Yêrêmi 15:8 - Nau Brah Ndu Ngơi 2023

⁸ Bu ur ndrô mra hao Âk lơn choih dak mƀŭt. Gâp hŏ mprơh nơm ƀư rai tât nar nklang bôk, Ƀư nau mhĭk ma mê̆ phung tahan bu klâu ndăm. Ƀât lât, Gâp mra nkhŭt ta klơ khân păng Nau rngot klâng jêh ri klach krit.

Yêrêmi 15:8 Iomraidhean Croise

Êsai 3:25

Phung bu klâu may mra cha lôt ma đao, Phung tahan janh ktang may mra khĭt tâm nau tâm lơh.

Êsai 3:26

Lĕ mpông pêr Siôn mra nhĭm nhhiăng jêh ri ndrê klâng; Khân păng mra gŭ tâm bri rngol.

Êsai 4:1

Tâm nar nây, pơh nuyh bu ur mra kuăn rdâng du huê bu klâu jêh ri lah: “Hên mra sa ndơ sông sa hên nơm jêh ri soh bok ao hên nơm, Knŏng ăn bu rnha hên ma amoh may; Dăn may sŏk lơi nau bêk hên.”

Yêrêmi 16:3

Yorlah Yêhôva lah kơt aơ ma phung kon bu klâu kon bu ur mra deh tâm ntŭk aơ, jêh ri ma phung me mbơ̆ hŏ deh khân păng tâm n'gor aơ:

Yêrêmi 18:21

Yor nây, dăn May jao kon sau khân păng ăn ma nau sât ji ngot, Jêh ri jao khân păng ma pêh đao. Phung bu ur mra roh kon jêh ri jêng ndrô, Phung bu klâu khĭt yor ji tưp, Phung mom ndăm cha lôt khĭt ma pêh đao ta nklang ntŭk tâm lơh.

Yêrêmi 22:7

Gâp mra prăp rơm ndrăp phung ƀư rai geh ndơ tâm lơh Ŭch nkhĭt may; Khân păng mra kăl lĕ tơm si sêdar dŭt ueh uĭn may geh Jêh ri klŭp tâm ŭnh.’

Yêrêmi 4:16

“Ntĭnh hom ăn ma lĕ rngôch bri dak! Mbơh hom ăn phung Yêrusalem pô aơ: ‘Phung nchueng lơh tât tă bơh bri ngai, Khân păng nter troh tâm rdâng phung ƀon Yuđa.

Yêrêmi 5:6

Yor nây, yau mŭr tâm bri mra nkhĭt khân păng, So bri bơh bri rdah ƀư rai khân păng. Yau brăch mra rmiăt kêng padih ƀon khân păng, Mbu nơm luh bơh ƀon mra hêk sa! Yorlah nau tih toyh khân păng âk ngăn, Nau tâm rdâng khân păng mâu dơi kơp.

Yêrêmi 6:26

Hơi phung kon bu ur ƀon lan Gâp, put hom bok ƀau tâm săk, Jêh ri rlă tâm ndruyh ŭnh buh. Nhĭm vơl hom nâm bu roh kon bu klâu kon dul, Vơl nhĭm hom rngot ji ngăn; Yorlah phung ƀư rai Mra tât ndal rduh ma he.

Nau Nhĭm Vơl 5:3

Hên lĕ roh mbơ̆ jêng kon đơi, Mê̆ hên jêng bu ur ndrô jêh.

Êsêkiêl 22:25

Phung kôranh mbơh lor păng njêng nchră ta nklang păng nâm bu du mlâm yau mŭr gŭ ngrông dôl grang hêk mpa păng kăp; khân păng sa rvăn lĕ huêng, sŏk ntŭng drăp ndơ jêh ri ndơ khlay; ƀư ăn phung ndrô ntop âk tâm ƀon.

Ndrom Samƀŭt bơh Ôsê 4:5

May mra chêh prah dôl nôk nar; Phung nơm mbơh lor mra chêh prah ndrel may dôl bri măng tâm ban lĕ, Jêh ri Gâp mra ƀư rai mê̆ may.

Luka 21:35

tâm ban ma lĕ rngôch bunuyh gŭ lam klơ neh ntu.