Yêrêmi 14:3 - Nau Brah Ndu Ngơi 2023

³ Phung ndrŏng prơh phung oh mon hăn joi dak; Khân păng hăn tât nglao, Ƀiălah mâu saơ dak ôh, Djôt yăng dơm plơ̆ sĭt; Khân păng prêng, rŭng răng, Nkŭm lơi bôk.

Yêrêmi 14:3 Iomraidhean Croise

II Samuel 15:30

Y-Đavit hăn hao klơ yôk Ôlive, nkre nhĭm nkre chuat, nkŭm bôk păng jêh ri chuat jâng dơm. Lĕ rngôch phung ƀon lan hăn tĭng hađăch nkŭm bôk khân păng, jêh ri nkre nhĭm nkre hăn.

II Samuel 19:4

Bi hađăch rdêp măt păng, kuăl nhĭm nter huy ngăn: “Hơi Y-Apsalôm, kon bu klâu gâp! Hơi Y-Apsalôm, kon bu klâu gâp, kon bu klâu gâp!”

I Phung Hađăch 17:7

Ƀiălah jêh ma nây n'hor dak lĕ suăt jêh, yorlah mâu geh ôh dak mih tâm n'gor nây.

II Phung Hađăch 18:31

Lơi ta iăt Y-Hêsêkia, yorlah hađăch Asiri lah pô aơ: Ƀư hom nau đăp mpăn đah gâp jêh ri luh ran lăp ma gâp; pôri ăp nơm tâm khân may mra dơi sa kao play tâm đang krăk ƀâu, n'gar rvi păng nơm, jêh ri nhêt dak tă bơh ndrâm ntu păng nơm,

Êsther 6:12

Jêh nau nây, Y-Môrdêkai plơ̆ sĭt ta ntŭk mpông pêr ngih hađăch. Bi ma Y-Haman hăn sĭt ndal leo ta ngih păng nơm, rngot rvê jêh ri nkŭm bôk păng.

Ndrom Samƀŭt bơh Yôp 6:20

Ƀiălah khân păng bêk prêng yorlah rnơm ir, Nôk tât ta ntŭk khân păng saơ brâp muh măt.

Nau Mprơ Ơm 109:29

Ăn phung rlăng đah gâp nsoh nau bêk. Nau bêk prêng nkŭm khân păng nâm bu ao.

Nau Mprơ Ơm 40:14

Ăn ma phung joi ƀư rai nau rêh gâp Geh nau rŭng răng jêh ri bêk prêng; Ăn ma phung maak răm ma nau gâp roh rai Mra plơ̆ rŭch jêh ri bu tâm rmot.

Yêrêmi 14:4

Klơ neh đang jêh, Yorlah mâu geh dak mih tŭp ta neh, Lĕ phung ƀư mir bêk prêng, Nkŭm lơi bôk.

Yêrêmi 15:18

Mâm nau ji gâp mâu rlu, Sôt rmanh gâp mâu dơi săm Jêh ri mâu ŭch bah? Di lĕ ma gâp, May nâm bu dak n'hor mƀruh nchơt, Nâm bu n'hor dak lĕ suăt dak tu hĕ?

Yêrêmi 2:13

“Phung ƀon lan Gâp hŏ tih bar ntil nau mhĭk: Khân păng hŏ chalơi Gâp, Jêng tu dak rêh; Kuyh êng ntu dak, Ntu dak lĕ đang, Mâu hôm prăp dak.

Yêrêmi 2:37

Tă bơh ntŭk nây, may mra kuăn ti ta klơ bôk Hăn luh du, Yorlah Brah Yêhôva mƀăr lơi jêh ma phung bunuyh may nsing, Khăn păng mâu mra ƀư ăn may dơi ndrŏng.”

Yêrêmi 20:11

Ƀiălah Brah Yêhôva gŭ ndrel ma gâp nâm bu du huê tahan janh ktang ma klach ngăn; Yor nây phung ƀư mhĭk ma gâp mra chêh prah, Mâu mra dơi đah gâp ôh. Khân păng mâu mra dơi ôh Jêh ri prêng hâu ngăn ngên, Nau prêng n'ho ro, Mâu dơi chuêl ôh.

Yêrêmi 3:3

Yor ri dak mih bu hŏ nchăng lơi jêh, Dak mih dŭt yan ăt mâu tât; Nđâp pônây may ăt mâu blau prêng, Măt kranh kơt lŭ tâm ban ma bu ur văng tĭr.

Nau Nhĭm Vơl 4:4

Mpiăt phung kon se jê̆ hôm pu Krêp đah rmlông dơ̆ yor ji hir; Kon se jê̆ dăn piăng let Ƀiălah bu mâu ăn ôh.

Ndrom Samƀŭt bơh Ôsê 2:3

Tơlah mâu, Gâp mra doh lơi rhôk păng, Ăn păng nâm bu nar mhe luh bơh ndŭl mê̆, Njêng păng jêng bri rdah, Jêng ntŭk neh kro, Ăn păng mra khĭt ji hir.

Yôel 1:20

Mpô mpa bri nhhiăng nter đŏng ma May, Yorlah lĕ n'hor dak lĕ suăt kro jêh, Lĕ ŭnh sa jêh ndrêch gơ̆ tâm ntŭk bri rdah.

Amôt 4:7

“Tâm ban lĕ Gâp mâu ăn ôh dak mih ma khân may Tâm pe khay lor ma yan rek ba; Gâp hŏ ăn jêh dak mih ta ƀon toyh aơ Ƀiălah mâu ăn dak mih ta ƀon toyh ri. Mir aơ lĕ geh dak mih jêh, Bi ma lôk mir ri mâu geh dak mih ôh lĕ nhop kro.

Amôt 4:8

Yor ri, bu hăn nsong blêng ntơm bơh ƀon toyh aơ tât ƀon toyh ri gay joi dak nhêt Ƀiălah joi mâu tŏng ôh dak ma nhêt. Ƀiălah khân may mâu plơ̆ sĭt ôh ma Gâp” Brah Yêhôva lah pônây.

Sakari 14:17

Tâm lĕ phung mpôl băl bunuyh ta neh ntu, mbu nơm phung mâu văch tât ôh ma ƀon Yêrusalem gay yơk mbah panăp măt Hađăch, jêng Brah Yêhôva ma phung tahan, pôri mâu mra geh ôh dak mih ma khân păng.