Yêrêmi 17:22 - Nau Brah Ndu Ngơi 2023

²² Tâm nar saƀat, lơi ta tung mbăk luh bơh ngih khân may, lơi ta ƀư du ntil kan ôh, ƀiălah kah gĭt hom prăp êng nar saƀat jêng kloh ueh nâm bu Gâp hŏ ntăm jêh ma phung chô yau khân may.

Yêrêmi 17:22 Iomraidhean Croise

Nêhêmi 13:15

Tâm lĕ nar nây, gâp saơ tâm phung Yuđa geh bunuyh kĭn play krăk ƀâu tâm nar saƀat, bun lĕ nchăp ba ƀlê klơ ndŭr kơi seh bri, tâm ban đŏng rdeng ndrănh, play krăk ƀâu, play rvi jêh ri ăp ntil kao play, leo rlet ma Yêrusalem tâm nar saƀat. Gâp mbơh jêh ma khân păng, mâu dơi tăch lĕ ndơ sông sa nây tâm nar saƀat.

Nau Ngluh Êjipt 23:12

Ăn may ƀư nau kan may nơm tâm prao nar, tât nar tal pơh ăn kon rlu gay ăn ndrôk jêh ri seh bri may dơi rlu, kon bu klâu bơh bu ur dĭk jêh ri phung bu năch dơi sĭt tay n'hâm suan.

Êsai 58:13

Tơlah may plơ̆ sĭt, prăp jâng may lơi ƀư ƀơ̆ nar saƀat, Mâu ƀư tĭng nau mĭn may ŭch tâm nar kloh ueh Gâp; Tơlah may uănh nar saƀat jêng nar nau maak, Nar kloh ueh Brah Yêhôva khư bu yơk; Tơlah may yơk nar nây, Mâu ƀư ôh tĭng nâm trong may nơm, Jêh ri mâu lĕ ngơi nau dơm dam;

Yêrêmi 17:24

Brah Yêhôva lah: ‘Tơlah khân may gơih iăt Gâp, mâu tung mbăk lăp lĕ mpông ƀon nây tâm nar saƀat, ƀiălah gĭt prăp êng nar saƀat jêng kloh ueh jêh ri mâu ƀư moh nau kan tâm nar nây,

Êsêkiêl 20:12

Gâp ăn đŏng ma khân păng nar saƀat Gâp tâm ban du nau mbên ta nklang Gâp jêh ri khân păng, gay khân păng gĭt pô aơ Gâp jêng Brah Yêhôva prăp jêh khân păng jêng kloh ueh.

Êsêkiêl 22:8

May mưch ma ndơ kloh ueh Gâp jêh ri ƀư tih lĕ nar saƀat Gâp!

Kan Lêvi 19:3

Ăp nơm bunuyh ăn yơk ma mbơ̆ mê̆ jêh ri kah gĭt prăp nar saƀat Gâp. Gâp jêng Yêhôva Brah Ndu khân may.

Kan Lêvi 23:3

Lĕ rngôch nau kan dơi ƀư tâm prao nar, ƀiălah tal pơh jêng nar saƀat, du nar rlu, jêng nar tâm rƀŭn kloh ueh, khân may mâu dơi ƀư du ntil kan ôh; nây jêng nar saƀat ma Brah Yêhôva tâm lĕ rngôch ntŭk khân may gŭ.

Sakari 1:4

Lơi ta ƀư nâm bu phung chô yau khân may, phung nơm mbơh lor kăl e hŏ kuăl jêh khân păng, Brah Yêhôva ma phung tahan lah: ‘Chalơi hom trong mhĭk jêh ri nau djơh janh khân may ƀư.’ Ƀiălah khân păng mâu iăt ôh, mâu lĕ ŭch gŭ mĭn ma Gâp. Pôri Brah Yêhôva lah.

Luka 23:56

Nar saƀat khân păng gŭ rlu tĭng nau vay.

Luka 6:5

Jêh nây Păng lah ma khân păng: “Kon Bunuyh jêng Kôranh ma nar saƀat.”

Nau Tâm Mpơl 1:10

Ta nar Kôranh Brah, Brah Huêng Ueh ntrŭt ntrôl gâp jêh ri gâp tăng pakơi gâp du bâr ktang nâm bu bâr nŭng