Yêrêmi 17:4 - Nau Brah Ndu Ngơi 2023

⁴ May mra ƀư roh êng Drăp ndơn Gâp ăn jêh. Gâp mra nhŭp may pah kan ma phung rlăng đah may Tâm du n'gor may ê hŏ mâp gĭt; Yorlah may hŏ sŭnh ŭnh hao ji nuih ma Gâp, Pôri păng mra su hit mro mrăng.”

Yêrêmi 17:4 Iomraidhean Croise

I Phung Hađăch 9:7

nôk nây Gâp mra mprơh phung Israel du luh bơh neh Gâp hŏ ăn jêh ma khân păng. Bi ngih brah Gâp hŏ prăp êng jêng kloh ueh ma amoh Gâp, Gâp mra mƀăr lơi ngih luh bơh măt Gâp; jêh ri phung Israel mra jêng du bôk nau mprĭng ma lĕ rngôch phung ƀon lan ngơi hôr jêh ri gơm mpray.

II Phung Hađăch 25:21

Hađăch Babilôn dong nkhĭt khân păng ta ƀon Ribla tâm n'gor Hamat. Pônây, bu nhŭp veng phung Yuđa tă bơh n'gor bri khân păng nơm.

Nêhêmi 9:28

Ƀiălah tơlah dơi gŭ đăp mpăn jêh Khân păng ƀư đŏng nau mhĭk tanăp măt Kôranh Brah. Yor ri, Kôranh Brah jao khân păng tâm ti phung rlăng gay chiă uănh khân păng. Ƀiălah tơlah khân păng plơ̆ sĭt, kuăl dăn ma Kôranh Brah Kôranh Brah tă tâm trôk tăng bâr. Jêh ri yor nuih n'hâm yô̆ nđach, Kôranh Brah hŏ tâm rklaih khân păng âk tơ̆ jêh.

Êsai 14:3

Tât nar Brah Yêhôva ăn ma khân may nau rlu bơh nau rêh ni, nau rŭng răng toyh, jêh ri nau pah kan hŏt rgănh bu nchâp khân may ƀư,

Êsai 30:33

Yorlah Tôphet hŏ ndrăp jŏ jêh, bu nkra păng ma hađăch. Păng jru jêh ri dĭ, geh âk ŭnh jêh ri long; n'hâm Brah Yêhôva tâm ban ma n'hor dak mô ŭnh su sa păng.

Êsai 5:25

Yor nây, Brah Yêhôva hŏ ji nuih đah phung ƀon lan Păng. Păng yơr jêh ti tâm rdâng đah khân păng jêh ri dong khân păng, Yôk n'găr mpât da dê. Săk jăn khĭt khân păng jêng tâm ban ma ndŏk ta nklang trong. Nđâp lah kơt nĕ, nau Păng ji nuih ê bah ôh, Ƀiălah ti Păng ăt hôm yơr ƀư ƀaƀơ.

Êsai 50:11

Aơ, lĕ rngôch khân may jêng phung sŭnh ŭnh, Jêh ri ŭnh rdo, Hăn hom ta nklang mpiăt ŭnh Jêh ri ŭnh rdo khân may su jêh! Aơ jêng nau ti Gâp hŏ ƀư ma khân may: Khân may mra lâng săk ma nau rêh ni!

Êsai 66:24

Khân păng mra luh hăn jêh ri saơ săk jăn phung bunuyh tâm rdâng jêh đah Gâp; ndrŭng tâm săk khân păng mâu mra khĭt ôh, ŭnh sa khân păng mâu blau nhhât ôh, jêh ri khân păng mra jêng ndơ ƀơ̆ ƀơch ma lĕ rngôch bunuyh.”

Yêrêmi 12:7

Gâp hŏ chalơi ngih Gâp, Chalơi jêh drăp ndơn Gâp; Jao ma phung bunuyh nuih n'hâm Gâp rŏng Tâm ti phung rlăng.

Yêrêmi 15:14

Gâp mra ƀư may pah kan ma nơm rlăng may Tâm du n'gor may ê hŏ mâp gĭt, Yor nau Gâp ji nuih hao hit, Mra su rai lơi khân may.”

Yêrêmi 16:13

Yor ri, Gâp mra ngluh khân may bơh bri aơ, klŭp khân may jêh ri phung chô yau khân may ta du n'gor mâu mâp gĭt ôh. Ntŭk nây, khân may mra nar măng pah kan ma lĕ brah êng; yorlah Gâp mâu mra ăn đŏng nau ueh ma khân may ôh.’”

