Yêrêmi 14:15 - Nau Brah Ndu Ngơi 2023

¹⁵ Yor nây, Brah Yêhôva lah ntop đŏng: “Bi ma lĕ phung mbơh lor mâu tă bơh Gâp mprơh tât nănh ngơi tâm amoh Gâp ngơi mbơh lor pô aơ ‘mâu mra geh đao jêh ri sa sât ji ngot geh tât ta n'gor aơ’, pôri phung nơm mbơh lor nây yơh bu mra ƀư rai ma đao jêh ri sa sât ji ngot.

Yêrêmi 14:15 Iomraidhean Croise

I Phung Hađăch 22:25

Y-Mika lah: “May mra gĭt rah vah nau nây tâm nar may nchuăt tă bơh jrô aơ tât ma jrô ri gay du krap.”

Yêrêmi 20:6

Bi may, hơi Y-Pashur, may nơm jêh ri phung gŭ tâm ngih may bu mra ƀư jêng bu nă da dê. May mra tât ma Babilôn, khĭt jêh ri tâp ta nây ndrel ma lĕ rngôch phung mĭt jiăng may, jêng phung bunuyh hŏ iăt nau mbơh lor nklă may.’”

Yêrêmi 23:30

Yor nây, aơ, Brah Yêhôva lah: “Aơ, Gâp tâm rdâng đah phung mbơh lor phung ntŭng ndrăng khân păng nơm nau Gâp ngơi.”

Yêrêmi 27:15

Brah Yêhôva ngơi lah: ‘Gâp mâu mâp prơh khân păng hăn ôh, ƀiălah khân păng sŏk amoh Gâp gay lah nau mbơh lor nklă mƀruh. Yor nây, Gâp mra mprơh khân may hăn jêh ri ƀư rai khân may ndrel ma phung mbơh lor hŏ mbơh lor ăn ma khân may.’”

Yêrêmi 6:15

Khân păng ƀư nau ƀơ̆ ƀơch, di nau bêk prêng, Ƀiălah khân păng mâu saơ bêk prêng ôh, Ăt mâu gĭt mâm nau bêk prêng. Yor nây, khân păng mra chêh prah ta nklang phung chêh prah; Tât nar Gâp phat dôih, khân păng mra cha lôt,” Brah Yêhôva lah pônây.

Yêrêmi 8:12

Khân păng ƀư nau ƀơ̆ ƀơch, di nau bêk prêng, Ƀiălah khân păng mâu saơ nau bêk prêng ôh, Ăt mâu gĭt mâm nau bêk prêng. Yor nây, khân păng mra chêh prah ta nklang phung chêh prah; Tât nar Gâp phat dôih, khân păng mra cha lôt,’” Brah Yêhôva lah pônây.

Yêrêmi 8:13

Brah Yêhôva lah: “Gâp ŭch rgum khân păng jêh ri ƀư rai lĕ khân păng, Mâu mra hôm play krăk ƀâu ta klơ tơm krăk ƀâu, Mâu hôm play rvi ta klơ tơm rvi; N'ha mra kro klêu; Moh ndơ Gâp hŏ ăn ma khân păng bu mra sŏk lơi.”

Nau Nhĭm Vơl 1:19

Gâp hŏ kuăl jêh phung rŏng ma gâp Ƀiălah khân păng ndơm gâp; Phung kôranh ƀư brah jêh ri phung bu ranh Hŏ khĭt jêh tâm ƀon, Dôl khân păng joi ndơ sông sa Gay geh plơ̆ tay n'hâm suan.

Nau Nhĭm Vơl 2:20

Ơ Brah Yêhôva dăn mêt uănh! Mbu may hŏ ƀư nâm bu pô aơ? Mâm ƀư me păng sa lơi play proch khŭng păng nơm, Nây jêng phung kon păng nơm dôl ut ra u tâm ti? Mâm ƀư kôranh ƀư brah jêh ri nơm mbơh lor Geh lĕ bu nkhĭt tâm jrô kloh ueh Kôranh Brah?

