Yêrêmi 14:14 - Nau Brah Ndu Ngơi 2023

¹⁴ Brah Yêhôva lah đŏng ma gâp: “Lĕ phung nơm mbơh lor nây hŏ tâm amoh Gâp mbơh lĕ nau mƀruh nchơt. Gâp mâu mâp prơh khân păng hăn ôh, mâu mâp lĕ ntăm nau mâu lah moh nau lah ma khân păng. Khân păng mbơh lor ma khân may tĭng nau tâm mpơl mƀruh, nau ƀŭk rƀên, nau dơm dam, jêh ri nau ndơm luh bơh nuih n'hâm mhĭk khân păng nơm.”

Yêrêmi 14:14 Iomraidhean Croise

Êsai 56:10

Lĕ rngôch phung gak Israel Chieh măt da dê, mâu geh nau gĭt rbăng ôh. Lĕ rngôch khân păng jêng so mlo, Mâu blau groh ôh; Knŏng mbơi, bê̆ch jong Jêh ri rŏng bê̆ch.

Êsai 9:15

Yorlah phung têk ndrêng phung ƀon lan aơ hŏ nhhơt trong jêh, Bi phung njŭn khân păng lĕ roh rai jêh.

Yêrêmi 20:6

Bi may, hơi Y-Pashur, may nơm jêh ri phung gŭ tâm ngih may bu mra ƀư jêng bu nă da dê. May mra tât ma Babilôn, khĭt jêh ri tâp ta nây ndrel ma lĕ rngôch phung mĭt jiăng may, jêng phung bunuyh hŏ iăt nau mbơh lor nklă may.’”

Yêrêmi 28:11

jêh ri Y-Hanania mbơh tanăp lĕ rngôch phung ƀon lan pô aơ: “Brah Yêhôva lah: ‘Tâm bar năm nĕ, Gâp mra nkê̆ch pă lơi mâng mbăk Y-Nêbukatnetsar, hađăch Babilôn, ta trô ko lĕ rngôch phung mpôl băl bunuyh tâm ban pônây.’” Nơm mbơh lor Y-Yêrêmi du hăn.

Yêrêmi 28:13

“May hăn mbơh hom ma Y-Hanania pô aơ Brah Yêhôva lah pô aơ: ‘May hŏ nkê̆ch jêh mâng mbăk ma tơm si ƀiălah ntrok hom ta nây du mlâm mâng mbăk đah loih.

Yêrêmi 28:15

Nơm mbơh lor Y-Yêrêmi lah ma Y-Hanania: “Ơ Hanania, iăt hom! Brah Yêhôva mâu mâp prơh may hăn ôh, ƀiălah may ăn phung ƀon lan aơ rnơm nsing ma nau mƀruh.

Yêrêmi 29:21

“Brah Yêhôva ma phung tahan, Brah Ndu Israel, lah ma Y-Ahap, kon bu klâu Y-Kôlaya, jêh ri ma Y-Sêdêkia, kon bu klâu Y-Maseya, jêng phung mbơh lor nklă mƀruh tâm amoh Gâp, pô aơ: ‘Aơ, Gâp mra jao khân păng tâm ti Y-Nêbukatnetsar, hađăch Babilôn, hađăch nây mra nkhĭt khân păng tanăp măt khân may.’

Yêrêmi 29:31

“Njuăl hom samƀŭt aơ tât ma lĕ rngôch phung bu hŏ veng jêh: Brah Yêhôva lah ma Y-Sêmaya, bunuyh ƀon Nêhêlam kơt aơ: ‘Y-Sêmaya hŏ mbơh lor jêh ma khân may, ƀư ma khân may rnơm ma nau ngơi mƀruh, Gâp mâu mâp mprơh păng ôh.’

Yêrêmi 37:19

Phung mbơh lor may hŏ ngơi mbơh lor jêh pô aơ: ‘Hađăch Babilôn mâu mra tât văch lơh đah khân may mâu lah lơh ma bri aơ ôh,’ aƀaơ ta ntŭk khân păng gŭ?

Yêrêmi 5:31

Lĕ phung nơm mbơh lor mƀruh, Jêh ri lĕ kôranh ƀư brah chiă uănh tĭng nau ƀĭt gai phung nơm mbơh lor nây, Pônây phung ƀon lan Gâp ŭch rŏng! Ƀiălah tât dăch dŭt, moh khân may mra ƀư?”

Yêrêmi 8:10

Yor nây, Gâp mra jao ur khân păng ăn bu êng, Mir khân păng ăn kôranh mhe; Yorlah ntơm bơh bunuyh dŭt jê̆ tât ma nơm toyh, Kơnh sa kao nau mâu di da dê; Ntơm bơh phung nơm mbơh lor tât kôranh ƀư brah, Gŭ rêh mƀruh ndơm da dê.

