Yêrêmi 14:22 - Nau Brah Ndu Ngơi 2023

²² Geh đŏng brah tâm lĕ brah mƀruh ndơm phung bu năch dơi ƀư dak mih lĕ? Mâu lah yor trôk jŭr nkhŭt êng dak mih? Ơ Yêhôva Brah Ndu hên, mâu di May jêng Nơm nây hĕ? Hên gŭ kâp May, Yorlah May nơm yơh hŏ njêng jêh ăp ntil nây.”

Yêrêmi 14:22 Iomraidhean Croise

I Phung Hađăch 17:1

Y-Êli, bunuyh Tisbê, jêng du huê tâm phung gŭ njưh tâm n'gor Gilêat, lah ma Y-Ahap pô aơ: “Gâp dâk panăp Brah Yêhôva jêng Brah Ndu gŭ rêh mro mrăng ma phung Israel gay sơm ton pô aơ: Tâm âk năm jêh aơ, tơlah mâu geh nau gâp ngơi, mâu mra geh dak ngom, mâu đŏng geh tŭp mih.”

I Phung Hađăch 17:14

Yorlah Yêhôva Brah Ndu phung Israel lah: ‘Rnih muy mâu mra lĕ ôh tâm yăng jêh ri dak ngi ôlive mâu mra pưt tâm nông, kŏ tât ta nar Brah Yêhôva ăn dak mih ta neh ntu.’”

I Phung Hađăch 18:1

Lôch jêh năng nar jŏ jong, geh nau Brah Yêhôva ngơi ma Y-Êli tâm năm prăng phang rơh pe pô aơ: “Hăn hom mâp đah Y-Ahap, Gâp mra ƀư ăn trôk mih tŭp ta neh ntu.”

I Phung Hađăch 8:36

pôri dăn Kôranh Brah klơ trôk rkêng tôr iăt khân păng, yô̆ an ma nau tih ma phung oh mon May jêh ri ma phung ƀon lan Israel May. Dăn ma May sâm nti ma khân păng trong di gay ma khân păng mra hăn, jêh ri ăn dak mih tŭp tâm neh Kôranh Brah ăn jêh ma phung ƀon lan May jêng drăp ndơn.

Ndrom Samƀŭt bơh Yôp 28:26

Nkra nau vay ma mih, Tor trong hăn ma lơp nglaih;

Ndrom Samƀŭt bơh Yôp 5:10

Păng ăn mih ta neh, Ăn dak djrah lam mir;

Nau Mprơ Ơm 130:5

Gâp kâp gân Brah Yêhôva, huêng gâp kâp gân Păng; Gâp kâp gân tâm nau Păng ngơi.

Nau Mprơ Ơm 135:7

Păng ăn ndâr tŭk hao bơh nglĕ dŭt rplay neh, Ƀư lơp nglaih ndrel ma mih, Ăn sial khôm luh tă bơh lĕ jay Păng prăp drăp ndơ khlay.

Nau Mprơ Ơm 147:8

Păng nkŭm lĕ ndâr trôk ma tŭk, Ndrăp dak mih ma neh ntu, Ƀư ăn gơ̆ hon tâm lĕ dor yôk.

Nau Mprơ Ơm 25:21

Ăn nau kloh ueh jêh ri nau sŏng king n'gang gâp, Yorlah gâp kâp gân Kôranh Brah.

Nau Mprơ Ơm 25:3

Ngăn yơh mâu geh du huê nơm rnơm nsing ma May geh nau bêk prêng; Knŏng phung gŭ nau tâm rlăng.

Nau Mprơ Ơm 27:14

Kâp gân hom ma Brah Yêhôva; Ktang hom jêh ri nâp! Di yơh, kâp gân hom Brah Yêhôva!

Êsai 30:18

Nđâp lah pônây, Brah Yêhôva ăt hôm kâp gân gay ăn nau ueh ma khân may; Păng mra dâk ŭch mpơl nau yô̆ nđach ma khân may. Yorlah Yêhôva jêng Brah Ndu sŏng. Ueh maak ngăn ma lĕ rngôch phung kâp gân Păng.

Êsai 30:23

Kôranh Brah mra ăn trôk mih ma găr ntil khân may srih jêh ta neh; ndơ sông sa jêng play kao bơh neh mra jêng ngăn jêh ri rmeh ler. Tâm nar nây, phung mpô mpa khân may rong mra sa gơ̆ tâm ndrêch huy.

Êsai 41:29

Aơ, lĕ rngôch khân păng knŏng jêng nau ndơm; Nau kan khân păng mâu geh nau khlay ôh; Rup brah khân păng tŏ chiăr jêng dơm dam tâm ban ma sial khôm.

Yêrêmi 10:12

Brah Yêhôva yơh hŏ rhăk njêng jêh neh ntu ma nau brah Păng, Ndâk njêng neh ntu bơh nau blau mĭn Păng, Lăk huy lĕ ndâr trôk bơh nau gĭt rbăng Păng.

Yêrêmi 10:13

Tơlah Păng ngơi, lĕ tu dak ta klơ trôk drơu drơu; Păng ƀư n'hôl dak hao bơh ntơm nglĕ dŭt rplay neh. Ƀư ăn lơp nglaih tâm mih, Pơk sail luh bơh lĕ jay prăp drăp ndơ khlay Păng.

