Yêrêmi 16:13 - Nau Brah Ndu Ngơi 2023

¹³ Yor ri, Gâp mra ngluh khân may bơh bri aơ, klŭp khân may jêh ri phung chô yau khân may ta du n'gor mâu mâp gĭt ôh. Ntŭk nây, khân may mra nar măng pah kan ma lĕ brah êng; yorlah Gâp mâu mra ăn đŏng nau ueh ma khân may ôh.’”

Yêrêmi 16:13 Iomraidhean Croise

II Phung Hađăch 25:21

Hađăch Babilôn dong nkhĭt khân păng ta ƀon Ribla tâm n'gor Hamat. Pônây, bu nhŭp veng phung Yuđa tă bơh n'gor bri khân păng nơm.

II Nau Rêh Jêng 7:20

nôk nây Gâp mra rôk lơi khân may luh du bơh bri Gâp hŏ ăn jêh ma khân may. Bi ma ngih brah Gâp hŏ ƀư kloh ueh ma amoh Gâp, Gâp mra mƀăr lơi păng bơh Gâp, jêh ri mra ăn păng jêng du bôk nau mprĭng ma lĕ rngôch phung ƀon lan ngơi hôr juar jêh ri gơm mpray.

Nau Mprơ Ơm 81:12

Yor nây, Gâp jao khân păng ma nau nuih n'hâm dăng khân păng, Gay ma khân păng hăn tĭng nâm khân păng nơm mĭn.

Yêrêmi 10:18

Yorlah Brah Yêhôva lah pô aơ: “Ri, tơ̆ aơ Gâp mra mƀăr lơi bunuyh ƀon lan tâm neh aơ hăn ngai, Gâp mra ăn khân păng rêh ni, Gay khân păng kah gĭt.”

Yêrêmi 14:8

Ơ Kôranh Brah, May jêng nau kâp gân ma phung Israel, Nơm tâm rklaih tâm nau rêh ni, Mâm ƀư may nâm bu du huê bu năch tâm n'gor aơ, Nâm bu du huê bu năch veh bê̆ch njưh du măng?

Yêrêmi 15:1

Brah Yêhôva lah ma gâp; “Nđâp lah Y-Môis jêh ri Y-Samuel dâk panăp măt Gâp, nuih n'hâm Gâp mâu hôm n'gĭl uănh ma phung ƀon lan aơ ôh. Mprơh hom khân păng bơh Gâp, jêh ri đă khân păng hăn du!

Yêrêmi 15:14

Gâp mra ƀư may pah kan ma nơm rlăng may Tâm du n'gor may ê hŏ mâp gĭt, Yor nau Gâp ji nuih hao hit, Mra su rai lơi khân may.”

Yêrêmi 15:4

Gâp mra njêng khân păng jêng nau klach krit ăn ăp bri hađăch ta neh ntu yorlah lĕ ndơ Manasê, kon bu klâu Y-Hêsêkia, hađăch Yuđa, hŏ ƀư ntŭk ƀon Yêrusalem.

Yêrêmi 16:5

Brah Yêhôva lah: “Lơi ta lăp tâm trôm ngih geh nau rngot ndrê, lơi ta nhĭm nhhiăng mâu lah bonh leng ma khân păng, yorlah Gâp hŏ sŏk sĭt jêh nau đăp mpăn, nau rŏng nâp jêh ri nuih n'hâm yô̆ nđach du luh bơh phung ƀon lan aơ,” Brah Yêhôva lah pônây.

Yêrêmi 17:4

May mra ƀư roh êng Drăp ndơn Gâp ăn jêh. Gâp mra nhŭp may pah kan ma phung rlăng đah may Tâm du n'gor may ê hŏ mâp gĭt; Yorlah may hŏ sŭnh ŭnh hao ji nuih ma Gâp, Pôri păng mra su hit mro mrăng.”

Yêrêmi 22:26

Gâp mra mprơh may jêh ri me deh ma may tâm bri êng, mâu di jêng ntŭk tâp sok koh klŏ may ôh, jêh ri may mra khĭt ta nĕ.

Yêrêmi 22:28

Pônây di lĕ Y-Jêhôjakin aơ jêng yăng chah rai jêh lĕ bu mưch rmot hĕ? Yăng mâu geh nơm ŭch rŏng ôh? Mâm ƀư hađăch nây jêh ri lĕ rngôch noi deh păng bu mƀăr lơi, Bu klŭp mƀăr tâm du bri khân păng mâu gĭt năl ôh?

Yêrêmi 5:19

Dôl khân păng lah: ‘Mâm ƀư Yêhôva Brah Ndu he ntrŭnh lĕ nau nây ta klơ phung he?’ pôri may ngơi hom đah khân păng pô aơ: ‘Khân may hŏ chalơi Gâp jêh ri pah kan lĕ brah bu năch tâm neh may nơm mâm ƀư, lĕ khân may ăt mra pah kan ma phung ƀon lan bu năch tâm n'gor mâu di bri phung khân may tâm ban lĕ.’

Yêrêmi 6:15

Khân păng ƀư nau ƀơ̆ ƀơch, di nau bêk prêng, Ƀiălah khân păng mâu saơ bêk prêng ôh, Ăt mâu gĭt mâm nau bêk prêng. Yor nây, khân păng mra chêh prah ta nklang phung chêh prah; Tât nar Gâp phat dôih, khân păng mra cha lôt,” Brah Yêhôva lah pônây.

Nau Vay Nkah Tay 28:36

Brah Yêhôva mra njŭn leo khân may jêh ri hađăch khân may hŏ ndâk jêh, hăn tât ta du bri dak ƀiălah khân may jêh ri phung chô yau khân may ê hŏ mâp gĭt ôh. Ta nây, khân may mra pah kan ma phung brah êng ma tơm si, ma lŭ.

Nau Vay Nkah Tay 29:28

Tâm nau ji nuih, krit mbât jêh ri nau ji nuih lĕ dŭt n'hâm Brah Yêhôva hŏ ngluh lơi jêh phung ƀon lan aơ bơh n'gor khân păng jêh ri klŭp mƀăr khân păng tâm n'gor êng, nâm bu nau lĕ geh nar aơ.”