Yêrêmi 15:1 - Nau Brah Ndu Ngơi 2023

¹ Brah Yêhôva lah ma gâp; “Nđâp lah Y-Môis jêh ri Y-Samuel dâk panăp măt Gâp, nuih n'hâm Gâp mâu hôm n'gĭl uănh ma phung ƀon lan aơ ôh. Mprơh hom khân păng bơh Gâp, jêh ri đă khân păng hăn du!

Yêrêmi 15:1 Iomraidhean Croise

Nau Ntơm 19:27

Ang ôi taơ, Y-Abraham dâk ơm ôi jêh ri hăn tât ta ntŭk păng hŏ gŭ tanăp Brah Yêhôva.

II Phung Hađăch 17:20

Yor nây, Brah Yêhôva chalơi lĕ rngôch noi deh phung Israel. Păng ƀư ma khân păng geh nau bêk prêng jêh ri jao khân păng tâm ti phung pit in, kŏ tât Păng klŭp mƀăr khân păng ngai đah măt Păng.

Nau Mprơ Ơm 106:23

Yor nây, Brah Ndu lah pô aơ Păng mra ƀư rai khân păng. Ƀiălah Y-Môis jêng nơm Păng săch jêh, Dâk ntŭk pêch đang tanăp Păng, Gay dăn lơi ăn Păng ji nuih ƀư rai khân păng.

Nau Mprơ Ơm 99:6

Tâm phung kôranh ƀư brah Păng geh Y-Môis jêh ri Y-Arôn, Tâm phung kuăl mbơh sơm ma amoh Păng geh Y-Samuel. Khân păng kuăl mbơh sơm ma Brah Yêhôva jêh ri Păng mplơ̆ lah ma khân păng.

Nau Hôr 14:35

Hađăch prăp nau yô̆ ăn ma oh mon gŭ ngao blau mĭn, Ƀiălah păng mra ji nuih ma nơm ƀư nau bêk prêng.

Yêrêmi 10:18

Yorlah Brah Yêhôva lah pô aơ: “Ri, tơ̆ aơ Gâp mra mƀăr lơi bunuyh ƀon lan tâm neh aơ hăn ngai, Gâp mra ăn khân păng rêh ni, Gay khân păng kah gĭt.”

Yêrêmi 11:14

Bi ma may, lơi may mbơh sơm kơl an ăn phung ƀon lan aơ, mâu lĕ yorlah khân păng hă bâr vơl dăn mâu lah vah vơl, Gâp mâu iăt khân păng nđâp ma khân păng vơl dăn ma Gâp tâm nau rêh ni.

Yêrêmi 14:11

Brah Yêhôva lah ma gâp: “Lơi ta may mbơh sơm nau ueh ôh ăn ma phung ƀon lan aơ.

Yêrêmi 14:12

Nđâp lah khân păng ât sông sa, Gâp mâu mra iăt nau khân păng kuăl mbơh sơm; jêh ri nđâp lah khân păng nhhơr ndơ ƀư brah gŭch jêh ri ndơ ƀư brah rnih môi, Gâp ăt mâu dơn ôh; ƀiălah Gâp mra ƀư rai khân păng ma đao, nau sa sât ji ngot, jêh ri ma nau ji tưp.”

Yêrêmi 15:19

Yor nây, Brah Yêhôva lah: “Tơlah may plơ̆ sĭt tay, Gâp mra njêng tay may, Ăn may dâk tanăp măt Gâp; Tơlah may ƀư nau khlay cha bơh nau lă lêng, Pôri may mra jêng nâm bu bâr mbung Gâp. Khân păng plơ̆ sĭt ma may, Ƀiălah may mâu plơ̆ sĭt ma khân păng.

Yêrêmi 16:13

Yor ri, Gâp mra ngluh khân may bơh bri aơ, klŭp khân may jêh ri phung chô yau khân may ta du n'gor mâu mâp gĭt ôh. Ntŭk nây, khân may mra nar măng pah kan ma lĕ brah êng; yorlah Gâp mâu mra ăn đŏng nau ueh ma khân may ôh.’”

Yêrêmi 16:5

Brah Yêhôva lah: “Lơi ta lăp tâm trôm ngih geh nau rngot ndrê, lơi ta nhĭm nhhiăng mâu lah bonh leng ma khân păng, yorlah Gâp hŏ sŏk sĭt jêh nau đăp mpăn, nau rŏng nâp jêh ri nuih n'hâm yô̆ nđach du luh bơh phung ƀon lan aơ,” Brah Yêhôva lah pônây.

Yêrêmi 18:20

Geh lĕ nơm sŏk nau mhĭk mplơ̆ ăn nau ueh? Ƀiălah khân păng kuyh jêh ntu ƀư rai lơi nau rêh gâp. Dăn May kah gĭt pô aơ gâp lĕ tă gŭ dâk tanăp măt May Gay dăn nau ueh ăn ma khân păng, Jêh ri dăn May mâu nkhŭt ôh nau ji nuih ta khân păng.

