Yêrêmi 16:4 - Nau Brah Ndu Ngơi 2023

⁴ “Khân păng mra khĭt yor nau ji tưp, mâu geh bunuyh nhĭm nhhiăng ăt mâu lĕ geh bunuyh tâp brôi. Khân păng mra jêng nâm bu buh ta klơ măt neh. Bu mra khĭt khân păng ma pêh đao jêh ri sa sât ji ngot. Săk jăn khĭt khân păng mra ƀư ndơ sa ăn ma phung sĭm klơ trôk jêh ri ma mpô mpa bri ta klơ neh.”

Yêrêmi 16:4 Iomraidhean Croise

II Phung Hađăch 9:10

So mra sa puăch H'Jêsêbel tâm mir Jesrêel, mâu geh bunuyh tâp păng ôh.’” Lah lôch jêh, nơm mbơh lor pơk mpông bloh jêh ri nchuăt du.

Nau Mprơ Ơm 78:64

Phung Kôranh ƀư brah cha lôt prah yor đao, Ƀiălah phung bu ur ndrô khân păng mâu nhĭm nhhiăng ôh.

Nau Mprơ Ơm 83:10

Jêng phung bu ƀư nkhĭt ta Ên-Dôr Jêh ri jêng ek ma neh.

Êsai 18:6

Bu mra chalơi lĕ khân păng Ăn ma sĭm joi mpa ta klơ yôk Jêh ri ma mpô mpa ta klơ neh. Sĭm joi mpa mra sa khân păng dôl yan vai, Lĕ rngôch mpô mpa ta neh mra sa khân păng dôl tâm yan sĭt puh.”

Êsai 5:25

Yor nây, Brah Yêhôva hŏ ji nuih đah phung ƀon lan Păng. Păng yơr jêh ti tâm rdâng đah khân păng jêh ri dong khân păng, Yôk n'găr mpât da dê. Săk jăn khĭt khân păng jêng tâm ban ma ndŏk ta nklang trong. Nđâp lah kơt nĕ, nau Păng ji nuih ê bah ôh, Ƀiălah ti Păng ăt hôm yơr ƀư ƀaƀơ.

Yêrêmi 19:7

Ta ntŭk aơ, Gâp mra ƀư rai lơi nau ƀư nchră phung Yuđa jêh ri phung Yêrusalem, Gâp mra ăn ma khân păng cha lôt prah tâm dâng mpiăt đao tanăp phung rlăng, jêh ri tâm dâng ti ma phung joi ŭch ƀư rai nau rêh khân păng. Gâp mra jao săk jăn khĭt khân păng ƀư ndơ sa ăn ma sĭm klơ trôk jêh ri mpô mpa bri.

Yêrêmi 21:6

Gâp mra dong phung gŭ tâm ƀon aơ, lĕ rngôch bunuyh nđâp ma mpô mpa; khân păng mra khĭt ma nau ji tưp hâu ngăn.’

Yêrêmi 25:33

Tâm nar nây, săk phung khĭt Brah Yêhôva nkhĭt khĭt mra bêng lam măt neh. Mâu geh bunuyh nhĭm vơl mâu lah rgum gay tâp brôi, mâu lah rgum tay gay ma tâp brôi; khân păng jêng buh ta klơ măt neh!

Yêrêmi 34:17

Yor nây, Brah Yêhôva lah: pô aơ: ‘Khân may mâu tông ôh bâr Gâp, mâu geh du huê mbơh ôh nau kon me ma oh nâu jêh ri nơm chiau meng păng.’ Brah Yêhôva lah: ‘Aơ, Gâp mbơh “nau kon me” ma khân may, nâm bu ntĭt jao khân may mâp ma tak đao, nau ji tưp, sa sât ji ngot, mra ƀư ma khân may plơ̆ jêng tâm rmot ma lĕ rngôch bri hađăch ta neh ntu.

Yêrêmi 34:20

Gâp mra jao khân păng tâm ti phung rlăng jêh ri phung ŭch ngroh lơi nau rêh khân păng. Săk jăn khĭt khân păng mra ƀư ndơ sa ăn ma sĭm klơ trôk sa jêh ri ma mpô mpa bri ta klơ neh.