Yêrêmi 10:15

Khân păng jêng dơm dam ngăn, du ntil ndơ pâl; Tât nar tâm rmal khân păng mra khân păng mra rai yot.

Yêrêmi 10:3

Yorlah nau vay phung ƀon lan nây knŏng jêng dơm dam. Bu kăl tơm si tâm bri, Nơm blau rhăk dŏng sung njêng rup;

Yêrêmi 16:19

Ơ Brah Yêhôva, May jêng n'hâm suan dăng ktang jêh ri pôih nâp ma gâp, Ntŭk nde krap gâp tâm nar rêh ni! Ntơm bơh nglĕ dŭt rplay neh, Lĕ bri dak mra văch ma May jêh ri lah: “Phung chô yau hên knŏng sŏk dơn lĕ brah mƀruh ndơm, Lĕ nau dơm dam, jêh ri mâu dơi geh nau khlay ôh.

Yêrêmi 5:12

Khân păng hŏ dun mƀăr lơi Brah Yêhôva, Jêh ri lah: “Păng mâu ƀư ôh! Mâu geh nau rêh ni jŭr ta klơ phung he, Ăt mâu geh tak đao, ji ngot ji hir ôh.

Yêrêmi 5:24

Khân păng mâu lah ôh đah nuih n'hâm păng nơm: ‘He klach yơk hom ma Yêhôva Brah Ndu Nơm hŏ ăn dak mih di yan, Dak mih bôk yan jêh ri dak mih lôch yan, Jêh ri mray ăn phung he Lĕ nar pơh ma yan rek.’

Yêrêmi 51:16

Tơlah Păng ngơi, lĕ tu dak ta klơ lĕ ndâr trôk nteh n'găr, Păng ƀư ăn n'hôl dak hao bơh ntơm nglĕ dŭt rplay neh. Njêng lơp nglaih tĭng dak mih, Sial luh du tă bơh tâm jay prăp drăp ndơ khlay Păng.

Ndrom Samƀŭt bơh Ôsê 2:7

Păng mra hăn tĭng phung rŏng păng ƀiălah mâu ban, Joi ƀiălah mâu mâp khân păng. Rnôk nây, păng lah êng: ‘Gâp mra plơ̆ sĭt ma sai saơm, Yorlah nôk nây gâp jêng ueh lơn ma aƀaơ aơ.’

Yôel 2:23

Hơi phung kon ƀon Siôn, maak răm rhơn hom Tâm Yêhôva Brah Ndu khân may! Yorlah Păng ăn dak mih tŭp yan bôk rah tâm di ăn ma khân may; Nkhŭt dak mih yan bôk rah jêh dak mih kêng dŭt yan Jŭr ăn ma khân may nâm bu saơm.

Amôt 4:7

“Tâm ban lĕ Gâp mâu ăn ôh dak mih ma khân may Tâm pe khay lor ma yan rek ba; Gâp hŏ ăn jêh dak mih ta ƀon toyh aơ Ƀiălah mâu ăn dak mih ta ƀon toyh ri. Mir aơ lĕ geh dak mih jêh, Bi ma lôk mir ri mâu geh dak mih ôh lĕ nhop kro.

Mika 5:6

Phung hôm e klen bơh Y-Yakôb Mra gŭ ta nklang âk phung ƀon lan, Nâm bu truh dak tŭk văch tât bơh Brah Yêhôva, Nâm bu dak mih jê̆ tŭp ta klơ gơ̆ nse, Mâu kâp bu ôh Mâu lĕ ŭch ndơ tă phung bu klâu kon bunuyh.

Mika 7:7

Bi ma gâp, gâp mra kâp uănh ma Brah Yêhôva, Kâp gân Brah Ndu nơm tâm rklaih gâp; Brah Ndu gâp mra tăng bâr gâp.

Mathay 5:45

gay ma khân may plơ̆ jêng phung kon ma Mbơ̆ khân may gŭ ta klơ trôk, yorlah Păng ƀư ăn nar luh nchrat ang ma phung djơh mhĭk nđâp ma phung ueh, ăn dak mih ma phung sŏng srăng nđâp ma phung kue.

Nau Vay Nkah Tay 28:12

Brah Yêhôva mra pơk jay ndơ khlay Păng tă tâm trôk gay ăn ma khân may, ăn dak mih di yan ta tâm n'gor khân may jêh ri ăn nau ueh uĭn ma lĕ rngôch kan ti khân may ƀư. Khân may mra ăn ma âk ndŭl mpôl manh ƀiălah khân may mâu mra manh bu ôh.

Nau Vay Nkah Tay 32:21

Khân păng nsônh ăn Gâp ji nuih đah brah mâu di jêng Brah Ndu ôh, Ƀư ma Gâp ji nuih yorlah nau dơm dam bơh khân păng; Gâp ƀư đŏng ăn ma khân păng ntôn đah du phung ndŭl mpôl mâu di jêng phung ndŭl mpôl, Jêh ri ƀư ăn khân păng ji nuih yorlah du phung ƀon lan rluk.