngơi: ‘Dăn gơnh sâm rklaih phung hên ƀă!’

Yêrêmi 32:33

Khân păng ndôn kơi jêh ri pôn muh măt khân păng ma Gâp. Nđâp lah Gâp hŏ nti ma khân păng ƀaƀơ, khân păng ăt mâu ŭch iăt ôh, mâu sŏk dơn nau ntĭm nti.

Yêrêmi 46:21

Nđâp ma phung tahan tâm lơh nkhôm gŭ ta nklang păng Nâm bu kon ndrôk lay ueh; Ƀiălah ndôn kơi nchuăt du da dê, Mâu dơi tâm rđâng ôh. Yorlah nar mhĭk tât, nar tâm rmal, Hŏ tât jêh ta klơ khân păng.

Êsêkiêl 27:26

Ƀiălah phung vah kumpăn may hŏ leo may Rgăn ta klơ dak toyh, Jêh ri sial tă luh nar hŏ nchah lơi hăch rhên may Ta nklang dak mƀŭt.

Êsêkiêl 7:22

Gâp mra rle muh măt ma khân păng, khân păng mra ƀư ƀơ̆ lơi ntŭk kloh ueh Gâp; phung ntŭng mra lăp ta nây jêh ri ƀư ƀơ̆ păng.

Ndrom Samƀŭt bơh Ôsê 13:15

Nđâp tơlah Êphraim geh bĭk rơ̆ ta nklang oh nâu păng Pôri du chiông sial tă nhâp nar mra khôm tât, Nây jêng sial Brah Yêhôva khôm tă bơh bri rdah, Ƀư suăt lĕ tu dak jêh ri ƀư sơh lĕ n'hor dak. Chiông sial nây mra sŏk ntŭng jay bun drăp prăp ăp ndơ khlay.

Nau Vay Nkah Tay 28:25

Brah Yêhôva mra ƀư ăn khân may rai jot tanăp phung rlăng khân may. Khân may mra tâm lơh đah khân păng bơh du trong, jêh nây khân may mra nchuăt du bơh khân păng tâm pơh trong. Khân may mra jêng du ntil ndơ tâm rmot đah lĕ rngôch ƀon bri hađăch tâm neh ntu.

Nau Vay Nkah Tay 28:64

Brah Yêhôva mra ăn khân may chah rai ta nklang lĕ rngôch phung ƀon lan, ntơm bơh dŭt bri neh đah aơ ma dŭt bri neh đah ri. Ta nây, khân may mra pah kan ma phung brah êng ƀư ma si, ƀư ma lŭ, lĕ khân may nđâp phung chô yau khân may mâu hŏ mâp gĭt ôh.

Nau Vay Nkah Tay 31:17

Tâm nar nây, Gâp mra ji nuih ma khân păng. Gâp mra chalơi khân păng jêh ri pôn muh măt Gâp ma khân păng, bu mra kăp rvăn khân păng kđôi jêh ri âk ntil nau mhĭk, nau uh ah tât ma khân păng. Tâm nar nây, khân păng mra lah: ‘Mâu di hĕ nau mhĭk aơ tât ma gâp yorlah Brah Ndu mâu ŭch gŭ ta nklang gâp mâu?’

Nau Vay Nkah Tay 32:35

Gâp mra plơng bôk, Gâp mra tâm rmal, Tâm nôk jâng khân păng mbĭr prah; Yorlah nar rêh ni khân păng hŏ dăch jêh, Nar nau phat dôih khân păng tât gơnh.”