Yêrêmi 14:2 - Nau Brah Ndu Ngơi 2023

² “N'gor Yuđa gŭ tâm nau klâng ndrê, Mpông ƀon lĕ rai; Phung ƀon lan nhĭm vơl da dê ăn ma ntŭk nây, Jêh ri tăng bâr ƀon Yêrusalem kuăl.

Yêrêmi 14:2 Iomraidhean Croise

Ndrom Samƀŭt bơh Yôp 34:28

Khân păng ƀư ma phung o ach lŭng nter tăng tât ma Kôranh Brah, Jêh ri Păng iăt nteh nhĭm bơh phung rêh ni.

Nau Mprơ Ơm 144:14

Ăn phung ndrôk me hên deh âk kon; Ăn mpêr ƀon mâu dơi bluh ôh, Phung ƀon lan mâu ƀư bu nă, Jêh ri mâu geh nau nteh nhĭm ta trong sâng.

Nau Ngluh Êjipt 2:24

Brah Ndu tăng nau khân păng lung nter jêh ri kah gĭt tay nau tâm rnglăp hŏ ƀư đah Y-Abraham, Y-Isăk, jêh ri Y-Yakôb.

Êsai 15:5

Nuih n'hâm gâp lŭng nter yor Môap; Bunuyh khân păng nchuăt du tât ta ƀon Sôar jêh ri ƀon Êglat-Sêlisija. Yorlah ta dor yôk Luhit Khân păng ƀă hao ƀă nhĭm; Tâm trong Hôrônaim, Khân păng lŭng nter yor nau ƀư rai.

Êsai 24:11

Bu nter ta trong sâng yor mâu geh ndrănh; Lĕ rngôch nau hâk răm jêng nau ngo klĕng da dê, Nau maak ta neh hŏ du ngai!

Êsai 24:4

Rplay neh rngot rvê jêh ri rngot njăp, Neh ntu huănh hươi jêh ri jêng rngot njăp; Phung bunuyh bu yơk dŭt prêh ta klơ neh mra huănh hươi.

Êsai 24:7

Ndrănh mhe lŭng nter, Tơm krăk ƀâu lĕ kro klêu jêh, Lĕ rngôch phung geh nuih n'hâm hâk răm nsôr jong da dê;

Êsai 3:26

Lĕ mpông pêr Siôn mra nhĭm nhhiăng jêh ri ndrê klâng; Khân păng mra gŭ tâm bri rngol.

Êsai 33:9

Bri neh nhĭm jêh ri huănh hươi; Liban bêk jêh ri klêu; Sarôn jêng tâm ban ma ndrêch rdah; Basan jêh ri yôk Karmel nhop kro.

Êsai 5:7

Đang play Brah Yêhôva ma phung tahan Jêng ngih Israel, Bi ma phung Yuđa Jêng lĕ tơm si Păng răm maak tăm. Păng kâp gân gay saơ nau sŏng, Ƀiălah knŏng saơ nau mhĭk; Păng kâp gân ma nau sŏng srăng, Ƀiălah knŏng geh nau nter nđêng!

Yêrêmi 11:11

Yor nây, Brah Yêhôva lah pô aơ: ‘Aơ, Gâp mra ăn nau mhĭk tât ma khân păng jêh ri khân păng mâu dơi der ôh. Nđâp tơlah khân păng kuăl dăn ma Gâp, Gâp ăt mâu tăng ôh.

Yêrêmi 12:11

Khân păng hŏ ƀư ăn ma neh nây jêng rngol, rai lĕ; Păng vah vơl ma Gâp. Lĕ rngôch n'gor jêng rngol da dê, Ƀiălah mâu geh bunuyh mĭn tât ôh.

Yêrêmi 12:4

Tâm n'gor bri klâng ndrê, Gơ̆ tâm ndrêch klêu kro kŏ tât ndah jŏ? Yorlah ƀon lan djơh mhĭk Yor nây mpô mpa bri jêh ri sĭm och rai yot da dê. Khân păng lah pô aơ: “Păng mâu mra saơ nau tât nglĕ dŭt ma he ôh!”

Yêrêmi 18:22

Dăn ăn bâr kuăl rklaih huy luh bơh ngih khân păng, Dôl May ƀư ăn phung ntŭng rduh lơh ndal! Yorlah khân păng hŏ kuyh ntu gay nhŭp gâp, Drăng dăk ăn ma jâng gâp chêh prah.

Yêrêmi 4:28

Yor nây, măt neh mra nhĭm vơl, Trôk mra ngo klĕng; Yor Gâp hŏ lah, lĕ dăp nal jêh, Pôri nau ŭch mâu rgâl, nau ngơi mâu plơ̆ ôh.”

