Yêrêmi 13:27 - Nau Brah Ndu Ngơi 2023

²⁷ Gâp hŏ saơ lĕ nau ƀơ̆ ƀơch bơh may, Nau tih văng tir, nau pâl tâm krĭ văng tĭr phung ka n'hong may, Ta klơ lĕ dor yôk, ta nklang mir. Ơ Yêrusalem, rêh ni ăn ma may! Ndah jŏ may mra mâu ŭch ƀư kloh?”

Yêrêmi 13:27 Iomraidhean Croise

Nau Mprơ Ơm 94:4

Khân păng ngơi lĕ nau sưr; Lĕ rngôch phung mhĭk ngơi blă blơ da dê.

Nau Mprơ Ơm 94:8

Aơ phung rluk tâm phung ƀon lan, mĭn rvê hom; Ơ phung rluk, ndah jŏ khân may mra jêng phung blau mĭn?

Nau Hôr 1:22

“Hơi phung rluk, khân may rŏng nau rluk kŏ tât ndah dŭt jŏ? Phung mưch mra rŏng ma nau tâm mưch Jêh ri phung rluk mra tâm rmot ma nau blau mĭn kŏ tât ndah nâm jŏ?

Êsai 57:7

May n'gân sưng bê̆ch may nơm ta klơ yôk dŭt prêh, Jêh ri may hăn hao ta nây nhhơr mpa ƀư brah.

Êsai 65:7

Nau tih khân may tâm ban ma nau tih phung chô yau khân may.” Brah Yêhôva lah pônây; “Yorlah khân păng hŏ su ndơ ƀâu kah ta klơ lĕ yôk, Jêh ri suai rak Gâp ta klơ lĕ dor yôk, Rĭ dĭng Gâp mra veh nau kan khân păng nôk kăl e Jêh ri plơng bôk tĭng nâm kan khân păng ƀư jêh.”

Yêrêmi 11:15

Nơm Gâp rŏng hŏ ƀư nau mhĭk hôm lăp ngih Gâp moh ndơ gay ƀư đŏng? Gĭt lah âk puăch kloh ueh dơi king may klaih bơh nau tât ji tưp jêh ri ƀư ăn may dơi răm maak lĕ?

Yêrêmi 3:6

Tâm rô̆ hađăch Y-Jôsia chiă uănh, Brah Yêhôva lah ma gâp: “May saơ đŏng nau mâu răp jăp tâm phung Israel hŏ ƀư? Khân păng hŏ hao ăp yôk prêh, tât tâm dâng pŭm tơm si âk n'ha ƀư nau văng tir.

Êsêkiêl 16:23

Kôranh Brah Yêhôva lah: ‘Rêh ni, rêh ni ngăn ma ay! Pakơi lĕ rngôch ƀư nau ƀai nây,

Êsêkiêl 2:10

Păng pơk du ndrom samƀŭt nây tanăp gâp. Nây jêng ndrom samƀŭt geh nau nchih tâm trôm nđâp padih, nchih jêh ta nây nau ngơi nhĭm nhhiăng, nau klâng rvê, jêh ri nau rêh ni.

Êsêkiêl 20:28

Dôl Gâp hŏ leo jêh khân păng lăp neh Gâp ton ăn jêh ma khân păng, rnôk nây khân păng saơ jêh lĕ yôk prêh, lĕ rngôch tơm si dŭt pŭm jêh ri nhhơr ndơ ƀư brah ma khân păng nơm ta nây. Khân păng hŏ mpơl ta nây ndơ ƀư brah gay nsônh Gâp ji nuih; khân păng su ndơ n'hôl geh ƀâu kah jêh ri ƀư ndơ nhhơr nhêt ta nây.

Êsêkiêl 24:12

Păng pah kan hŏt rgănh dơm dam, Yorlah ek găm âk ngăn, mâu dơi ƀư kloh ôh, Nđâp tơlah tê̆ tâm ŭnh jêh, ek găm nây mâu du luh lĕ!

Êsêkiêl 24:13

Nau ƀơ̆ ƀơch may jêng nau tih văng tĭr. Yorlah Gâp hŏ ƀư kloh jêh may ƀiălah may mâu ŭch dơi ƀư kloh, rĭ dĭng may mâu mra dơi ƀư kloh đŏng ôh, kŏ tât nau Gâp ji nuih đah may mâu hôm.

