Yêrêmi 14:16 - Nau Brah Ndu Ngơi 2023

¹⁶ Bi ma lĕ phung hŏ iăt jêh nau khân păng mbơh lor bu klŭp mƀăr n'gŏ trong sâng Yêrusalem ndrel ma ur, kon bu klâu, kon bu ur khân păng, ƀư bunuyh bu nkhĭt ma đao, sa sât ji ngot mâu geh bunuyh tâp ôh. Yorlah Gâp mra ƀư nau ƀai khân păng nkhŭt tay ta klơ bôk khân păng.

Yêrêmi 14:16 Iomraidhean Croise

Nau Hôr 1:31

Yor nây, khân păng dơn play nau mhĭk tĭng nâm kan khân păng ƀư, Jêh ri dơn sŏk lĕ nau păng mĭn kan,

Êsai 51:20

Phung kon bu klâu may khĭt huăr da dê, Bê̆ch lă lêng tâm lam lĕ trong sâng, Tâm ban ma yơng geh nhuăl, Khân păng gŭ tâm dâng nau Brah Yêhôva ji nuih Jêh ri nau Brah Ndu khân may nduyh!

Êsai 9:16

Yor nây, Kôranh Brah mâu maak ôh đah phung bu klâu ndăm khân păng, Mâu lĕ yô̆ ma kon đơi jêh ri phung ndrô khân păng. Yorlah ăp nơm khân păng jêng phung mâu blau yơk ma Brah Ndu jêh ri phung ƀai Jêh ri lĕ rngôch trôm mbung ngơi ma nau rluk. Nđâp lĕ nau nây kđôi lĕ, nau Păng ji nuih mâu du ôh, Jêh ri ti păng ăt yơr!

Yêrêmi 16:4

“Khân păng mra khĭt yor nau ji tưp, mâu geh bunuyh nhĭm nhhiăng ăt mâu lĕ geh bunuyh tâp brôi. Khân păng mra jêng nâm bu buh ta klơ măt neh. Bu mra khĭt khân păng ma pêh đao jêh ri sa sât ji ngot. Săk jăn khĭt khân păng mra ƀư ndơ sa ăn ma phung sĭm klơ trôk jêh ri ma mpô mpa bri ta klơ neh.”

Yêrêmi 18:21

Yor nây, dăn May jao kon sau khân păng ăn ma nau sât ji ngot, Jêh ri jao khân păng ma pêh đao. Phung bu ur mra roh kon jêh ri jêng ndrô, Phung bu klâu khĭt yor ji tưp, Phung mom ndăm cha lôt khĭt ma pêh đao ta nklang ntŭk tâm lơh.

Yêrêmi 20:6

Bi may, hơi Y-Pashur, may nơm jêh ri phung gŭ tâm ngih may bu mra ƀư jêng bu nă da dê. May mra tât ma Babilôn, khĭt jêh ri tâp ta nây ndrel ma lĕ rngôch phung mĭt jiăng may, jêng phung bunuyh hŏ iăt nau mbơh lor nklă may.’”

Yêrêmi 27:15

Brah Yêhôva ngơi lah: ‘Gâp mâu mâp prơh khân păng hăn ôh, ƀiălah khân păng sŏk amoh Gâp gay lah nau mbơh lor nklă mƀruh. Yor nây, Gâp mra mprơh khân may hăn jêh ri ƀư rai khân may ndrel ma phung mbơh lor hŏ mbơh lor ăn ma khân may.’”

Yêrêmi 4:18

“Trong jêh ri nau kan may Hŏ ƀư ăn may lĕ nau nây. Nây jêng nau nglĕ dŭt rêh ni may, rngot ngăn ngên! Rngot ngăn ngên kŏ tât tâm trôm nuih n'hâm.”

Yêrêmi 5:31

Lĕ phung nơm mbơh lor mƀruh, Jêh ri lĕ kôranh ƀư brah chiă uănh tĭng nau ƀĭt gai phung nơm mbơh lor nây, Pônây phung ƀon lan Gâp ŭch rŏng! Ƀiălah tât dăch dŭt, moh khân may mra ƀư?”

Yêrêmi 7:33

Săk jăn khĭt phung ƀon lan aơ mra ƀư mpa sa ăn phung sĭm trôk jêh ri mpô mpa bri klơ neh, jêh ri mâu geh bunuyh mprơh khân păng du.

Yêrêmi 8:1

Brah Yêhôva lah: “Rnôk nây, bu mra mpâk bơh ntu môch nting phung hađăch Yuđa, nting phung kôranh, nting phung kôranh ƀư brah, nting phung nơm mbơh lor, jêh ri nting phung gŭ tâm ƀon Yêrusalem.

Yêrêmi 8:2

Bu mra ih lĕ nting nây tâm dâng nar, khay, jêh ri lĕ rngôch mănh klơ trôk khân păng hŏ rŏng kơnh, pah kan, hăn tĭng ndô̆, dăn lup, jêh ri yơk mbah. Lĕ nting nây mâu mra dơi rgum tay, ăt mâu dơi tâp ƀiălah mra jêng nâm bu ŭnh buh ta klơ măt neh.

Yêrêmi 9:20

Hơi lĕ bu ur, iăt hom nau Brah Yêhôva, Pơk hom tôr iăt nau bơh mbung Păng; Nti hom ăn kon bu ur khân may nau mprơ nhĭm vơl, Nti ndrel nau mprơ rngot klâng!

Yêrêmi 9:22

May ngơi hom: “Brah Yêhôva lah pô aơ: ‘Săk jăn phung khĭt mra cha lôt Nâm bu buh nkhŭt ta lôk mir, Nâm bu nkong ba pakơi nơm rek Mâu geh nơm dônh khân păng ôh.’”

Êsêkiêl 39:14

Khân păng mra prơh phung bunuyh hăn ƀaƀơ lam n'gor gay tâp phung bunuyh khĭt hôm e klen ta klơ neh jêh ri ƀư kloh lơi. Pơh khay pakơi, khân păng mra hăn tĭng joi.

Amôt 7:17

Yor nây, Brah Yêhôva lah: ‘Ur may jêng du huê bu ur tăch săk tâm ƀon toyh; Phung kon bu klâu jêh ri phung kon bu ur may mra cha lôt khĭt ma đao; Bri may bu mra veh jêh ri tâm pă, Bi may nơm mra khĭt tâm du n'gor bri ƀơ̆ ƀơch, Jêh ri nanê̆ ngăn Israel mra hăn jêng bu nă ngai ma bri khân păng nơm.’”

Mathay 15:14

Ăn kđôi khân păng; khân păng jêng phung chieh măt njŭn trong. Tơlah du huê chieh măt njŭn du huê chieh măt, lĕ bar hê khân păng mra tŭp tâm ntu.”

Nau Tâm Mpơl 16:1

Nôk nây, gâp tăng bâr ngơi ktang luh bơh ngih brah đă pơh nuyh tông mpăr pô aơ: “Hăn hom, nkhŭt pơh ngan nau Brah Ndu ji nuih tâm neh ntu.”