Êsêkiêl 13:14

Gâp mra ƀư rlâm lơi mpêr khân may lĕ mhĭng ma klo nglang, ntrŭnh păng êp kêng neh, kŏ tât rlơk knŏng hôm mpơl mbon mpêr. Tơlah mpêr lĕ rlâm, bu mra ƀư rai khân may ta nây jêh ri khân may mra gĭt Gâp jêng Brah Yêhôva.

Êsêkiêl 13:15

Gâp mra nkhŭt nau ji nuih ta klơ mpêr jêh ri ma phung mhĭng klo nglang ta klơ păng. Gâp mra lah ma khân may pô aơ: “Mâu hôm geh mpêr ôh, phung mhĭng klo nglang tâm ban lĕ.

Êsêkiêl 13:9

Ti Gâp mra tâm rdâng đah phung nơm mbơh lor tâm saơ dơm dam, nau ƀŭk rƀên mƀruh. Khân păng mâu mra gŭ ôh tâm nau phung ƀon lan Gâp tâm rƀŭn đŏng ôh, mâu geh nchih tâm ndrom samƀŭt ngih Israel đŏng ôh, jêh ri mâu chuat lăp tâm bri Israel. Rnôk nây, khân may mra gĭt Gâp jêng Kôranh Brah Yêhôva.

Êsêkiêl 14:10

Lĕ bar mra dơn nau tâm rmal; nau tâm rmal prăp ma nơm mbơh lor jêh ri nau tâm rmal prăp ma nơm joi ôp jêng tâm ban da dê.

Êsêkiêl 14:9

Tơlah nơm mbơh lor geh nau ntrôl jêh ri ngơi du bâr, Gâp nơm yơh, Brah Yêhôva, mra ăn bu ntrôl nơm mbơh lor nây jêh ri Gâp mra yơr ti tâm rdâng đah păng, jêh ri ƀư rai lơi păng bơh ta phung ƀon lan Gâp Israel.

Êsêkiêl 33:6

Ƀiălah, tơlah nơm kâp gak saơ đao tât mâu ŭch uh ôh nŭng gay mbơh ma phung ƀon lan, yor nây đao tât nkhĭt lơi nau rêh du huê bunuyh nơm nây mra khĭt tâm nau djơh mhĭk păng nơm, ƀiălah Gâp mra kêt mham păng ta ti nơm gak.’

Amôt 7:17

Yor nây, Brah Yêhôva lah: ‘Ur may jêng du huê bu ur tăch săk tâm ƀon toyh; Phung kon bu klâu jêh ri phung kon bu ur may mra cha lôt khĭt ma đao; Bri may bu mra veh jêh ri tâm pă, Bi may nơm mra khĭt tâm du n'gor bri ƀơ̆ ƀơch, Jêh ri nanê̆ ngăn Israel mra hăn jêng bu nă ngai ma bri khân păng nơm.’”

Mika 3:5

Aơ jêng nau Brah Yêhôva lah ma phung nơm mbơh lor Jêng phung ƀư vĭ nhhơt trong ma phung ƀon lan Gâp; Tơlah geh mbu ăn khân păng sa Pôri khân păng mbơh pô aơ: “Đăp mpăn!” Bi tơlah mbu mâu ăn moh ndơ lăp tâm mbung khân păng Pôri khân păng ndrăp nkra nau tâm lơh đah nơm mâu ăn ndơ sa.

Nau Vay Nkah Tay 18:20

Ƀiălah mbu nơm mbơh lor janh nănh sŏk amoh Gâp gay ngơi lĕ nau Gâp mâu mâp ntĭnh ăn păng ngơi ôh, mâu lah sŏk amoh phung brah êng gay ngơi, nơm mbơh lor nây mra khĭt.’

Nau Tâm Mpơl 19:20

Ƀiălah bu nhŭp jêh mpô mpa dŭt janh nây jêh ri nơm mbơh lor nklă — nơm ƀư jêh lĕ nau mbên khlay tanăp mpô mpa, gay ndơm mƀruh ma phung bunuyh dơn jêh nau mbên tă bơh mpô mpa jêh ri phung bunuyh yơk mbah ma rup păng — bu nhŭp đŏng. Lĕ bar hê khân păng bu mƀăr rêh jŭr tâm nglao ŭnh mô ŭnh dôl hit.