Yêrêmi 15:19 - Nau Brah Ndu Ngơi 2023

¹⁹ Yor nây, Brah Yêhôva lah: “Tơlah may plơ̆ sĭt tay, Gâp mra njêng tay may, Ăn may dâk tanăp măt Gâp; Tơlah may ƀư nau khlay cha bơh nau lă lêng, Pôri may mra jêng nâm bu bâr mbung Gâp. Khân păng plơ̆ sĭt ma may, Ƀiălah may mâu plơ̆ sĭt ma khân păng.

Yêrêmi 15:19 Iomraidhean Croise

I Phung Hađăch 17:1

Y-Êli, bunuyh Tisbê, jêng du huê tâm phung gŭ njưh tâm n'gor Gilêat, lah ma Y-Ahap pô aơ: “Gâp dâk panăp Brah Yêhôva jêng Brah Ndu gŭ rêh mro mrăng ma phung Israel gay sơm ton pô aơ: Tâm âk năm jêh aơ, tơlah mâu geh nau gâp ngơi, mâu mra geh dak ngom, mâu đŏng geh tŭp mih.”

Nau Ngluh Êjipt 4:12

Pôri aƀaơ ri ăn hăn hom, Gâp mra gŭ ndrel ma trôm mbung may jêh ri nti may lĕ nau may mra ngơi.”

Nau Hôr 22:29

May saơ lĕ mbu moh gơih tâm nau kan păng pah? Bunuyh nây mra pah kan phung hađăch, Mâu di ôh mra pah kan ma bunuyh ƀon lan.

Yêrêmi 1:9

Pôri Brah Yêhôva yơr ti bi ta mbung gâp. Brah Yêhôva lah ma gâp: “Aơ, Gâp hŏ dơm jêh nau Gâp tâm mbung may.

Yêrêmi 15:1

Brah Yêhôva lah ma gâp; “Nđâp lah Y-Môis jêh ri Y-Samuel dâk panăp măt Gâp, nuih n'hâm Gâp mâu hôm n'gĭl uănh ma phung ƀon lan aơ ôh. Mprơh hom khân păng bơh Gâp, jêh ri đă khân păng hăn du!

Yêrêmi 20:9

Tơlah gâp ngơi: “Gâp mâu mra ngơi tât ma Păng đŏng ôh; Gâp mâu mra tâm amoh Păng đŏng ôh,” Nau May ngơi nâm bu chiông ŭnh su hit nuih n'hâm gâp, Put ndâp tâm nting gâp, Gâp hŏt rgănh yor nau ât rklăk, Mâu hôm dơi dơn ôh.

Yêrêmi 35:19

Yor nây, Brah Yêhôva ma phung tahan, Brah Ndu Israel, lah pô aơ: ‘Y-Jêhônadap, kon bu klâu Y-Rêkap, mâu mra pưt ôh du huê bunuyh dâk panăp Gâp.’”

Yêrêmi 4:1

Brah Yêhôva lah: “Hơi phung Israel, tơlah may plơ̆ sĭt, Tơlah khân may plơ̆ sĭt ma Gâp, Tơlah may mƀăr lơi lĕ rngôch nau ƀơ̆ ƀơch du bơh măt Gâp, Jêh ri mâu mpât n'gơ đŏng ôh,

Yêrêmi 6:29

Nuh puh n'hâm dăng, Ndrak lêk hoch tâm ŭnh; Ƀiălah hŏ krĕt jêh krĕt tay ăt mâu khlay ôh, Yorlah phung mhĭk mâu hŏ bu mƀăr lơi.

Nau Nhĭm Vơl 1:11

Lĕ rngôch phung ƀon lan păng n'ho hăn dăn ƀănh sa N'ho ma vah vơl; Rgâl lĕ rngôch jay prăp drăp ndơ khlay gay geh ndơ sông sa Gay ƀư ăn mpay ma huêng khân păng. “Ơ Brah Yêhôva dăn uănh hom, Yorlah prêng ngăn ma gâp!”

Êsêkiêl 2:7

Pôri may mbơh hom nau Gâp lah ma khân păng nđâp lah khân păng iăt mâu lah mâu, yorlah khân păng jêng phung tâm rdâng.

Êsêkiêl 22:26

Lĕ rngôch phung kôranh ƀư brah păng ƀư tih đah nau vay Gâp jêh ri ƀư ƀơ̆ ndơ kloh ueh Gâp; khân păng mâu kơp rnglah êng ôh moh ndơ jêng kloh ueh, moh ndơ jêng ƀơ̆; mâu lĕ nti bu gĭt rnglah êng moh ndơ jêng ƀơ̆ ƀơch, moh ndơ jêng kloh; khân păng nhêp măt mâu chrê ôh ma lĕ nar saƀat Gâp, ƀư ƀơ̆ Gâp ta nklang khân păng.

