Yêrêmi 15:15 - Nau Brah Ndu Ngơi 2023

¹⁵ Ơ Brah Yêhôva! May gĭt rah vah; Dăn kah gĭt tât ma gâp jêh ri chop khâl gâp, Dăn har plơng bôk ma phung ƀư mhĭk ma gâp. Dăn nsrôih gay ma lơi ta mƀăr gâp ôh; Dăn gĭt pô aơ gâp yor May dơn nau mhĭk!

Yêrêmi 15:15 Iomraidhean Croise

Nêhêmi 13:22

Gâp ntĭnh ma phung Lêvi ăn khân păng ƀư kloh lơi khân păng nơm jêh ri hăn văch gak njrăng mpông pêr, gay prăp ma nar saƀat jêng nar kloh ueh. “Hơi Brah Ndu gâp! Dăn kah gĭt hom ma nau nây jêh ri dăn yô̆ nđach gâp tĭng nâm nau ueh toyh bơh May.”

Nêhêmi 13:31

Gâp đă đŏng phung ƀon lan nhhơr long tĭng tâm nal, tâm ban đŏng nhhơr lĕ play bôk yan bơh neh. “Hơi Brah Ndu gâp, dăn kah gĭt hom ma gâp jêh ri yô̆ an ma gâp!”

Nêhêmi 5:19

“Hơi Brah Ndu gâp! Dăn ma Kôranh Brah kah gĭt lĕ rngôch nau gâp hŏ ƀư jêh ma phung ƀon lan aơ jêh ri yô̆ an ma gâp.”

Nêhêmi 6:14

“Hơi Brah Ndu gâp! Kah gĭt hom ma Y-Tôbia jêh ri Y-Sanbalat tĭng nâm lĕ nau kan khân păng ƀư jêh; tâm ban lĕ kah gĭt hom ma H'Nôadia, nơm mbơh lor bu ur jêh ri phung nơm mbơh lor êng hŏ ƀư jêh ma gâp klach!”

Ndrom Samƀŭt bơh Yôp 10:7

Nđâp lah May lĕ gĭt gâp mâu ƀư tih, Jêh ri mâu geh ôh bunuyh dơi klaih bơh ti May?

Nau Mprơ Ơm 102:24

Gâp lah pô aơ: “Ơ Brah Ndu! Lĕ năm May gŭ bơh rnôk aơ tât rnôk ri. Lơi ta sŏk gâp Dôl n'gul nau rêh gâp mâu hŏ lôch ôh!”

Nau Mprơ Ơm 106:4

Ơ Brah Yêhôva, ăn kah gĭt ma gâp tơlah May ƀư nau ueh ma phung ƀon lan May! Chop khâl gâp tơlah May tâm rklaih khân păng.

Nau Mprơ Ơm 119:84

Oh mon May anh dơn kŏ tât ndah jŏ? Dĭng May mra phat dôih phung ƀư mhĭk ma gâp?

Nau Mprơ Ơm 17:3

Kôranh Brah hŏ sek uănh jêh nuih n'hâm gâp, khâl gâp dôl măng; May rlong uănh gâp ƀiălah joi mâu saơ geh nau ôh; Gâp ntrâng ton trôm mbung gâp mâu mra ƀư tih.

Nau Mprơ Ơm 39:13

Ơ Kôranh Brah! Dăn yô̆ an ma gâp gay ma gâp geh tay nau ktang Êlor ma gâp hăn du jêh ri mâu hôm đŏng ôh!”

Nau Mprơ Ơm 44:22

N'hêl nanê̆, yor May yơh bu nkhĭt hên ăp nar, Bu uănh hên tâm ban ma biăp djôt hăn ƀư puăch.

Êsai 38:3

“Ơ Brah Yêhôva, dăn kah gĭt hom pô aơ gâp hôm chuat hăn răp jăp tanăp măt May ma nau răp jăp lĕ nuih n'hâm, jêh ri ƀư jêh nau ueh tanăp măt May.” Jêh nây Y-Hêsêkia nhĭm rngot ngăn.

Yêrêmi 12:3

Ơ Brah Yêhôva, May gĭt jêh gâp! May saơ gâp, May ôp sek nuih n'hâm gâp ndrel ma May. Dăn nkhah khân păng luh nâm bu nkhah biăp gay djôt tât ntŭk sreh nkhĭt Prăp êng khân păng ma nar sreh nkhĭt.

Yêrêmi 15:10

“Mê̆ ơi, rêh ni ma gâp, yorlah ay hŏ deh jêh gâp, Gay ƀư bunuyh mâp ma nau tâm rlăch jêh ri nau tâm rlăch nchră lam n'gor. Gâp mâu ăn bu manh ôh, mâu lĕ manh ndơ bu Ƀiălah lĕ rngôch bunuyh rak rtăp gâp.”

Yêrêmi 15:20

Gâp mra njêng may Ƀư mpêr kông nâp ăn ma phung ƀon lan aơ, Khân păng mra tâm lơh đah may, Ƀiălah mâu dơi đah may ôh, Yorlah Gâp gŭ ndrel may Gay tâm rklaih may jêh ri ăn kon me may.” Brah Yêhôva lah pônây.

Yêrêmi 17:16

Bi ma gâp, gâp mâu gơnh chalơi ôh nau pah kan rmăk biăp ƀiălah tĭng May yơh. May gĭt, gâp mâu kâp gân ôh nau mhĭk tât. Nau ngơi luh ta bơh bâr mbung gâp Gŭ tanăp măt May da dê.

