Yêrêmi 15:14 - Nau Brah Ndu Ngơi 2023

¹⁴ Gâp mra ƀư may pah kan ma nơm rlăng may Tâm du n'gor may ê hŏ mâp gĭt, Yor nau Gâp ji nuih hao hit, Mra su rai lơi khân may.”

Yêrêmi 15:14 Iomraidhean Croise

Nau Mprơ Ơm 21:9

Tơlah Kôranh Brah gŭ ta nây, May ƀư ma khân păng nâm bu ŭnh năk duh; Tâm nau păng ji nuih, Brah Yêhôva mra rvăn ăn khân păng Jêh ri ŭnh mra sa khân păng.

Êsai 42:25

Yor nây, Kôranh Brah hŏ nkhŭt jêh nau ji nuih hâu ngăn Jêh ri nau tâm lơh ktang ngăn ta klơ păng; Ŭnh sa văr jŭm jêh păng, ƀiălah khân păng mâu gĭt rbăng ôh, Ŭnh sa jêh păng ƀiălah păng mâu mĭn rvê ôh.

Yêrêmi 14:18

Tơlah gâp hăn tâm mir, Ta nây saơ phung khĭt yor đao; Tơlah gâp lăp tâm ƀon, Ta nây saơ phung ji kuet yorlah sa sât ji ngot. Lĕ rngôch phung nơm mbơh lor nđâp ma phung kôranh nơm ƀư brah Hăn da dê tât du n'gor khân păng mâu gĭt ôh.’”

Yêrêmi 15:4

Gâp mra njêng khân păng jêng nau klach krit ăn ăp bri hađăch ta neh ntu yorlah lĕ ndơ Manasê, kon bu klâu Y-Hêsêkia, hađăch Yuđa, hŏ ƀư ntŭk ƀon Yêrusalem.

Yêrêmi 16:13

Yor ri, Gâp mra ngluh khân may bơh bri aơ, klŭp khân may jêh ri phung chô yau khân may ta du n'gor mâu mâp gĭt ôh. Ntŭk nây, khân may mra nar măng pah kan ma lĕ brah êng; yorlah Gâp mâu mra ăn đŏng nau ueh ma khân may ôh.’”

Yêrêmi 17:4

May mra ƀư roh êng Drăp ndơn Gâp ăn jêh. Gâp mra nhŭp may pah kan ma phung rlăng đah may Tâm du n'gor may ê hŏ mâp gĭt; Yorlah may hŏ sŭnh ŭnh hao ji nuih ma Gâp, Pôri păng mra su hit mro mrăng.”

Yêrêmi 4:4

Hơi phung Yuđa jêh ri phung ƀon lan Yêrusalem, Koh hom ntâu khân may nơm yorlah Brah Yêhôva, Koh mƀăr lơi ntâu bơh nuih n'hâm khân may! Tơlah mâu, nau Gâp ji nuih mra hao hit nâm bu ŭnh, Su khân may, mâu geh bunuyh buh nhhât ôh, Yorlah nau mhĭk khân may hŏ ƀư.”

Yêrêmi 52:27

Hađăch Babilôn dong jêh ri nkhĭt khân păng ta ƀon Ribla, tâm n'gor Hamat. Nây jêng phung Yuđa bu veng leo ƀư bu nă tâm n'gor bri êng.

Amôt 5:27

Yor nây, Gâp mra ăn khân may jêng bu nă đah ri ƀon Damas.” Brah Yêhôva lah kơt nây, Amoh Păng jêng Brah Ndu ma phung tahan.

Nau Vay Nkah Tay 28:25

Brah Yêhôva mra ƀư ăn khân may rai jot tanăp phung rlăng khân may. Khân may mra tâm lơh đah khân păng bơh du trong, jêh nây khân may mra nchuăt du bơh khân păng tâm pơh trong. Khân may mra jêng du ntil ndơ tâm rmot đah lĕ rngôch ƀon bri hađăch tâm neh ntu.

Nau Vay Nkah Tay 28:36

Brah Yêhôva mra njŭn leo khân may jêh ri hađăch khân may hŏ ndâk jêh, hăn tât ta du bri dak ƀiălah khân may jêh ri phung chô yau khân may ê hŏ mâp gĭt ôh. Ta nây, khân may mra pah kan ma phung brah êng ma tơm si, ma lŭ.

Nau Vay Nkah Tay 28:64

Brah Yêhôva mra ăn khân may chah rai ta nklang lĕ rngôch phung ƀon lan, ntơm bơh dŭt bri neh đah aơ ma dŭt bri neh đah ri. Ta nây, khân may mra pah kan ma phung brah êng ƀư ma si, ƀư ma lŭ, lĕ khân may nđâp phung chô yau khân may mâu hŏ mâp gĭt ôh.

Nau Vay Nkah Tay 29:23

Tâm lam n'gor knŏng jêng ndrêch gơ̆ kro ŭnh de sa đah lŭ mô ŭnh jêh ri boh, mâu geh tuch tăm, mâu lŏ kan, mâu geh tơm si chăt nkŭr, mâu geh hon gơ̆, tâm ban ma nau ƀư rai ta ƀon Sôdôm, Gômôrơ, Adma, jêh ri Sêbôim jêng lĕ ƀon Brah Yêhôva ƀư rai jêh tâm nau ji nuih klach krit ngăn bơh Păng.

Nau Vay Nkah Tay 32:22

Yorlah ŭnh nau ji nuih lĕ hit jêh tâm Gâp, Ŭnh nây sa kŏ tât ta mbon ƀon phung khĭt, Ŭnh sa neh jêh ri play do, Ŭnh sa kŏ tât ta mbon phung yôk.

ហេឞ្រើ 12:29

yorlah Brah Ndu he jêng mpiăt ŭnh su lĕ.