Yêrêmi 36:30

Yor nau nây, Brah Yêhôva lah ma Y-Jêhôjakim, hađăch Yuđa pô aơ: ‘Păng mâu mra geh du huê nơm gŭ ta sưng hađăch Đavit; săk jăn păng bu mra pla lơi tâm nklang duh dôl nar, jêh ri ăn bĕ dak ngom tâm dôl măng.

Yêrêmi 44:12

Gâp mra sŏk lơi phung Yuđa hôm klen, jêng phung săch jêh ŭch hăn ta bri Êjipt, bu mra ƀư ngroh lơi khân păng ta nây; khân păng mra khĭt tâm bri Êjipt, mra khĭt ma tak đao mâu lah sa sât ji ngot. Ntơm bơh kon se jê̆ tât ma bunuyh toyh mra khĭt da dê yor tak đao mâu lah sa sât ji ngot. Khân păng jêng nau rak rtăp, jêng nau ma bu bêk prêng, jêng nau krit toyh, nau ƀơ̆ ƀơch jêh ri nau bu ƀư mhĭk.

Yêrêmi 44:27

Aơ, Gâp mra gŭ rngeh gay ƀư nau mhĭk tât ăn ma khân păng mâu di ƀư nau ueh ôh; lĕ rngôch phung bu klâu Yuđa dôl gŭ tâm bri Êjipt mra khĭt da dê ma đao jêh ri nau sât ji ngot kŏ tât khân păng rai lôch lĕ.

Yêrêmi 7:33

Săk jăn khĭt phung ƀon lan aơ mra ƀư mpa sa ăn phung sĭm trôk jêh ri mpô mpa bri klơ neh, jêh ri mâu geh bunuyh mprơh khân păng du.

Yêrêmi 9:22

May ngơi hom: “Brah Yêhôva lah pô aơ: ‘Săk jăn phung khĭt mra cha lôt Nâm bu buh nkhŭt ta lôk mir, Nâm bu nkong ba pakơi nơm rek Mâu geh nơm dônh khân păng ôh.’”

Nau Nhĭm Vơl 4:9

Phung khĭt yor đao Hôm geh nau ueh lơn ma phung khĭt ji ngot: Khân păng khĭt mbrơi mbrơi tâm nau nđêh nji, Yor mâu geh ndơ tă bơh mir.

Êsêkiêl 24:21

‘Lah hom ma ngih Israel pô aơ: Kôranh Brah Yêhôva lah: Aơ Gâp mra ƀư ƀơ̆ ntŭk kloh ueh Gâp, jêng ntŭk khân may ƀư sŏk nau khư ma nau ktang khân may, trôm măt khân may ŭch kơnh, nuih n'hâm khân may rŏng. Kon bu ur, kon bu klâu khân may hŏ chalơi jêh mra cha lôt khĭt yor ma đao.

Êsêkiêl 5:12

Du kô̆ tâm pe tâm phung ƀon lan may mra khĭt ma nau ji tưp, mra djoh jêh ma nau ât ji ngot ta nklang may; du kô̆ tâm pe mra khĭt ma đao gŭ jŭm may; bi du kô̆ tâm pe đŏng Gâp mra ƀư nchah rai pru pra tĭng ăp mpeh sial jêh ri Gâp tŏk đao hăn tĭng khân păng.

Sôphôni 1:17

Gâp mra leo nau rêh ni tât ma phung bunuyh; Khân păng mra chuat hăn nâm bu bunuyh chieh măt, Yorlah hŏ ƀư tih jêh đah Brah Yêhôva; Mham khân păng mra nkhŭt nâm bu neh muy, Jêh ri proch ôm hăch nâm bu ek.

Nau Vay Nkah Tay 28:22

Brah Yêhôva mra ƀư rêh ni khân may ma nau ji khô hiăn, nau ji kop, nau ji kren, nau duh ktang, nau prăng phang ƀư ma tơm si gơ̆ rêp klêu kro, luh o. Lĕ nau mhĭk nây mra tĭng khân may kŏ tât khân may rai lôch.

Nau Vay Nkah Tay 28:26

Săk jăn khĭt khân may mra jêng ndơ sa ma lĕ rngôch sĭm klơ trôk jêh ri ma mpa bri ta neh ntu jêh ri mâu mra geh ôh du huê ntrŭt khân păng du.