Yêrêmi 18:12 - Nau Brah Ndu Ngơi 2023

¹² Ƀiălah khân păng lah: ‘Mâu khlay ôh! Hên mra hăn tay tĭng nâm dăp kan hên nơm; ăp nơm mra ƀư tĭng nâm nau dăng nuih n'hâm mhĭk păng nơm.’”

Yêrêmi 18:12 Iomraidhean Croise

Nau Ntơm 6:5

Brah Yêhôva saơ nau djơh mhĭk kon bunuyh lam klơ neh jêh ri khân păng knŏng rvê mĭn ma nau djơh mhĭk dơm,

Nau Ntơm 8:21

Brah Yêhôva maak dơn nau n'hôl ƀâu kah jêh ri mĭn êng: “Gâp mâu mra rtăp rak neh ntu đŏng ôh yor ma phung bunuyh, nđâp lah nau mĭn phung bunuyh djơh mhĭk ntơm bơh păng hôm mom. Gâp mâu mra ƀư rai đŏng ôh lĕ rngôch mpa rêh tâm ban ma Gâp hŏ ƀư jêh.

II Phung Hađăch 6:33

Tâm nôk Y-Êlisê hôm e ngơi ndrel ma khân păng, bunuyh mbơh văch tât jêh ri lah ma păng: “Nau mhĭk aơ luh tă bơh Brah Yêhôva. Pôri, mâm ƀư gâp hôm kâp gân ma Brah Yêhôva?”

Êsai 57:10

May hŏ rgănh jêh yor trong ngai, Ƀiălah may mâu prot lah: “Nau nây dơm dam!” May saơ jêh nau ktang mhe may, Yor nây may mâu hŏt rgănh ôh.

Êsai 65:2

Lĕ nar Gâp yơr ti Mpeh du phung ƀon lan vay tâm rdâng; Jêng phung hăn tâm trong mâu ueh, Tĭng nâm nau mĭn khân păng nơm;

Yêrêmi 11:8

Ƀiălah khân păng mâu iăt, mâu rkêng tôr iăt; ăp nơm chuat hăn tĭng nau mĭn nuih n'hâm djơh mhĭk jêh ri nau rôih ko khân păng nơm. Yor nây, Gâp hŏ djôt tât ăn ma khân păng ăp nau tâm nau rnglăp aơ, jêng nau tâm rnglăp Gâp hŏ ntĭnh khân păng tĭng kơt ƀiălah khân păng mâu ƀư ôh.”

Yêrêmi 16:12

Bi khân may ƀư nau mhĭk rlau lơn ma phung chô yau khân may đŏng; ăp nơm khân may ma nau dăng bôk tĭng nuih n'hâm mhĭk păng nơm, mâu ŭch tông bâr Gâp ôh.

Yêrêmi 2:25

Njrăng hom jâng may mâu hăn jâng dơm, Trô ko may mâu geh ji hir! Ƀiălah may lah: ‘Mâu khlay ôh! Gâp hŏ ŭch rŏng phung brah bu năch Jêh ri mra tĭng khân păng.’

Yêrêmi 23:17

Khân păng lah ƀaƀơ đah phung tâm rmot ma Gâp pô aơ: ‘Brah Yêhôva lah: Khân may mra geh nau đăp mpăn.’ Jêh ri lah ma phung geh nuih n'hâm dăng: ‘Mâu geh nau mhĭk mra tât ma khân may ôh.’

Yêrêmi 3:17

Rnôk nây bu mra ntơ Yêrusalem jêng sưng Hađăch Brah Yêhôva. Lĕ rngôch mpôl bunuyh mra tâm rƀŭn tâm amoh Brah Yêhôva ta ƀon Yêrusalem, khân păng mâu mra dăng bôk ôh rêh tĭng nuih n'hâm mhĭk khân păng nơm đŏng.

Yêrêmi 44:17

Ƀiălah, hên mra ƀư nŭm lĕ nau hŏ ton jêh luh bơh ma mbung hên, mra nhhơr ndơ ƀâu kah jêh ri ƀư nau ndơ nhhơr nhêt ma hađăch bu ur tâm trôk, nâm bu hên jêh ri phung chô yau hên, phung hađăch jêh ri phung kôranh hên hŏ ƀư jêh tâm ƀon n'gor Yuđa jêh ri n'gŏ trong toyh ƀon Yêrusalem. Nôk nây, hên hŏ geh ndơ sông sa âk rmeh, gŭ rêh geh nau chăt hao, mâu geh nau mhĭk tât ôh.

Yêrêmi 6:17

Gâp hŏ ndâk bunuyh gak njrăng khân may; ‘Rkêng hom tôr iăt bâr nŭng!’ Ƀiălah khân păng lah: ‘Phung hên mâu rkêng tôr iăt ôh!’

Yêrêmi 7:24

Ƀiălah khân păng mâu iăt, mâu srâng iăt; sŏl ko chuat hăn tĭng lĕ nau mĭn êng khân păng nơm, tĭng tâm nau nuih n'hâm djơh mhĭk jêh ri dăng ko păng nơm; khân păng plơ̆ sĭt pakơi mâu hăn ôh rlet panăp.

Êsêkiêl 37:11

Păng lah ma gâp: “Hơi kon bunuyh, đơ nting aơ jêng lĕ rngôch ngih Israel. Aơ, khân păng ngơi pô aơ: ‘Nting hên lĕ kro jêh, nau kâp gân hên lĕ roh, hên bu ƀư rai lĕ jêh!’”

Malachi 3:14

Khân may hŏ lah: “Mâu khlay ôh pah kan ma Brah Ndu! Moh ndơ khlay ma hên, lah hên tông nau Păng ntăm, mâu lah chuat hăn ma nau rngot klâng tanăp măt Brah Yêhôva ma phung tahan?

Luka 1:51

Păng hŏ dŏng ti Păng ƀư lĕ nau kan nau brah; Ƀư nchah rai pru pra phung geh nau mĭn sưr rlau tâm nuih n'hâm.

Nau Vay Nkah Tay 29:19

Mbu moh tăng lĕ nau ton aơ, pôri lơi lah ôh tâm nuih n'hâm păng pô aơ: ‘Gâp mra dơi geh nau đăp mpăn, nđâp lah gâp geh dăng nuih n'hâm hăn tĭng êng trong gâp nơm,’ nâm bu kơt nây đŏng neh bŏk lĕ rdu hêng tâm ban ma neh ndruyh.