Yêrêmi 8:11

Khân păng ƀư bah sôt rmanh kon bu ur phung ƀon lan Gâp ma nau ƀlơr, Jêh nây lah: “Đăp mpăn! đăp mpăn!” Ƀiălah mâu geh nau đăp mpăn ôh.

Nau Nhĭm Vơl 2:14

Phung nơm mbơh lor may hŏ ăn may saơ jêh Nau tâm saơ mƀruh jêh ri nau ndơm; Khân păng mâu mâp tâm mpơl ôh nau tih may Gay leo may plơ̆ sĭt tă bơh ntŭk bu nă. Ƀiălah knŏng ăn may saơ Lĕ nau mbơh lor mƀruh jêh ri vĭ nhhơt.

Nau Nhĭm Vơl 2:9

Lĕ mpông ƀon rhuh jru tâm neh; Păng ƀư rai jêh ri nkê̆ch pă lơi mâng rnăng. Hađăch jêh ri phung kôranh bu nhŭp veng leo ngai bơh n'gor khân păng; Nau vay mâu hôm geh ôh, Nđâp ma phung nơm mbơh lor ăt mâu dơi geh ôh Nau tâm saơ tă bơh Brah Yêhôva.

Êsêkiêl 12:24

Yorlah mâu mra hôm geh đŏng ôh du nau tâm saơ dơm dam mâu lah gru rƀên nau mâu di đŏng ôh tâm ngih Israel.

Êsêkiêl 13:2

“Hơi kon bunuyh, mbơh lor hom nau tâm rdâng đah phung nơm mbơh lor Israel jêng phung dôl mbơh lor, jêh ri lah hom ma phung mbơh lor tĭng nâm khân păng mĭn pô aơ: ‘Iăt hom nau Brah Yêhôva ngơi!’

Êsêkiêl 13:23

Khân may mâu mra hôm saơ ôh nau tâm saơ ndơm jêh ri mâu lĕ ƀư đŏng nau rƀên. Gâp mra tâm rklaih phung ƀon lan Gâp klaih bơh ti khân may jêh ri rnôk aơ khân may mra gĭt Gâp jêng Brah Yêhôva.’”

Êsêkiêl 21:29

Pôri yor Kôranh Brah Yêhôva lah: ‘Yor khân may lĕ nkah jêh gay kah gĭt tay nau mhĭk khân may nơm, bu mra mpơl nau tih khân may, nau tih tâm lĕ rngôch nau ƀư bu mra mpơl; yorlah khân may dơi nkah nau tih nây yor ri bu mra nhŭp khân may.

Mika 3:11

Phung kôranh phat dôih yor drăp bu blŏl, Phung kôranh ƀư brah ntĭm nti yor rnoh bu nkhôm, Bi phung nơm mbơh lor ngơi mbơh lor yor nkhôm ma prăk; Jêh nây khân păng nsing ma Brah Yêhôva ngơi pô aơ: “Mâu ƀơh di Brah Yêhôva dôl gŭ ta nklang he? Nau mhĭk mâu ôh mra tât ma he!”

Sakari 10:2

Yorlah phung rup brah knŏng ngơi nau dơm dam, Lĕ phung n'hŭm knŏng saơ nau mƀruh; Khân păng mbơh nkoch lĕ nau mbơi mƀruh ndơm bu, Jêh ri ngơi nau bonh leng mâu khlay ôh. Yor nây, phung ƀon lan chah rai du pru Nâm bu phung kon biăp rêh ni yorlah mâu geh rmăk chiăp.

Sakari 13:3

Tơlah hôm e geh bunuyh ngơi nau mbơh lor, pôri mbơ̆ jêh ri mê̆ jêng nơm hŏ deh jêh ăn păng, mra lah ma păng: ‘May mâu mra rêh đŏng ôh, yorlah may ngơi nau mƀruh tâm amoh Brah Yêhôva.’ Jêh ri mê̆ mbơ̆ jêng nơm hŏ deh jêh păng mra ntâp păng lah păng ngơi nau mbơh lor.

Nau Vay Nkah Tay 18:20

Ƀiălah mbu nơm mbơh lor janh nănh sŏk amoh Gâp gay ngơi lĕ nau Gâp mâu mâp ntĭnh ăn păng ngơi ôh, mâu lah sŏk amoh phung brah êng gay ngơi, nơm mbơh lor nây mra khĭt.’

I Timôthê 4:2

yor tă nuih n'hâm nklă phung bunuyh ngơi mƀruh kŏ tât nuih n'hâm sŏng khân păng lĕ men jêh.

I Yôhan 4:1

Hơi phung gâp rŏng, lơi chroh ôh ma lĕ rngôch brah huêng, ƀiălah lŏng nâl uănh phung brah huêng nây, geh tât tă bơh Brah Ndu mâu lah mâu, yorlah geh âk nơm mbơh lor nklă mpơl jêh tâm neh ntu.