Êsêkiêl 44:23

Khân păng mra nti ma phung ƀon lan Gâp gĭt rnglah moh ntil ndơ jêng kloh ueh đah moh ntil ndơ neh ntu, ntĭm ăn ma phung ƀon lan Gâp gĭt rnglah ntil nau kloh đah nau ƀơ̆ ƀơch.

Kan Lêvi 10:10

Ăn khân may gĭt tâm nkhah nau kloh ueh jêh ri ndơ neh ntu, nau ƀơ̆ ƀơch jêh ri nau kloh,

Kan Lêvi 14:57

gay gĭt năl tơlah păng jêng ƀơ̆ ƀơch jêh ri tơlah păng jêng kloh. Nây jêng nau vay ma nau ji glăm ta klơ ntâu.

Yônais 3:2

“Dâk hom may, hăn tât ma Ninive ƀon toyh jêh ri mbơh ma păng nau Gâp hŏ nti lah jêh ma may.”

Sakari 3:7

“Brah Yêhôva ma phung tahan lah: ‘Tơlah may chuat hăn tâm trong Gâp, tông jêh ri djôt prăp nau Gâp ntĭm, ri mơ may dơi chiă uănh ngih Gâp, jêh ri dơi gak mpông pêr Gâp, jêh ri Gâp mra ăn ma may chuat lăp tâm nklang phung dâk pah kan jŭm Gâp.

Luka 1:19

Tông mpăr plơ̆ lah: “Gâp jêng Gabriel, ƀaƀơ gŭ tanăp Brah Ndu. Gâp dơi njuăl văch gay lah đah may jêh ri mbơh Nau Mhe Mhan Ueh ma may.

Luka 10:16

Mbu nơm iăt khân may, jêng iăt Gâp; mbu nơm dun khân may, jêng dun Gâp. Mbu dun Gâp, jêng dun Nơm hŏ njuăl Gâp.”

Luka 12:12

yorlah ta mông nây, Brah Huêng Ueh mra nti ma lĕ nau khân may mra lah.”

Luka 21:15

Yorlah Gâp mra ăn ma khân may nau ngơi jêh ri nau blau mĭn, ƀiălah mâu geh phung rlăng dơi tâm rdâng jêh ri tâm rlăch đah khân may ôh.

Luka 21:36

Pôri, rngeh njrăng jêh ri mbơh sơm ƀaƀơ hom, gay khân may tŏng n'hâm suan der luh bơh lĕ nau mra tât geh jêh ri dâk tanăp Kon Bunuyh.”

Kôranh Oh Mon 20:27

Yorlah gâp mbơh lĕ nau ŭch bơh Brah Ndu ma khân may, moh nau mâu prăp tay ôh.

II Kôrintô 5:16

Yor nây, ntơm aƀaơ hên mâu hôm sek uănh du huê bunuyh tĭng nâm nglay săk ôh, nđâp tơlah hên hŏ tă sek uănh jêh Brah Krist tĭng nâm nglay săk, ƀiălah aƀaơ aơ he mâu hôm sek uănh Păng tĭng nâm nau nây ôh.

Galati 1:10

Bi aƀaơ aơ, gâp ŭch sŏk nuih n'hâm kon bunuyh mâu lah Brah Ndu? Di lĕ gâp ŭch ƀư maak nuih n'hâm ma bunuyh? Tơlah gâp ăt srôih ƀư maak nuih n'hâm ma kon bunuyh, gâp mâu di jêng oh mon ma Brah Krist ôh.

Galati 2:5

Hên mâu ăn nuih n'hâm ma khân păng du ƀât lât, gay ma nau ngăn bơh Nau Mhe Mhan Ueh gŭ nâp ngăn ngên tâm khân may.

ហេឞ្រើ 5:14

Ƀiălah ndơ sông sa dăng prăp ma phung văch ma toyh, jêng ma phung bunuyh bơh nsrôih ƀư tĭng ma nau blau nti ngăn dơi rnglah êng nau ueh jêh ri nau mhĭk.

Yuđas 1:24

Mbơh sơm dăn Nơm geh nau brah djôt prăp khân may bơh nau chêh prah jêh ri ƀư ma khân may dâk tanăp nau chrêk rmah Păng mâu geh têl khap, jêh ri tâm nau răm maak,