Yêrêmi 14:20 - Nau Brah Ndu Ngơi 2023

²⁰ Ơ Brah Yêhôva, hên gĭt saơ jêh nau djơh mhĭk hên, Jêh ri nau tih phung chô yau hên, Yorlah hên hŏ ƀư tih jêh đah May.

Yêrêmi 14:20 Iomraidhean Croise

II Samuel 12:13

Y-Đavit lah ma Y-Nathan: “Gâp hŏ ƀư tih đah Brah Yêhôva.” Y-Nathan lah ma Y-Đavit: “Brah Yêhôva jut lơi jêh nau tih hađăch, hađăch mâu mra khĭt ôh.

II Samuel 24:10

Tơlah jêh nau kơp phung ƀon lan nuih n'hâm Y-Đavit nâm bu sôch bu sôr. Y-Đavit ngơi ma Brah Yêhôva: “Gâp hŏ ƀư tih toyh ngăn jêh tâm nau gâp hŏ ƀư jêh. Ƀiălah aƀaơ, hơi Brah Yêhôva! Dăn jut lơi nau kue bơh oh mon May hŏ ƀư tih, yorlah gâp ƀư jêh ma nau rluk ngăn.”

Nêhêmi 9:2

Phung Israel hŏ nkhah bơh phung bu năch, dâk da dê mbơh nau tih khân păng nơm jêh ri nau djơh mhĭk bơh phung chô yau khân păng.

Ndrom Samƀŭt bơh Yôp 33:27

Bunuyh nây mra mprơ tanăp kon bunuyh pô aơ: ‘Gâp hŏ ƀư tih jêh ri nkê̆ch ăn kue nau sŏng, Ƀiălah mâu geh ôh nau rmal nâm bu nau gâp mra dơn.

Nau Mprơ Ơm 32:5

Gâp mbơh jêh nau tih ma May, Gâp mâu pôn ôh nau djơh mhĭk gâp; Gâp lah: “Gâp mra mbơh lĕ nau gâp ƀư tih ma Brah Yêhôva, Jêh ri May yô̆ an nau tih gâp.” (Sêla)

Yêrêmi 14:7

“Ơ Brah Yêhôva, nđâp lah nau mhĭk hên ƀư mbơh nau tâm rdâng đah hên, Ăn yor amoh May ƀư yơh! Yorlah âk tơ̆ hên mâu răp jăp đah May; Hên hŏ ƀư tih đah may jêh.

Yêrêmi 3:13

‘Knŏng ŭch may dơn saơ nau tih may pô aơ: May hŏ tâm rdâng đah Yêhôva Brah Ndu; May hŏ nsong lam ntŭk tĭng brah phung bu năch tâm dâng ăp pŭm tơm si âk n'ha, Jêh ri mâu rkêng tôr ôh iăt nau Gâp.’” Brah Yêhôva lah pônây.

Yêrêmi 3:25

Hên di ma lâng bê̆ch tâm nau bêk prêng, Ntâk klơ hên nau bêk prêng. Yorlah lĕ rngôch hên nđâp ma chô yau hên Hŏ ƀư tih đah Yêhôva Brah Ndu da dê; Ntơm bơh hôm mom ndăm tât aƀaơ, Phung hên mâu ŭch iăt nau Yêhôva Brah Ndu hên.”

Yêrêmi 8:14

Mâm ƀư he hôm gŭ mro? Tâm rƀŭn rgum, nchuăt ndrel lăp tâm ƀon nâp Jêh ri khĭt ta nây! Yorlah Yêhôva Brah Ndu he hŏ nal ăn he mra khĭt, Păng ăn he nhêt dak kăch khih, Yorlah he hŏ ƀư tih đah Brah Yêhôva.

Nau Nhĭm Vơl 1:20

Ơ Brah Yêhôva, dăn uănh hom! Dôl gâp geh nau rêh ni ngăn; Proch khŭng gâp rung răng; nuih n'hâm gâp uh ah ngăn. Yorlah gâp dăng bôk dŭt n'hâm ngăn! Tâm trong sâng geh tak đao ntâp nkhĭt Tâm ngih vâl geh nau khĭt âk ngăn.

Nau Nhĭm Vơl 3:42

“Hên hŏ ƀư tih jêh ri tâm rdâng jêh, May mâu yô̆ an ôh!

Nau Nhĭm Vơl 5:7

Chô yau hên hŏ ƀư tih jêh ri abaơ lĕ khĭt jêh; Hên mra anh nau mhĭk khân păng.

Daniel 9:15

Aƀaơ aơ, ơ Kôranh Brah jêng Brah Ndu hên, May sŏk jêh ma ti brah njŭn leo phung ƀon lan May luh bơh n'gor Êjipt, hŏ ƀư lư n'găr jêh amoh May nâm bu nar aơ; bi ma hên ƀư tih jêh, hŏ ƀư jêh nau ƀai.

Amôt 7:2

Tơlah krah sa lĕ jêh gơ̆ tâm bri nây, gâp lah pô aơ: “Hơi Kôranh Brah Yêhôva, gâp vơh vơl dăn May yô̆ an hom! Mâm Y-Yakôb hôm dâk dơi lĕ? Yor păng jê̆ lê̆ ir.”