Êsêkiêl 24:6

Yor nây, Brah Yêhôva lah: ‘Rêh ni ngăn ma ƀon pung mham, Rêh ni ma glah lĕ ek găm Ek găm nây mâu jut kloh ôh! Sŏk hom du mlay du mlay ăn kŏ tât lĕ, Mâu sŏk tâm nchroh mâu lah săch ôh.

Êsêkiêl 36:25

Gâp mra djrah dak rsang ta klơ khân may jêh ri khân may mra jêng kloh; Gâp mra ƀư kloh lĕ rngôch nau ƀơ̆ ƀơch khân may jêh ri lĕ rngôch rup brah khân may.

Êsêkiêl 36:37

Kôranh Brah Yêhôva lah: ‘Gâp ŭch ngih Israel dăn ma Gâp gay Gâp ƀư ăn nau aơ: Nây jêng Gâp mra ntop âk phung ƀon lan khân păng nâm bu du phung biăp.

Êsêkiêl 6:13

Tơlah phung bu nkhĭt khân păng lâng khĭt ta nklang phung rup brah gŭ jŭm nơng ƀư brah, ta klơ yôk prêh, ta klơ lĕ rngôch n'gơn yôk, tâm dâng ăp tơm si ndrêh jêh ri tơm n'ho pŭm, ăp ntŭk khân păng nhhơr ndơ ƀâu kah ma lĕ rngôch rup brah khân păng, nôk nây khân may mra gĭt Gâp jêng Yêhôva.

Ndrom Samƀŭt bơh Ôsê 1:2

Tơlah Brah Yêhôva ntơm lah ma Y-Ôsê, Brah Yêhôva lah ma păng: “Hăn hom nđăp du huê bu ur văng tĭr jêh ri deh phung kon ma nau văng tĭr, yorlah bri dak aơ ƀư tih nau văng tĭr nôk chalơi Brah Yêhôva.”

Ndrom Samƀŭt bơh Ôsê 4:2

Knŏng bêng ma nau rak rtăp, mâu răp jăp, nkhĭt bunuyh, Nau ntŭng jêh ri văng tĭr; Khân păng ƀư lĕ nau pling mham aơ tât ma nau pling mham êng.

Ndrom Samƀŭt bơh Ôsê 8:5

Hơi Samari, ndrôk kon may lĕ chalơi jêh! Nau ji nuih Gâp hŏ su ma khân păng. Kŏ tât ndah jŏ Khân păng mâu ƀư tih?

Sôphôni 3:1

Rêh ni ngăn ma ƀon tâm rdâng jêh ri ƀơ̆ ƀơch, Jêng ƀon toyh ƀư nau tŭn jot!

Mathay 11:21

“Rêh ni ngăn ma may, ƀon Kôrasin! Rêh ni ngăn ma may, ƀon Ƀêtsaiđa! Yorlah tơlah nau mbên khlay ƀư jêh ta nklang khân may dơi ƀư nâm bu ta ƀon Tyre jêh ri ƀon Sidôn pôri khân păng hŏ nsoh ao ƀau, ndô buh jêh ri rmal nau tih jŏ jêh.

II Kôrintô 12:21

Gâp klach pô aơ, jêh aơ taơ gâp tât ma khân may, Brah Ndu mra ƀư ăn gâp đit prêng yor ma khân may, jêh ri gâp mra nhĭm ma âk phung ƀư tih jêh bơh lor ƀiălah khân păng mâu ŭch rmal nau tih ma lĕ nau ƀơ̆ ƀơch, nau văng tĭr, nau ƀai khân păng ƀư tih jêh.

II Kôrintô 7:1

Hơi phung oh nâu gâp rŏng, yorlah geh lĕ nau ton aơ, he ƀư kloh hom he nơm bơh lĕ rngôch nau ƀơ̆ ƀơch tâm nglay săk jêh ri huêng, ƀư rah vah hom nau kloh ueh he tâm nau klach yơk ma Brah Ndu.

Yakơ 4:4

Nĕ lĕ bunuyh văng tĭr ri! Khân may mâu gĭt hĕ ƀư băl đah neh ntu jêng tâm rlăng đah Brah Ndu? Yor nây, mbu nơm ŭch ƀư băl đah neh ntu, bunuyh nây jêng nơm rlăng đah Brah Ndu.

Nau Tâm Mpơl 8:13

Jêh ri gâp uănh, jêh ri tăng du mlâm klang ƀŭng dôl mpăr ta nklang trôk, nter huy: “Rêh ni ngăn! Rêh ni ngăn! Rêh ni ngăn ma lĕ phung ƀon lan gŭ tâm neh ntu nôk bâr nŭng pe nuyh tông mpăr êng bơi uh!”