Yêrêmi 18:23

Ƀiălah Brah Yêhôva ơi, May nơm hŏ gĭt Lĕ nau nchră khân păng hŏ ndâk jêh gay nkhĭt gâp. Lơi ta yô̆ an ôh ma nau mhĭk khân păng, Lơi jut ôh nau tih khân păng bơh măt May. Ƀiălah ăn khân păng chêh prah tanăp măt May; Ăn tâm rmal khân păng tâm dôl May ji nuih.

Yêrêmi 2:14

Di lĕ phung Israel jêng dĭk mâu lah du huê oh mon dơi deh tâm ngih kôranh lĕ? Pôri mâm ƀư bu ntŭng pit păng?

Yêrêmi 21:12

Hơi ngih Y-Đavit! Brah Yêhôva lah: Ăp ôi ƀư hom nau sŏng srăng, Rklaih hom bunuyh bu tŭn jot tă bơh ti nơm tŭn jot, Klach lah yor khân may ƀư nau mhĭk, Ma nau Gâp ji nuih hit nâm bu ŭnh.’ Mâu geh nơm dơi nhhât ôh.

Yêrêmi 22:28

Pônây di lĕ Y-Jêhôjakin aơ jêng yăng chah rai jêh lĕ bu mưch rmot hĕ? Yăng mâu geh nơm ŭch rŏng ôh? Mâm ƀư hađăch nây jêh ri lĕ rngôch noi deh păng bu mƀăr lơi, Bu klŭp mƀăr tâm du bri khân păng mâu gĭt năl ôh?

Yêrêmi 5:19

Dôl khân păng lah: ‘Mâm ƀư Yêhôva Brah Ndu he ntrŭnh lĕ nau nây ta klơ phung he?’ pôri may ngơi hom đah khân păng pô aơ: ‘Khân may hŏ chalơi Gâp jêh ri pah kan lĕ brah bu năch tâm neh may nơm mâm ƀư, lĕ khân may ăt mra pah kan ma phung ƀon lan bu năch tâm n'gor mâu di bri phung khân may tâm ban lĕ.’

Yêrêmi 5:29

Brah Yêhôva lah: “Gâp mâu mra tâm rmal hĕ khân păng ma nau tih nây? Du ndŭl mpôl nâm bu pônây Gâp mâu plơng bôk hĕ?

Yêrêmi 7:20

Yor nây, Kôranh Yêhôva lah: “Aơ, nau ji nuih Gâp, nau ji nuih Gâp, mra nkhŭt jŭr ntŭk aơ, ta klơ bunuyh jêh ri mpô mpa, ta klơ tơm si tâm mir jêh ri kao play neh; nau ji nuih nây mra hit gring gring, mâu dơi buh nhhât ôh.”

Nau Nhĭm Vơl 1:12

“Hơi lĕ rngôch mbu nơm hăn rgăn ta aơ! khân may mâu meng ôh hĕ? Văch hom jêh ri uănh! Geh đŏng nau rngot dơi rđĭl Đah nau rngot Brah Yêhôva jŭr jêh ta klơ gâp, Păng hŏ tâm rmal jêh gâp Tâm nar Păng ji nuih ngăn hĕ?

Nau Nhĭm Vơl 5:2

Drăp ndơn hên lĕ sĭt ma ti phung bu năch jêh, Ngih vâl hên jêng ndơ phung bu năch.

Êsêkiêl 21:31

Kôranh Brah Yêhôva lah: ‘Prăp hom đon, doh lơi đon hađăch; lĕ rngôch ndơ aơ mâu hôm nâm bu kơt saơm đŏng ôh! Moh ndơ dêh mra n'hao ăn prêh, moh ndơ prêh bu mra ntrŭnh lơi ăn dêh.

Êsêkiêl 7:24

Gâp mra njŭn leo lĕ bunuyh mhĭk lơn tâm lĕ rngôch phung bu năch gay ŭch pit in ngih khân păng. Gâp mra ƀư ma nau sưr nơm ktang lơn bu mra nhhât; lơi; lĕ ntŭk kloh ueh khân păng mra ƀư ƀơ̆ lơi.

Nau Vay Nkah Tay 28:25

Brah Yêhôva mra ƀư ăn khân may rai jot tanăp phung rlăng khân may. Khân may mra tâm lơh đah khân păng bơh du trong, jêh nây khân may mra nchuăt du bơh khân păng tâm pơh trong. Khân may mra jêng du ntil ndơ tâm rmot đah lĕ rngôch ƀon bri hađăch tâm neh ntu.