Yêrêmi 15:7 - Nau Brah Ndu Ngơi 2023

⁷ Gâp hŏ sŏk dông nsiăng khân păng Ta lĕ ntŭk mpông ƀon tâm n'gor. Gâp hŏ ntŭng rdu phung kon khân păng jêh ri ƀư rai phung ƀon lan Gâp, Yorlah khân păng mâu chalơi trong ơm jêh ri plơ̆ sĭt tay.

Yêrêmi 15:7 Iomraidhean Croise

Nau Mprơ Ơm 1:4

Phung mhĭk mâu dơi jêng tâm ban pônây ôh, Ƀiălah khân păng jêng nâm bu njŏk rhe sial khôm rdu.

Êsai 41:16

May mra mpruh khân păng, jêh ri sial mra khôm khân păng, Trôm sial vănh blông mra ƀư khân păng nchah rai pru pra. Ƀiălah may mra maak tâm Brah Yêhôva, Jêh ri may mra rnê êng tâm Nơm Kloh Ueh Israel.

Êsai 9:12

Ƀiălah phung ƀon lan mâu sĭt ôh ma nơm dong khân păng, Mâu lĕ khân păng joi Brah Yêhôva ma phung tahan.

Êsai 9:13

Yor nây, knŏng tâm du nar, Brah Yêhôva mra koh lơi bơh phung Israel Nđâp bôk jêh ri chiăng, nđâp ma n'gĭng tơm jŏk ndrel ma tơm rpho.

Yêrêmi 18:21

Yor nây, dăn May jao kon sau khân păng ăn ma nau sât ji ngot, Jêh ri jao khân păng ma pêh đao. Phung bu ur mra roh kon jêh ri jêng ndrô, Phung bu klâu khĭt yor ji tưp, Phung mom ndăm cha lôt khĭt ma pêh đao ta nklang ntŭk tâm lơh.

Yêrêmi 5:3

Mbah Brah Yêhôva, măt Păng mâu treng uănh nau nanê̆ ngăn hĕ? May dong khân păng, Ƀiălah khân păng mâu saơ rngot klâng, May ƀư rai khân păng, Ƀiălah khân păng mâu dơn nau nduyh nkra. Khân păng ƀư ăn muh măt nơm dăng lơn ma lŭ, Mâu ŭch plơ̆ sĭt.

Yêrêmi 51:2

Gâp mra prơh hăn phung bu năch tât ƀon Babilôn Gŭm nsiăng jêh ri ƀư roh lơi bri dak păng; Yorlah tâm nar mhĭk tât, Khân păng mra rduh lơh ma Babilôn tă bơh puăn njônh.

Yêrêmi 9:21

Yorlah nau khĭt hŏ hao găn mpông bloh, Lăp mpôn ngih hađăch he, Nkhĭt jêh phung kon se rŏ trong sâng Jêh ri phung bu klâu ndăm tâm lĕ nhuang ƀon.

Êsêkiêl 24:21

‘Lah hom ma ngih Israel pô aơ: Kôranh Brah Yêhôva lah: Aơ Gâp mra ƀư ƀơ̆ ntŭk kloh ueh Gâp, jêng ntŭk khân may ƀư sŏk nau khư ma nau ktang khân may, trôm măt khân may ŭch kơnh, nuih n'hâm khân may rŏng. Kon bu ur, kon bu klâu khân may hŏ chalơi jêh mra cha lôt khĭt yor ma đao.

Êsêkiêl 24:25

Hơi kon bunuyh, bi ma may, tâm nar Gâp mra sŏk lơi nau ktang tă bơh khân păng, nau maak, nau chrêk rmah, nau măt khân păng ŭch kơnh, nuih n'hâm khân păng rŏng, phung kon bu ur jêh ri kon bu klâu khân păng,

Êsêkiêl 36:12

Gâp mra ăn geh phung ƀon lan gŭ ta klơ neh khân may, jêng phung ƀon lan Israel Gâp, N'hêl nanê̆, khân păng mra dơi jêng ndơ may jêh ri may mra jêng drăp ndơn khân păng jêh ri khân may mra jêng drăp ndơn ma khân păng; may mâu mra ƀư roh lơi phung kon khân păng đŏng ôh.’”

Sakari 1:4

Lơi ta ƀư nâm bu phung chô yau khân may, phung nơm mbơh lor kăl e hŏ kuăl jêh khân păng, Brah Yêhôva ma phung tahan lah: ‘Chalơi hom trong mhĭk jêh ri nau djơh janh khân may ƀư.’ Ƀiălah khân păng mâu iăt ôh, mâu lĕ ŭch gŭ mĭn ma Gâp. Pôri Brah Yêhôva lah.

Mathay 3:12

Păng djôt dông nsiăng kloh plên ba Păng nơm, jêh nây rgum ba tâm jay; bi njŏk rhe su lơi tâm ŭnh mâu blau nhhât.”

Nau Vay Nkah Tay 28:18

Play bơh ndŭl proch săk jăn khân may, kao play bơh neh khân may, lĕ biăp kon nđâp ndrôk kon khân may mra geh nau rak rtăp da dê.

Nau Vay Nkah Tay 28:32

Bu mra jao kon bu klâu jêh ri kon bu ur khân may ma phung ƀon lan êng tanăp măt khân may nơm ro jêh ri tâm ăp khân may rngot klâng, gŭ kâp uănh ma khân păng, ƀiălah khân may mâu hôm blau ƀư ôh.

Nau Vay Nkah Tay 28:41

Khân may mra deh ma phung kon bu klâu jêh ri kon bu ur, ƀiălah khân păng mâu mra jêng ndơ khân may ôh, yorlah bu mra nhŭp khân păng ƀư dĭk.