Yêrêmi 17:18 - Nau Brah Ndu Ngơi 2023

¹⁸ Dăn ƀư ăn ma phung ƀư mhĭk ma gâp mra geh nau bêk prêng, Ƀiălah gâp nơm mâu geh nau prêng ôh; Dăn ƀư ăn ma khân păng rdja nuih, Ƀiălah gâp mâu geh nau rdja nuih ôh! Dăn nkhŭt ta klơ khân păng nar mhĭk tât, Ƀư rai khân păng bar tơ̆!

Yêrêmi 17:18 Iomraidhean Croise

Ndrom Samƀŭt bơh Yôp 16:14

Păng ƀư ma gâp lĕ sôt rmanh aơ tât sôt rmanh ri, Rduh lơh gâp nâm bu du huê tahan janh ktang.

Nau Mprơ Ơm 35:4

Ăn phung joi ƀư mhĭk nau rêh gâp Mra geh nau bêk prêng jêh ri bu tâm rmot; Phung ŭch ƀư mhĭk ma gâp Mra plơ̆ rŭch jêh ri bêk prêng.

Nau Mprơ Ơm 35:8

Ăn nau rai yot tât ndal, Ƀư ma khân păng geh văk nhuăl khân păng nơm nthăng; Jêh ri khân păng tŭp tâm ntŭk rai yot.

Nau Mprơ Ơm 40:14

Ăn ma phung joi ƀư rai nau rêh gâp Geh nau rŭng răng jêh ri bêk prêng; Ăn ma phung maak răm ma nau gâp roh rai Mra plơ̆ rŭch jêh ri bu tâm rmot.

Nau Mprơ Ơm 70:2

Ăn ma phung joi ƀư rai nau rêh gâp Mra geh nau bêk prêng jêh ri ƀơ̆ ƀơch da dê; Ăn ma phung maak răm ma nau gâp rêh ni Ăn khân păng plơ̆ rŭch ma nau bêk.

Nau Mprơ Ơm 71:1

Ơ Brah Yêhôva, gâp nde krap tâm May; Lơi ăn gâp mâp geh nau bêk prêng ôh.

Yêrêmi 1:17

Ƀiălah du huê kon, vân hom rse bŭt jêh ri gơnh ro ngơi đah khân păng ăp ntil nau Gâp ntăm jêh ăn may. Lơi ta klach krit ôh khân păng klach lah Gâp nơm yơh ƀư ăn may klach krit tanăp măt khân păng.

Yêrêmi 11:20

Ơ Brah Yêhôva ma phung tahan! May phat dôih ma nau sŏng, sek uănh nuih n'hâm jêh ri nau mĭn, Dăn ăn ma gâp saơ nau plơng bôk Kôranh Brah ăn ma khân păng, Yorlah gâp mbơh jêh kan gâp ma May.

Yêrêmi 12:3

Ơ Brah Yêhôva, May gĭt jêh gâp! May saơ gâp, May ôp sek nuih n'hâm gâp ndrel ma May. Dăn nkhah khân păng luh nâm bu nkhah biăp gay djôt tât ntŭk sreh nkhĭt Prăp êng khân păng ma nar sreh nkhĭt.

Yêrêmi 14:17

May ngơi hom ma khân păng nau aơ: ‘Ăn ma măt gâp hoch dak nar măng mâu dơi rlu; Yorlah bu ur druh ƀon lan gâp bu lơh mâu hôm klen, Sôt rmanh jru glăm ngăn.

Yêrêmi 16:18

Lor lơn Gâp mra mplơ̆ nau mhĭk ma khân păng n'hao bar tơ̆ jêh ri nau tih khân păng hŏ ƀư jêh, yorlah khân păng hŏ ƀư ƀơ̆ ƀơch neh Gâp bơh săk jăn khĭt lĕ rup brah di ma nau tâm rmot, jêh ri ƀư bêng ma drăp ndơn đah lĕ ndơ di ma nau ƀơ̆ ƀơch.”

Yêrêmi 17:13

Ơ Brah Yêhôva, nau kâp gân ma phung Israel, Mbu nơm dun May geh nau prêng da dê! Mbu nơm plăch ndŭr kơi đah May bu mra nchih amoh ta ndruyh neh, Yorlah khân păng hŏ chalơi jêh Brah Yêhôva jêng tu dak rêh.

Yêrêmi 17:16

Bi ma gâp, gâp mâu gơnh chalơi ôh nau pah kan rmăk biăp ƀiălah tĭng May yơh. May gĭt, gâp mâu kâp gân ôh nau mhĭk tât. Nau ngơi luh ta bơh bâr mbung gâp Gŭ tanăp măt May da dê.

Yêrêmi 17:19

Brah Yêhôva lah ma gâp: “May hăn hom gŭ dâk ta mpông pêr phung ƀon lan, nây jêng mpông pêr lĕ phung hađăch Yuđa vay lăp luh, jêh ri ta ntŭk lĕ rngôch mpông ƀon Yêrusalem.

Yêrêmi 20:11

Ƀiălah Brah Yêhôva gŭ ndrel ma gâp nâm bu du huê tahan janh ktang ma klach ngăn; Yor nây phung ƀư mhĭk ma gâp mra chêh prah, Mâu mra dơi đah gâp ôh. Khân păng mâu mra dơi ôh Jêh ri prêng hâu ngăn ngên, Nau prêng n'ho ro, Mâu dơi chuêl ôh.

Nau Vay Nkah Tay 33:11

Hơi Brah Yêhôva, dăn ăn n'hâm suan ma păng, Jêh ri maak nuih n'hâm ma nau kan ti păng. Dong pă bŭt phung rlăng, Jêh ri phung tâm rmot, gay ma khân păng mâu hôm dơi dâk ôh!”

Nau Tâm Mpơl 18:6

Mplơ̆ lơi ma păng nâm bu păng hŏ ƀư ma bu, Mplơ̆ sĭt ma păng bar tơ̆ lĕ kan păng ƀư jêh. Rlŭk hom ma păng bar tơ̆ kachok păng rlŭk jêh.