Yêrêmi 18:23

Ƀiălah Brah Yêhôva ơi, May nơm hŏ gĭt Lĕ nau nchră khân păng hŏ ndâk jêh gay nkhĭt gâp. Lơi ta yô̆ an ôh ma nau mhĭk khân păng, Lơi jut ôh nau tih khân păng bơh măt May. Ƀiălah ăn khân păng chêh prah tanăp măt May; Ăn tâm rmal khân păng tâm dôl May ji nuih.

Yêrêmi 20:11

Ƀiălah Brah Yêhôva gŭ ndrel ma gâp nâm bu du huê tahan janh ktang ma klach ngăn; Yor nây phung ƀư mhĭk ma gâp mra chêh prah, Mâu mra dơi đah gâp ôh. Khân păng mâu mra dơi ôh Jêh ri prêng hâu ngăn ngên, Nau prêng n'ho ro, Mâu dơi chuêl ôh.

Yêrêmi 20:12

Ơ Brah Yêhôva ma phung tahan, May jêng Nơm sek uănh bunuyh sŏng srăng, Nơm dơi uănh tâm nuih n'hâm jêh ri tâm nau mĭn. Ăn gâp saơ nau May har plơng bôk ma khân păng, Yorlah gâp hŏ ngơi nkoch jêh kan gâp ma May.

Yêrêmi 20:8

Ăp tơ̆ gâp ngơi gâp mra lah huy, Gâp nter huy, “Nau ƀai jêh ri ƀư rai!” Yorlah nau Brah Yêhôva Rĭ dĭng bu mưch jêh ri bêk prêng ma gâp ăp nar.

Nau Nhĭm Vơl 3:64

Ơ Brah Yêhôva, May mra plơng bôk khân păng Tĭng nâm kan ti khân păng ƀư.

Nau Nhĭm Vơl 3:66

Tâm nau ji nuih, May tĭng groi jêh ri ƀư rai lơi khân păng Tă bơh trôk Brah Yêhôva.”

Mathay 10:22

Lĕ rngôch bunuyh mra tâm rmot ma khân may yor amoh Gâp, ƀiălah mbu nơm nâp nuih n'hâm tât lôch dŭt mra dơi rklaih.

Mathay 19:29

Ma mbu nơm ƀư lư n'găr ma amoh Gâp ngih vâl, oh nâu, oh nur, mê̆ mbơ̆, phung kon, neh mir lŏ, yor amoh Gâp, nơm nây mra dơi dơn du rhiăng tơ̆ âk lơn, jêh ri dơn nau rêh n'ho ro.

Luka 21:17

Lĕ rngôch bunuyh mra tâm rmot ma khân may yor amoh Gâp.

Samƀŭt Pôl Njuăl Ăn Ma Phung Nsing Ta Ƀon Rôm 12:19

Hơi phung oh nâu gâp rŏng ơi, Lơi ta khân may lơi plơng bu, ƀiălah ăn ma nau Brah Ndu ji nuih; yorlah geh nau Kôranh Brah lah jêh: “Nau plơng bôk jêng nau Gâp. Gâp mra plơng bôk.”

Samƀŭt Pôl Njuăl Ăn Ma Phung Nsing Ta Ƀon Rôm 8:35

Mbu mra nkhah he bơh nau Brah Yêsu Krist rŏng? Di lĕ nau rêh ni toyh, nau rngot klâng, nau ƀư mhĭk, nau ji ngot ji hir, gŭ săk hưl, nau jêr, mâu lah tak đao ƀơh?

II Kôrintô 5:11

Yor ri, yor nuih n'hâm klach ma Kôranh Brah, hên srôih nchâp phung êng. Brah Ndu gĭt rah vah hên, jêh ri gâp kâp gân ma nuih n'hâm sŏng khân may gĭt rah vah hên lĕ.

II Timôthê 4:14

Y-Aleksandrơ, bunuyh blau chiăr kông, ƀư jêh âk nau mhĭk ma gâp; Kôranh Brah mra mplơ̆ ma păng tĭng nâm kan păng pah.

Nau Tâm Mpơl 18:20

Hơi trôk, răm maak hom yorlah păng! Hơi phung kloh ueh, phung kôranh oh mon, jêh ri phung nơm mbơh lor răm maak hom đŏng! Yorlah Brah Ndu tâm rmal jêh păng tĭng nâm nau păng ƀư jêh đah khân may!”

Nau Tâm Mpơl 6:10

Khân păng nter ktang pô aơ: “Ơ Kôranh Brah jêng Nơm kloh ueh jêh ri nanê̆ ngăn, ndah hôm jŏ đŏng Kôranh Brah mra phat dôih, jêh ri plơng bôk ma phung gŭ ta neh ntu yor ma mham hên?”

Phung Kôranh Phat Dôih 16:28

Rnôk nây, Y-Samsôn nter dăn Brah Yêhôva pô aơ: “Hơi Kôranh Brah Yêhôva! Dăn Kôranh Brah kah gĭt tay ma gâp. Hơi Brah Ndu! Dăn ăn nau ktang ma gâp knŏng du tơ̆ aơ đŏng, gay gâp plơng har ma phung ƀon lan Philistin yor bar đah găr măt gâp.”