Yêrêmi 22:28

Pônây di lĕ Y-Jêhôjakin aơ jêng yăng chah rai jêh lĕ bu mưch rmot hĕ? Yăng mâu geh nơm ŭch rŏng ôh? Mâm ƀư hađăch nây jêh ri lĕ rngôch noi deh păng bu mƀăr lơi, Bu klŭp mƀăr tâm du bri khân păng mâu gĭt năl ôh?

Yêrêmi 23:39

Yor nây Gâp mra chuêl khân may jêh ri lơi khân may nđâp ma ƀon Gâp hŏ ăn ma khân may jêh ri phung chô yau khân may ngai bơh măt Gâp.

Yêrêmi 35:19

Yor nây, Brah Yêhôva ma phung tahan, Brah Ndu Israel, lah pô aơ: ‘Y-Jêhônadap, kon bu klâu Y-Rêkap, mâu mra pưt ôh du huê bunuyh dâk panăp Gâp.’”

Yêrêmi 52:3

Yorlah nau Brah Yêhôva ji nuih ma lĕ nau mhĭk hŏ geh tât jêh ta ƀon Yêrusalem jêh ri n'gor Yuđa Păng mprơh khân păng du bơh tanăp măt Păng. Y-Sêdêkia hao tâm rdâng đah hađăch Babilôn.

Yêrêmi 9:19

Yorlah geh nau nhĭm vơl bơh ma ƀon Siôn pô aơ: ‘Hên lĕ rai jêh! Hên prêng hâu ngăn yơh! Yorlah hên hŏ chalơi ntŭk gŭ; Ngih vâl hên bu hŏ ƀư rai jêh!’”

Êsêkiêl 14:14

nđâp lah tâm bri nây geh pe nuyh aơ jêng Y-Nôê, Y-Daniel jêh ri Y-Yôp, khân păng dơi tâm rklaih knŏng huêng khân păng nơm yor nau sŏng srăng khân păng, Brah Yêhôva lah pônây.

Êsêkiêl 22:30

Gâp joi jêh du huê bunuyh ta nklang khân păng gay ndâk tay mpêr ƀon toyh, yorlah neh gŭ dâk ta ntŭk lĕ đang chah tanăp Gâp gay ma Gâp mâu ƀư rai păng ôh; ƀiălah Gâp joi mâu dơi geh du huê bunuyh.

Ndrom Samƀŭt bơh Ôsê 9:15

Lĕ rngôch nau djơh mhĭk khân păng gŭ ta ƀon Gilgal da dê; Ta ntŭk nây yơh Gâp tâm rmot ma khân păng. Yor lĕ nau kan djơh mhĭk khân păng Gâp mra mprơh khân păng bơh ngih Gâp; Gâp mâu hôm rŏng ma khân păng đŏng ôh. Lĕ rngôch phung kôranh chiă uănh khân păng jêng phung mâu gŭ răp jăp.

Sakari 3:3

Nôk nây, Y-Yôsuê nsoh ao uk, dâk tra năp tông mpăr.

Nau Vay Nkah Tay 9:26

Gâp hŏ mbơh sơm ma Brah Yêhôva: ‘Hơi Kôranh Brah, Brah Yêhôva, dăn Kôranh Brah lơi ƀư rai ôh phung ƀon lan May, jêng drăp ndơn May, jêng phung ƀon lan May hŏ tâm chuai jêh ma nau rnam dŭt prêh May, jêh ri hŏ njŭn leo khân păng luh bơh n'gor Êjipt ma ti nau rnam May.

ហេឞ្រើ 9:24

Yorlah Brah Krist mâu lăp ôh tâm ntŭk kloh ueh bơh ti bunuyh ƀư, jêng rup ntŭk kloh ueh ngăn, ƀiălah Păng lăp jêh ƀon ueh klơ trôk, gay aƀaơ aơ Păng tâm tang he hăn tât tanăp Brah Ndu.

Phung Kôranh Phat Dôih 5:9

Nuih n'hâm gâp rŏng ma phung kôranh chiă uănh Israel, Nđâp ma lĕ nơm tâm phung ƀon lan ŭch sân săk khân păng nơm. Tâm rnê ngăn ma Brah Yêhôva!

I Samuel 12:19

Lĕ rngôch phung ƀon lan lah ma Y-Samuel: “Mbơh sơm hom ma Yêhôva Brah Ndu may yor phung oh mon may, gay ma hên mâu khĭt ôh, yorlah hên hŏ ntop nau tih dăn du huê hađăch nđâp ma lĕ rngôch nau tih êng đŏng tâm hên.”

I Samuel 12:23

Bi ma gâp mâu đŏng ƀư tih ma Brah Yêhôva jêh ri rlu mbơh sơm an ma khân may. Gâp mra nti ma khân may gĭt trong ueh jêh ri sŏng.

I Samuel 7:9

Y-Samuel nhŭp du mlâm biăp kon hôm pu toh, ƀư ndơ ƀư brah gŭch nhhơr ma Brah Yêhôva. Jêh nau nây Y-Samuel kuăl mbơh sơm ma Brah Yêhôva yor phung Israel, jêh ri Brah Yêhôva plơ̆ lah ma păng.