Yêrêmi 17:17 - Nau Brah Ndu Ngơi 2023

¹⁷ Lơi ta ăn gâp klach ôh; May jêng ntŭk ma gâp nde krap tâm nar rêh ni.

Yêrêmi 17:17 Iomraidhean Croise

Ndrom Samƀŭt bơh Yôp 31:23

Yorlah nau mhĭk tât bơh Brah Ndu ƀư ăn gâp krit klach, Tanăp nau rnam Păng, gâp mâu dơi ƀư ôh.

Nau Mprơ Ơm 41:1

Ueh maak yơh ma phung mêt uănh ma phung o ach! Tâm nar rêh ni, Brah Yêhôva mra rklaih bunuyh nây.

Nau Mprơ Ơm 59:16

Ƀiălah gâp mra mprơ ma nau ktang May; Ơm ôi gâp mra mprơ huy ma nau ueh May Yorlah May jêng pôih gâp, Ntŭk gŭ krap tâm nôk rêh ni.

Yêrêmi 16:19

Ơ Brah Yêhôva, May jêng n'hâm suan dăng ktang jêh ri pôih nâp ma gâp, Ntŭk nde krap gâp tâm nar rêh ni! Ntơm bơh nglĕ dŭt rplay neh, Lĕ bri dak mra văch ma May jêh ri lah: “Phung chô yau hên knŏng sŏk dơn lĕ brah mƀruh ndơm, Lĕ nau dơm dam, jêh ri mâu dơi geh nau khlay ôh.

Yêrêmi 17:13

Ơ Brah Yêhôva, nau kâp gân ma phung Israel, Mbu nơm dun May geh nau prêng da dê! Mbu nơm plăch ndŭr kơi đah May bu mra nchih amoh ta ndruyh neh, Yorlah khân păng hŏ chalơi jêh Brah Yêhôva jêng tu dak rêh.

Yêrêmi 17:7

Ueh maak yơh mbu nơm nsing ma Brah Yêhôva, Sŏk Brah Yêhôva ƀư ntŭk mbin nsing ma păng.

Yôel 3:16

Brah Yêhôva mra rđuh bơh Siôn; Păng ƀư ăn nteh huy bâr Păng nơm luh bơh Yêrusalem. Lĕ ndâr trôk jêh ri lĕ rngôch neh ntu mpât n'găr da dê. Ƀiălah Brah Yêhôva jêng ntŭk nde ma phung ƀon lan Păng, Jêng pôih nâp ma phung ƀon lan Israel.

Nahum 1:7

Brah Yêhôva jêng ueh ngăn, Jêng pôih nâp tâm nar rêh ni; Păng gĭt phung du krap tâm ntŭk Păng.

Êphêsô 6:13

Yor nây, ndrăp hom lĕ rngôch ndơ tâm lơh Brah Ndu, gay tâm nar mhĭk, khân may dơi tâm rdâng; jêh ri tơlah dơi lĕ rngôch jêh, khân may dơi gŭ nâp ngăn.