Yêrêmi 16:6 - Nau Brah Ndu Ngơi 2023

⁶ “Bunuyh toyh phung jê̆ mra khĭt da dê tâm neh aơ. Mâu geh nuyh tâp brôi, mâu lĕ geh nuyh nhĭm vơl, mâu lĕ rek tor săk jăn nơm mâu lah poih bôk yor khân păng.

Yêrêmi 16:6 Iomraidhean Croise

II Nau Rêh Jêng 36:17

Yor nây, Brah Yêhôva đă hađăch phung Kaldê lơh khân păng, sŏk đao nkhĭt phung ndăm ta ngih brah kloh ueh khân păng, jêh ri mâu yô̆ ôh, ma phung ndăm mâu lah bu druh, bu ranh mâu lah phung rdja. Brah Yêhôva jao lĕ khân păng tâm ti hađăch phung Kaldê.

Êsai 22:12

Tâm nar nây, Kôranh Brah jêng Brah Yêhôva ma phung tahan Kuăl khân may ma nau nhĭm jêh ri klâng rngot, Poih bôk jêh ri nsoh ao ƀau;

Êsai 24:2

Rnôk nây, lĕ rngôch bunuyh mra nsum ndrel nau mrô nal: Kôranh ƀư brah tâm ban đŏng ma phung ƀon lan; Kôranh bu klâu tâm ban ma bu klâu dĭk, kôranh bu ur tâm ban ma bu ur dĭk; Nơm tăch tâm ban đŏng ma nơm rvăt; Nơm ăn chan tâm ban ma nơm chan, Kôranh ăn bu manh ndơ tâm ban ma nơm manh.

Yêrêmi 13:13

May mra lah tay: ‘Brah Yêhôva lah: Aơ, Gâp mra ƀư lĕ rngôch phung ƀon lan gŭ ta klơ neh aơ, phung hađăch gŭ ta sưng hađăch Đavit, phung kôranh ƀư brah, phung nơm mbơh lor, jêh ri lĕ rngôch phung ƀon lan Yêrusalem nhŭl ndrănh da dê.’

Yêrêmi 16:4

“Khân păng mra khĭt yor nau ji tưp, mâu geh bunuyh nhĭm nhhiăng ăt mâu lĕ geh bunuyh tâp brôi. Khân păng mra jêng nâm bu buh ta klơ măt neh. Bu mra khĭt khân păng ma pêh đao jêh ri sa sât ji ngot. Săk jăn khĭt khân păng mra ƀư ndơ sa ăn ma phung sĭm klơ trôk jêh ri ma mpô mpa bri ta klơ neh.”

Yêrêmi 41:5

pôri geh pham jât nuyh bu klâu tât tă bơh Sichem, Silô, jêh ri tât tă bơh Samari. Khân păng poih têp kang, nsoh bok ao sat, rek tor êng săk jăn khân păng nơm, ti djôt leo ndơ ƀư brah rnih môi jêh ri ndơ ƀâu kah gay nhhơr tâm ngih Brah Yêhôva.

Yêrêmi 47:5

Gaxa poih hil bôk Ƀon Askalôn mlo. Ơ phung ƀon lan hôm klen ma Anakim, Ndah nâm jŏ khân ay may mra rek tor săk jăn khân ay may nơm?

Yêrêmi 48:37

Ăp nơm poih bôk hil, ăp nơm poih têp ăn pler; mpang ti ăp nơm têl tor, jêh ri ăp nơm mbăn ƀau sat da dê.

Yêrêmi 7:29

Koh hom sŏk jêh ri klŭp lơi; Ntơm nau nsôr nter hom ta klơ yôk hil; Yorlah Brah Yêhôva hŏ dun jêh ri chalơi jêh rô̆ aơ, Jêng rô̆ srônh nuih Păng.’”

Yêrêmi 8:2

Bu mra ih lĕ nting nây tâm dâng nar, khay, jêh ri lĕ rngôch mănh klơ trôk khân păng hŏ rŏng kơnh, pah kan, hăn tĭng ndô̆, dăn lup, jêh ri yơk mbah. Lĕ nting nây mâu mra dơi rgum tay, ăt mâu dơi tâp ƀiălah mra jêng nâm bu ŭnh buh ta klơ măt neh.

Kan Lêvi 19:27

Lơi poih sŏk jŭm bôk khân may jêh ri lơi kreh têp kang.

Kan Lêvi 19:28

Lơi yor ma bunuyh khĭt nkăp tor nglay săk khân may mâu lah kach ăp ntil rup ta săk jăn khân may. Gâp jêng Brah Yêhôva.

Amôt 6:11

Yorlah Brah Yêhôva ntrŭnh nau ntăm pô aơ: Ngih toyh mra mbang nchah lĕ rlâm jêh, Ngih jê̆ mra nchah rhên.

Mathay 9:23

Tơlah Brah Yêsu tât ta ngih kôranh mât uănh ngih rƀŭn, Păng saơ phung uh n'hôm jêh ri phung âk ƀư uh ah,

Nau Vay Nkah Tay 14:1

“Khân may jêng phung ƀon lan Yêhôva Brah Ndu. Lơi koh mlay săk khân may nơm, mâu lah poih sŏk ta klơ ndăr kleng yor ma bunuyh khĭt,

Nau Tâm Mpơl 20:12

Gâp saơ phung khĭt, toyh jêh ri jê̆, dâk tanăp sưng hađăch nây da dê, jêh ri bu pơk jêh lĕ ndrom samƀŭt. Du ndrom samƀŭt êng jêng ndrom samƀŭt nau rêh bu pơk đŏng. Bu phat dôih phung khĭt tĭng nâm kan khân păng ƀư jêh, tĭng nâm lĕ nau bu nchih jêh tâm ndrom samƀŭt nây.

Nau Tâm Mpơl 6:15

Phung hađăch ta neh ntu, phung toyh, phung kôranh tahan, phung ndrŏng, phung dơi toyh, lĕ rngôch phung dĭk, phung kon me du krap tâm lĕ trôm jêh ri ta nklang lĕ lŭ toyh ta klơ yôk.