Yêrêmi 46:12

Lĕ bri dak tăng lư da dê jêh nau bêk prêng khân ay may, Nau nhhiăng nhĭm ay may lam bri neh ntu; Yorlah nơm dăng ktang chêh prah đah nơm dăng ktang Lĕ bar hê cha lôt ndrel n'grŭp.”

Yêrêmi 8:21

Yorlah nau sôt rmanh phung kon bu ur ƀon lan gâp nuih n'hâm gâp ji ngăn yơh, Gâp nhĭm vơl klâng ndrê, nau krit nhŭp nâp gâp.

Nau Nhĭm Vơl 2:8

Brah Yêhôva hŏ lĕ dăp nal ƀư rai jêh Mpêr ƀon kon druh Siôn; Păng hŏ nthăng jêh rse veh, Nkhĭt mâu rlu ôh ti Păng ƀư ăn ma mpêr jêh pôih rngot klâng, Nsum ndrel tâm nau rgănh huăr rai lĕ.

Nau Nhĭm Vơl 2:9

Lĕ mpông ƀon rhuh jru tâm neh; Păng ƀư rai jêh ri nkê̆ch pă lơi mâng rnăng. Hađăch jêh ri phung kôranh bu nhŭp veng leo ngai bơh n'gor khân păng; Nau vay mâu hôm geh ôh, Nđâp ma phung nơm mbơh lor ăt mâu dơi geh ôh Nau tâm saơ tă bơh Brah Yêhôva.

Nau Nhĭm Vơl 5:10

Ntâu săk hên duh gring nâm bu năk gŭch Yorlah nau ji ngot su hên!

Ndrom Samƀŭt bơh Ôsê 4:3

Yor nây, bri dak mra klâng ndrê; Lĕ rngôch bunuyh huănh huơi da dê, Nđâp ma mpô mpa bri jêh ri sĭm klơ trôk tâm ban lĕ; Lĕ phung ka tâm dak mƀŭt ăt mâu hôm.

Yôel 1:10

Mir ba lĕ rai jêh, Bri neh klâng rngot, yorlah ba ƀlê rai jêh; Ndrănh mhe hŏ suăt jêh, dak ngi ăt mâu hôm geh lĕ.

Yôel 1:11

Hơi phung ƀư mir, bêk prêng hom; Hơi phung tăm tơm krăk ƀâu, nhĭm vơl hom ma ba ƀlê jêh ri ba ôrgơ, Yorlah yan kăch roih tâm mir hŏ roh jêh.

Yôel 1:14

Nal hom nar ât sông sa! Kuăl hom tâm rgum du mpôl toyh! Tâm rgum hom phung kôranh bu ranh jêh ri lĕ rngôch bunuyh gŭ tâm n'gor Ta ntŭk ngih Brah Yêhôva Brah Ndu khân may! Jêh ri kuăl mbơh sơm hom ma Brah Yêhôva!

Yôel 2:6

Phung ƀon lan klach sâr tanăp măt khân păng, Lĕ rngôch klach brâp muh măt da dê.

Ndrom Samƀŭt bơh Agê 1:11

Gâp hŏ kuăl nau prăng phang tât ta neh, ma phung yôk, ma găr ntil, ma dak ndrănh mhe, ma dak ngi, ma kao play chăt hon tă bơh neh, tât ma bunuyh, ma mpa rong, jêh ri ma lĕ rngôch kan ƀư bơh ti khân may.’”

Sakari 7:13

Brah Yêhôva ma phung tahan lah: ‘Lah Gâp kuăl, khân păng mâu ŭch iăt ôh, pôri lĕ, lah khân păng kuăl dăn, kŏ Gâp mâu iăt lĕ.

I Samuel 5:12

Bi phung mâu geh khĭt, nau ji tŭl ko mra ƀư rêh ni, jêh ri nau nter tâm ƀon nây hao tât klơ trôk.

I Samuel 9:16

“Ôi taơ, di ta mông aơ, Gâp mra prơh du huê bunuyh gŭ ta n'gor Benjamin tât ma may jêh ri may mra mhĭng dak ƀâu kah ma păng gay păng jêng kôranh chiă uănh phung ƀon lan Israel Gâp. Păng mra tâm rklaih phung ƀon lan Gâp tă bơh ti phung Philistin, yorlah Gâp uănh treng jêh phung ƀon lan Gâp, yorlah nau khân păng nter vơl tât jêh ma Gâp.”