Yêrêmi 15:9 - Nau Brah Ndu Ngơi 2023

⁹ Du huê bu ur deh pơh kon păng saơ huăr rgănh, Roh n'hâm kêng lôch; Nar păng hŏ nhâp nklang nôk nar; Muh măt păng bêk prêng ngăn. Bi ma phung bunuyh hôm klen gŭ rêh Gâp mra jao ăn ma đao phung rlăng.” Brah Yêhôva lah pônây.

Yêrêmi 15:9 Iomraidhean Croise

Êsai 47:9

Tâm ƀât lât, tâm du nar, Bar ntil nau tât aơ mra tât ma ay jêng nau roh phung kon jêh ri nau bu ur ndrô sai Mra tât ma ay. Bar ntil nau tât aơ mra tât ndal ma ay, Nđâp tơlah ay jêng n'hŭm njêh, Jêh ri geh nau brah toyh blau rƀên kđôi lĕ.

Yêrêmi 19:7

Ta ntŭk aơ, Gâp mra ƀư rai lơi nau ƀư nchră phung Yuđa jêh ri phung Yêrusalem, Gâp mra ăn ma khân păng cha lôt prah tâm dâng mpiăt đao tanăp phung rlăng, jêh ri tâm dâng ti ma phung joi ŭch ƀư rai nau rêh khân păng. Gâp mra jao săk jăn khĭt khân păng ƀư ndơ sa ăn ma sĭm klơ trôk jêh ri mpô mpa bri.

Yêrêmi 21:7

Brah Yêhôva lah: ‘Jêh nây, Gâp mra jao Y-Sêdêkia, hađăch Yuđa, phung oh mon păng jêh ri phung ƀon lan tâm ƀon, nâm bu ntĭt lĕ rngôch phung hôm klen pakơi nau ji tưp, tak đao, nau sât ji ngot, tâm ti Nêbukatnetsar, hađăch Babilôn, tâm ti phung rlăng khân păng jêh ri ma phung joi ƀư ngroh lơi nau rêh khân păng. Nêbukatnetsar mra lơh khân păng ma mpiăt đao, mâu mra yô̆ an, ti mâu djân, mâu geh nau rŏng.’

Yêrêmi 44:27

Aơ, Gâp mra gŭ rngeh gay ƀư nau mhĭk tât ăn ma khân păng mâu di ƀư nau ueh ôh; lĕ rngôch phung bu klâu Yuđa dôl gŭ tâm bri Êjipt mra khĭt da dê ma đao jêh ri nau sât ji ngot kŏ tât khân păng rai lôch lĕ.

Yêrêmi 50:12

Yor nây mê̆ khân may mra prêng ngăn, Bu deh ma khân may mra bêk prêng ngăn ngên. Ri, păng jêng nglĕ dŭt tâm lĕ bri dak, Du bri rdah, du bri kro đang, du ntŭk rngol.

Yêrêmi 6:4

“Ndrăp hom nau tâm lơh tâm rdâng đah ƀon; Aƀaơ, he mra rduh lơh nôk nar nklang bôk! Ƀiălah rêh ni ăn phung he, nar hŏ vet, Gui n'hâm bri mhaơ hŏ jong jêh!

Yêrêmi 7:19

Brah Yêhôva lah: “Di lĕ khân păng nsônh nau ji nuih Gâp? Mâu di hĕ khân păng ƀư rmanh êng, sŏk dơn nau bêk prêng ăn ma khân păng nơm nây hĕ?”

Nau Nhĭm Vơl 1:1

Ơ! Ƀon aơ kăl e âk ngăn bunuyh, Aƀaơ gŭ êng du huê du! Kăl e geh nau dơi toyh ta nklang phung ƀon lan, Aƀaơ jêng nâm bu bu ur ndrô, Kăl e jêng hađăch bu ur ta nklang âk n'gor, Aƀaơ ri jêng pah kan jâk rgănh ngăn!

Nau Nhĭm Vơl 4:10

Bar ti mê̆ bêng ma nuih n'hâm yô̆ klâng ngăn, Hôm gâm puăch kon păng nơm; Njêng khân păng jêng ndơ sông sa Tâm nôk bu jot plên phung bu ur ƀon lan gâp.

Êsêkiêl 5:12

Du kô̆ tâm pe tâm phung ƀon lan may mra khĭt ma nau ji tưp, mra djoh jêh ma nau ât ji ngot ta nklang may; du kô̆ tâm pe mra khĭt ma đao gŭ jŭm may; bi du kô̆ tâm pe đŏng Gâp mra ƀư nchah rai pru pra tĭng ăp mpeh sial jêh ri Gâp tŏk đao hăn tĭng khân păng.

Êsêkiêl 5:13

Nau Gâp ji nuih mra dơi lôch jêh ri nau Gâp ji nuih ma khân păng kŏ tât mpay jêh ri aih jêh. Tơlah Gâp hŏ ƀư lĕ lôch jêh nau Gâp nuih ma khân păng pôri khân păng mra gĭt yor nuih n'hâm duh nđơr Gâp nơm yơh, Brah Yêhôva, hŏ lah jêh ma khân păng.

I Samuel 2:5

Phung lĕ hơm jêh pah kan bu nkhôm gay geh piăng let, Ƀiălah phung ji ngot mâu hôm ji ngot đŏng ôh. Bu ur ndrô gâng, păng deh pơh tơ̆, Bi nơm âk kon, jêng djoh rgay.