Yêrêmi 17:14 - Nau Brah Ndu Ngơi 2023

¹⁴ Ơ Brah Yêhôva! Dăn May ƀư bah ăn gâp gay gâp dơi bah; Dăn May sâm rklaih gâp gay gâp dơi rklaih; Yorlah May jêng Nơm gâp mât ton tâm rnê.

Yêrêmi 17:14 Iomraidhean Croise

Nau Mprơ Ơm 106:47

Ơ Yêhôva Brah Ndu hên, dăn sâm rklaih hên, Tâm rƀŭn hên bơh nklang lĕ bri dak, Gay ma hên mra tâm rnê ma amoh kloh ueh May Jêh ri dơi mprơ tâm rnê ma May.

Nau Mprơ Ơm 109:1

Ơ Brah Ndu, Nơm gâp tâm rnê, Lơi gŭ rklăk ôh!

Nau Mprơ Ơm 119:94

Gâp jêng ndơ May, rklaih hom gâp Yorlah gâp joi nau May ntăm.

Nau Mprơ Ơm 12:4

Ma phung lah pô aơ: “He mra dơi yor ma mpiăt he nơm; Bâr mbung he jêng ndơ he; mbu nơm jêng kôranh he?”

Nau Mprơ Ơm 148:14

Păng hŏ n'hao jêh nke phung ƀon lan n'gơr prêh, Gay ma phung răp jăp tâm rnê ma Păng, Nâm bu ntĭt ma phung kon Israel, jêng phung ƀon lan gŭ dăch Păng! Halêluya.

Nau Mprơ Ơm 54:1

Ơ Brah Ndu! Dăn tâm rklaih gâp ma amoh May, Ma nau brah May phat dôih nau di ăn ma gâp.

Nau Mprơ Ơm 6:2

Ơ Brah Yêhôva, yô̆ nđach ma gâp yorlah gâp huơi rgănh; Ơ Brah Yêhôva, dăn ƀư bah an gâp Yorlah nting nđăng gâp râm nsâr.

Nau Mprơ Ơm 6:3

Brah Yêhôva ơi! Huêng gâp dŭt hâu uh ah ngăn; Ơ Kôranh Brah, ndah ding njŏ Kôranh Brah ƀư bah ma gâp?

Nau Mprơ Ơm 6:4

Ơ Brah Yêhôva, dăn May rgâl nau mĭn jêh ri tâm rklaih kon, ăn kon dơi rklaih bơh nau khĭt; Sâm rklaih kon yor nau ueh May.

Nau Mprơ Ơm 60:5

Gay ma nơm May rŏng dơi geh nau tâm rklaih. Dăn May mplơ̆ lah nau hên dăn jêh ri sŏk ti ma May tâm rklaih hên.

Êsai 6:10

Ƀư hom ma phung ƀon lan aơ rluk mâl, Tê̆k trôm tôr, nhêp măt; Klach lah măt khân păng dơi saơ, Tôr khân păng dơi tăng, Nuih n'hâm khân păng dơi gĭt rbăng, Jêh nây khân păng plơ̆ sĭt jêh ri bu ƀư bah!”

Yêrêmi 15:20

Gâp mra njêng may Ƀư mpêr kông nâp ăn ma phung ƀon lan aơ, Khân păng mra tâm lơh đah may, Ƀiălah mâu dơi đah may ôh, Yorlah Gâp gŭ ndrel may Gay tâm rklaih may jêh ri ăn kon me may.” Brah Yêhôva lah pônây.

Yêrêmi 3:23

Nau yơk mbah klơ lĕ dor prêh Jêh ri nau drơu drơu ăp yôk nanê̆ knŏng jêng nau mƀruh nchơt. N'hêl nanê̆, knŏng tâm Yêhôva Brah Ndu hên Ri mơ geh nau tâm rklaih ăn phung Israel.

Yêrêmi 30:17

Brah Yêhôva lah: ‘Gâp mra ăn tay n'hâm suan ma may, Ƀư bah sôt rmanh may, Yorlah khân păng ntơ may jêng nơm bu hŏ mƀăr lơi jêh: “Nây jêng ƀon Siôn, mâu geh bunuyh meng tât!”’

Yêrêmi 31:18

Nanê̆, Gâp hŏ tăng jêh nau phung Êphraim vah vơl: May hŏ nduyh nkra jêh gâp, jêh ri bu nduyh nkra gâp Nâm bu du mlâm ndrôk kon ê hŏ bên mâng mbăk. Ăn Kôranh Brah njŭn gâp sĭt, pôri gâp mra geh nau plơ̆ sĭt; Yorlah Kôranh Brah jêng Yêhôva Brah Ndu gâp!

Yêrêmi 33:6

Ƀiălah, Gâp mra ăn tay n'hâm suan jêh ri nau ƀư bah ma ƀon nây. Gâp mra ƀư bah ăn ma phung ƀon lan khân păng, mra tâm mpơl ma khân păng saơ nau chăt jêng rmeh ler jêh ri đăp rmên jŏ jong.

Nau Kơp Bunuyh 12:13

Y-Môis nter ma Brah Yêhôva pô aơ: “Hơi Brah Ndu! Dăn ƀư bah an ma păng!”

Mathay 14:30

Ƀiălah tơlah păng saơ sial khôm, Y-Pêtrôs klach ngăn, bơi ngâm tâm dak jêh ri nter: “Ơ Kôranh Brah, tâm rklaih gâp ƀă!”

Mathay 8:25

Phung oh mon rlay Păng jêh ri kuăl huy: “Ơ Kôranh Brah, tâm rklaih hên! He mra khĭt yơh!”

Luka 4:18

“Brah Huêng Ueh Brah Kôranh Brah gŭ ta klơ Gâp, Yorlah Păng tŏ jêh dak ƀâu kah ma Gâp gay mbơh nkoch Nau Mhe Mhan Ueh ma phung o ach.

Nau Vay Nkah Tay 10:21

Păng jêng Nơm khân may tâm rnê. Păng jêng Brah Ndu khân may, jêng Nơm hŏ ƀư jêh ma khân may lĕ nau kan toyh jêh ri klach krit măt khân may hŏ saơ jêh.

Nau Vay Nkah Tay 32:39

Aƀaơ aơ, uănh hom, Gâp nơm jêng Brah Ndu Rlau ma Gâp mâu hôm geh brah êng; Gâp ƀư ăn khĭt jêh ri Gâp ăn dâk rêh tay, Ƀư ăn sôt jêh ri săm ăn bah Mâu geh ôh nơm dơi tâm rklaih bơh ti Gâp.